POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກິດຈະກຳ ກວດສຸຂະພາບຕາ ແລະ ຜ່າຕັດຕາຂຸ້ນໂດຍບໍ່ເສຍຄ່າໃຊ້ຈ່າຍ
ເວລາອອກຂ່າວ: 2024-10-22 09:56:03 | ຜູ້ຂຽນ : admin3 | ຈຳນວນຄົນເຂົ້າຊົມ: 138 | ຄວາມນິຍົມ:

ວັນທີ 15 ຕຸລາ 2024 ນີ້, ສະຫະພັນນັກຮົບເກົ່າແຫ່ງຊາດລາວ, ສະຫະພັນນັກຮົບເກົ່ານະຄອນຫຼວງວຽງຈັນ ໄດ້ສົມທົບກັບ ສູນປິ່ນປົວ ແລະ ຮັກສາສຸຂະພາບຕາ (ທົ່ງປົ່ງ) ຈັດກິດຈະກຳ ກວດສຸຂະພາບຕາ ແລະ ຜ່າຕັດຕາຂຸ້ນ ໂດຍບໍ່ໄດ້ເສຍຄ່າໃຊ້ຈ່າຍ ເນື່ອງໃນໂອກາດວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 22 ປີ ແລະ ວັນສາຍຕາໂລກໂດຍການເປັນປະທານຮ່ວມຂອງສະຫາຍ ພັນເອກ ອິນຫວນ ວໍລະສານ ຮອງປະທານສະຫະພັນນັກຮົບເກົ່າ ນະຄອນຫຼວງວຽງຈັນ, ທ່ານ ດຣ ຄຳຄູນ ໂຫລານຸພາບ ຫົວໜ້າສູນປິ່ນປົວ ແລະ ຮັກສາສຸຂະພາບ ທົ່ງປົ່ງ, ມີ ສະຫາຍ ພົນໂທ ແສງນວນ ໄຊຍະລາດ ປະທານສະຫະພັນນັກຮົບເກົ່າແຫ່ງຊາດລາວ, ມີສະມາຊິກນັກຮົບເກົ່າ, ພະນັກງານ-ລັດຖະກອນ ແລະ ຄອບຄົວພະນັກງານ ເຂົ້າຮ່ວມ. ສະຫາຍ ພັນເອກ ອິນຫວນ ວໍລະສານ ກ່າວວ່າ: ຈຸດປະສົງຂອງການຈັດກິດຈະກຳ ກວດສຸຂະພາບຕາ ແລະ ຜ່າຕັດຕາຂຸ້ນ ໂດຍບໍ່ໄດ້ເສຍຄ່າໃຊ້ຈ່າຍ ໃນຄັ້ງນີ້ ເພື່ອເຮັດໃຫ້ສະມາຊິກນັກຮົບເກົ່າ, ພະນັກງານ-ລັດຖະກອນ, ຄອບຄົວພະນັກງານ ຢູ່ນະຄອນຫຼວງວຽງຈັນ ໄດ້ມີສຸຂະພາບຕາທີ່ດີ ແລະ ເຂົ້າໃຈຮັບຮູ້ກ່ຽວກັບວິທີປ້ອງກັນ-ຮັກສາສຸຂະພາບຕາໃນຂັ້ນພື້ນຖານ ແລະ ເຂົ້າເຖິງການບໍລິການ ເພື່ອເປັນການຫຼຸດຜ່ອນພະຍາດຕາບອດ. ທ່ານ ດຣ ຄຳຄູນ ໂຫລານຸພາບ ກ່າວວ່າ: ບັນຫາຂອງຄົນຕາບອດ ຍັງເປັນບັນຫາຕໍ່ວຽກງານສາທາລະນະສຸກ ເວົ້າລວມໃນທົ່ວໂລກ, ເວົ້າສະເພາະໃນ ສປປ ລາວ; ພວກເຮົາຕ້ອງໄດ້ເພີ່ມທະວີຄວາມເອົາໃຈໃສ່ ແລະ ສືບຕໍ່ແກ້ໄຂບັນຫາຕາບອດໃນໄລຍະສັ້ນ, ໄລຍະຍາວ ເຊິ່ງຕິດພັນກັບການປ່ຽນແປງທາງດ້ານການພັດທະນາຊັບພະຍາກອນມະນຸດ, ເສດຖະກິດ, ສັງຄົມ ແລະ ຄຸນນະພາບຊີວິດ. ການຮ່ວມມືອັນໜື່ງທີ່ລິເລີ່ມໂດຍອົງການອານາໄມໂລກ (WHO) ແລະ ອົງການຈັດຕັ້ງສາກົນ ເພື່ອປ້ອງກັນຕາບອດ (IAPB) ແລະ ໂດຍການເຂົ້າຮ່ວມຂອງອົງການສະຫະປະຊາຊາດ, ລັດຖະບານ, ກະຊວງສາທາລະນະສຸກ, ໜ່ວຍງານຮັກ ສາສຸຂະພາບຕາ, ໂຮງຮຽນ, ໂຮງໝໍ, ສູນ, ສະຖາບັນ, ຊຸມຊົນ, ອຳນາດການປົກຄອງ ແຕ່ລະຂັ້ນນັບແຕ່ສູນກາງລົງຮອດທ້ອງຖິ່ນ ມີສ່ວນຮ່ວມຢ່າງຕັ້ງໜ້າເພື່ອບັນລຸໄດ້ສິດທິໃນການເບິ່ງເຫັນ ທັງໝົດນີ້ ແມ່ນແນໃສ່ຊ່ວຍເຫຼືອມວນມະນຸດດ້ວຍກັນ, ທຸກຄົນມີໜ້າທ່ີຊ່ວຍເຫຼືອເຊິ່ງກັນແລະກັນ, ເຮັດວຽກຮ່ວມກັນ ເພື່ອລົບລ້າງຕາບອດໃຫ້ຫຼຸດນ້ອຍຖອຍລົງເທື່ອລະກ້າວ.

news to day and hot news