ວັນສຸກ, ວັນທີ 06 ທັນວາ 2024
ກຳມາທິການເສດຖະກິດ ພິຈາລະນາຮ່າງມະຕິ 8 ສະບັບ
ເວລາອອກຂ່າວ: 2024-10-22 10:03:02 | ຜູ້ຂຽນ : admin3 | ຈຳນວນຄົນເຂົ້າຊົມ: 188 | ຄວາມນິຍົມ: 
ກອງປະຊຸມກຳມາທິການເສດຖະກິດ ໄດ້ຈັດຂຶ້ນໃນວັນທີ 20 ຕຸລາ 2024 ນີ້, ທີ່ນະຄອນຫຼວງວຽງຈັນ, ໂດຍການເປັນປະທານຂອງ ທ່ານ ລີເບິ ລີບົວປາວ ປະທານກຳມາທິການແຜນການ, ການເງິນ ແລະ ການກວດສອບ ສະພາແຫ່ງຊາດ ແຫ່ງ ສປປ ລາວ, ມີສະມາຊິກລັດຖະສະພາຈາກບັນດາປະເທດສະມາຊິກອາຊຽນ ເຂົ້າຮ່ວມ.
ກອງປະຊຸມໄດ້ຄົ້ນຄວ້າ, ປຶກສາຫາລື ແລະ ພິຈາລະນາຮ່າງມະຕິຈຳນວນ 8 ສະບັບ ໃນຂົງເຂດວຽກງານເສດຖະກິດຄື: ຮ່າງມະຕິ ວ່າດ້ວຍການເສີມສ້າງຄວາມສາມາດໃນການຮັບມືໄຊເບີ້ ຜ່ານການຮ່ວມມືຂອງລັດຖະສະພາອາຊຽນກ້າວໄປສູ່ເສດຖະກິດດີຈີຕອນທີ່ປອດໄພ ແລະ ມີຊີວິດຊີວາ; ຮ່າງມະຕ ິວ່າດ້ວຍບົດບາດຂອງລັດຖະສະພາໃນການສະໜັບສະໜູນ ການປະຕິບັດຄຳແນະນຳຂອງອາຊຽນ ໃນການສົ່ງເສີມການລົງທຶນຢ່າງມີຄວາມ ຮັບຜິດຊອບໃນຂະແໜງການກະສິກຳ, ອາຫານ ແລະ ປ່າໄມ້; ຮ່າງມະຕິ ວ່າດ້ວຍບົດບາດຂອງລັດຖະສະພາໃນການສົ່ງເສີມການລະດົມທຶນ ເພື່ອພັດທະນາການເຊື່ອມຈອດພື້ນຖານໂຄງລ່າງຂອງພາກພື້ນ ແນໃສ່ບັນລຸແຜນແມ່ບົດການເຊື່ອມຈອດອາຊຽນໃນປີ 2025 ແລະ ໃນຕໍ່ໜ້າ; ຮ່າງມະຕິ ວ່າດ້ວຍບົດບາດລັດຖະສະພາໃນການຊຸກຍູ້ການເຊື່ອມໂຍງທາງດ້ານເຕັກໂນໂລຊີດີຈີຕອນອາຊຽນ ກ້າວໄປສູ່ການບັນລຸແຜນແມ່ບົດ ວ່າດ້ວຍການເຊື່ອມຈອດອາຊຽນ 2025 ແລະ ໃນຕໍ່ໜ້າ.
ນອກຈາກນີ້, ຍັງມີຮ່າງມະຕ ິວ່າດ້ວຍການເສີມຂະຫຍາຍ ສ້າງລະບົບການຄ້າກາກບອນຂອງອາຊຽນ ເພື່ອເຕີບໂຕແບບຍືນຍົງ ແລະ ຄວາມສົມດູນທາງດ້ານສິ່ງແວດລ້ອມໃຫ້ເປັນອັນໜຶ່ງອັນດຽວກັນ; ຮ່າງມະຕິ ວ່າດ້ວຍການໝູນໃຊ້ທ່າແຮງທາງດ້ານການທ່ອງທ່ຽວເຂົ້າໃນການຟື້ນຟູເສດຖະກິດຂອງອາຊຽນໃຫ້ມີຄວາມຍືນຍົງ; ຮ່າງມະຕິ ວ່າດ້ວຍການຍົກລະດັບຂີດຄວາມສາມາດຂອງສະຖາບັນ ເພື່ອເຊື່ອມຈອດດ້ານການຂົນສົ່ງ, ການບິນ ແລະ ທ່າເຮືອທາງທະເລຢູ່ໃນພາກພື້ນອາຊຽນ; ຮ່າງມະຕິວ່າດ້ວຍການສ້າງຕັ້ງສູນຄົ້ນຄວ້າປັນຍາປະດິດຂອງອາຊຽນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
