POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 18 ມີນາ 2025

ທາບທາມບຸກຄະລາກອນຮັບສະໝັກເລືອກຕັ້ງເຂົ້າໃນ ຄະນະບໍລິຫານງານພັກ ທະຫານແຂວງຈໍາປາສັກ
ເວລາອອກຂ່າວ: 2024-10-10 11:20:17 | ຜູ້ຂຽນ : admin2 | ຈຳນວນຄົນເຂົ້າຊົມ: 1617 | ຄວາມນິຍົມ:

ກອງປະຊຸມທາບທາມເອົາບຸກຄະລາກອນຮັບສະໝັກເລືອກຕັ້ງເຂົ້າໃນ ຄະນະບໍລິຫານງານພັກ ກອງບັນຊາການທະຫານແຂວງຈໍາປາສັກ ສະໄໝທີ VI ຮອບທີ 2 ໄດ້ຈັດຂຶ້ນໃນລະຫວ່າງວັນທີ 9 - 10 ຕຸລາ 2024 ນີ້, ໂດຍການເປັນປະທານຮ່ວມຂອງ ສະຫາຍ ສາຍທອງ ໄຊຍະວົງ ຮອງເລຂາພັກແຂວງ, ປະທານສະພາປະຊາຊົນແຂວງ, ຫົວໜ້າອະນຸກຳມະການເນື້ອໃນຂັ້ນແຂວງຈຳປາສັກ, ສະຫາຍ ສະນັ່ນ ສີພາພົມມະຈັນ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງ ທັງເປັນຫົວໜ້າອະນຸກໍາມະການບຸກຄະລາກອນຂັ້ນແຂວງຈໍາປາສັກ, ມີສະຫາຍ ພົນຈັດຕະວາ ວິລະຕູ່ ວໍລະຈິດ ຮັກສາການເລຂາອົງຄະນະພັກ, ຫົວໜ້າການເມືອງກອງບັນຊາການທະຫານແຂວງຈໍາປາສັກ, ມີຄະນະຮັບຜິດຊອບອະນຸກໍາມະການຈາກສະພາປະຊາຊົນແຂວງ, ຄະນະຈັດຕັ້ງແຂວງ, ພະແນກພາຍໃນແຂວງ, ຄະນະພັກ-ຄະນະບັນຊາ ຕະຫຼອດຮອດພະນັກງານຫຼັກແຫຼ່ງພາຍໃນກົມກອງທີ່ຂຶ້ນກັບເຂົ້າຮ່ວມ. ກອງປະຊຸມໄດ້ຮັບຟັງການຜ່ານບົດລາຍງານການເມືອງທັງສອງພາກ ແລະ ຜ່ານຮ່າງບົດສໍາຫຼວດການນໍາພາລວມຂອງອົງຄະນະພັກ ກອງບັນຊາການທະຫານແຂວງຈໍາປາສັກ ສະໄໝທີ V ເຊິ່ງໄດ້ຍົກໃຫ້ເຫັນຜົນສໍາເລັດການຈັດຕັ້ງປະຕິບັດໜ້າທີ່ວຽກງານຮອບດ້ານໃນໄລຍະຜ່ານມາ, ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ໃນນີ້, ອັນພົ້ນເດັ່ນແມ່ນວຽກງານປັບປຸງກໍ່ສ້າງພັກ, ກໍ່ສ້າງກໍາລັງ, ເຊິ່ງໄດ້ຕັ້ງໜ້າສຶກສາອົບຮົມການເມືອງ-ນໍາພາແນວຄິດໃຫ້ພະນັກງານສະມາຊິກພັກ ມີຄວາມເຂັ້ມແຂງ, ໜັກແໜ້ນ, ເປັນເຈົ້າການຕ້ານ ແລະ ສະກັດກັ້ນປະກົດການຫຍໍ້ທໍ້ພາຍໃນພັກ, ເສີມຂະຫຍາຍຄວາມສາມັກຄີພາຍໃນເປັນປຶກແຜ່ນແໜ້ນໜາ, ຫ້າວຫັນເຮັດສໍາເລັດໜ້າທີ່ການເມືອງທີ່ໄດ້ຮັບມອບໝາຍ. ນອກນີ້, ຍັງໄດ້ເອົາໃຈໃສ່ກໍ່ສ້າງພັກຕາມ 5 ຫຼັກການ 3 ທິດນໍາ ຂອງພັກ, ແນໃສ່ເຮັດໃຫ້ການຈັດຕັ້ງພັກມີຄວາມເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບ, ຕິດພັນກັບການປັບປຸງກໍ່ສ້າງພື້ນຖານໂຄງລ່າງປູກຝັງ-ລ້ຽງສັດ ສາມາດຮັບປະກັນແກ້ໄຂຊີວິດການເປັນຢູ່ຂອງພະນັກງານ-ນັກຮົບນັບມື້ດີຂຶ້ນເປັນກ້າວໆ, ພ້ອມດຽວກັນນີ້, ປະທານກອງປະຊຸມ ກໍໄດ້ຊີ້ນໍາ ແລະ ມີຄຳເຫັນໂອ້ລົມ ເຊິ່ງສະຫາຍໄດ້ຍົກໃຫ້ເຫັນວ່າ: ກອງປະຊຸມໃນຄັ້ງນີ້ ແມ່ນມີຄວາມໝາຍ, ຄວາມສຳຄັນຢ່າງຍິ່ງ ເພາະເປັນການປະຕິບັດຕາມລະບຽບຫຼັກການຈັດຕັ້ງນຳພາຂອງພັກ, ແນໃສ່ປັບປຸງກໍ່ສ້າງພັກທາງດ້ານການເມືອງ-ແນວຄິດ, ການຈັດຕັ້ງ, ແບບແຜນການນຳພາ, ແບບແຜນວິທີເຮັດວຽກ, ທັງເປັນບັ້ນດຳເນີນຊີວິດການເມືອງພາຍໃນພັກ, ເພື່ອສຳຫຼວດກວດກາຄືນການຈັດຕັ້ງປະຕິບັດມະຕິຕ່າງໆຂອງຄະນະພັກຂັ້ນເທິງ ກໍຄືມະຕິຂອງຄະນະພັກຂັ້ນຕົນ ພ້ອມນັ້ນ, ຍັງເປັນການຍົກສູງຄຸນນະພາບ, ບົດບາດ, ຄວາມສາມາດການນຳພາຂອງຄະນະພັກ, ເປັນການປົວແປງພາຍໃນພັກ, ປັບປຸງທັດສະນະຫຼັກໝັ້ນຂອງພັກ, ຕິດພັນກັບຂະບວນການດຳເນີນການທາບທາມບຸກຄະລາກອນເຂົ້າໃສ່ໂຄງປະກອບຕາມຂັ້ນຕອນຢ່າງມີປະຊາທິປະໄຕ ແລະ ຖືກຕ້ອງຕາມລະບຽບຫຼັກການຂອງພັກ. ຈາກນັ້ນ, ຜູ້ແທນສົມບູນກໍໄດ້ພ້ອມກັນໃຊ້ຊິດປະຊາທິປະໄຕປ່ອນບັດທາບທາມຄັດເລືອກເອົາບຸກຄະລາກອນເຂົ້າໃສ່ໂຄງປະກອບຄະນະບໍລິຫານງານພັກກອງບັນຊາການ ແລະ ທາບທາບເອົາ ຄະນະປະຈຳພັກ, ເລຂາ-ຮອງເລຂາຄະນະພັກ, ປະທານ-ຮອງປະທານຄະນະກວດກາພັກ ກອງບັນຊາການທະຫານແຂວງຈໍາປາສັກ ສະໄໝທີ VI ໄດ້ສຳເລັດ ແລະ ຖືກຕ້ອງຕາມລະບຽບຫຼັກການຂອງພັກວາງອອກ. ຂ່າວ: ດາວົງ ບຸດຕະວົງ ພາບ: ນາງ ສີລິຄານ ສີດາວົງ

news to day and hot news