ວັນສຸກ, ວັນທີ 06 ທັນວາ 2024
ທີມບານສົ່ງ ຊາຍ-ຍິງ ກອງທັບ ເລີ່ມຕົ້ນດ້ວຍໄຊຊະນະ ລາຍການເບຍລາວບານສົ່ງ ລາວລີກ ປະຈຳປີ 2024
ເວລາອອກຂ່າວ: 2024-10-22 10:15:35 | ຜູ້ຂຽນ : admin3 | ຈຳນວນຄົນເຂົ້າຊົມ: 544 | ຄວາມນິຍົມ: 
ທີມນັກກິລາກະຊວງປ້ອງກັນປະເທດ ຫຼື ກອງທັບ ຮຶດສູ້ປົດລ໋ອກ ຍາດໄດ້ໄຊຊະນະ ຈາກທີມແຊັມເກົ່າ ນະຄອນຫຼວງວຽງຈັນ-Inthasone VC ດ້ວຍຄະແນນ 3-2 ເຊັດ ຄະແນນ 25-23, 25-15, 20-25, 22-25 ແລະ 15-10 ຄະແນນ. ຍາດໄດ້ 2 ຄະແນນ ຈາກການລົງຫຼິ້ນສອງນັດ ເສຍ 1 ນັດ ແລະ ຊະນະ 1 ນັດ ມີ 3 ຄະແນນ. ສ່ວນ ທີມນະຄອນຫຼວງວຽງຈັນ-Inthasone VC ລົງສະໜາມ 3 ນັດ ຊະນະ 2 ນັດ ແລະ ເສຍ 1 ນັດ ມີ 7 ຄະແນນ ໃນການແຂ່ງຂັນກິລາບານສົ່ງໃນຮົ່ມ ປະເພດທີມຊາຍ ລາຍການ ເບຍລາວ ບານສົ່ງ ລາວລີກ ປະຈຳປີ 2024 ຫຼື BeerLao Laos Volleyball League 2024 ຊີງເງິນລາງວັນລວມຫຼາຍກວ່າ 290 ລ້ານກີບ ຈັດຂຶ້ນວັນອາທິດທີ 2 ວັນທີ19 ຕຸລາ 2024 ທີ່ສະໂມສອນກິລາໃນຮົ່ມ ກອງທັບ (ຫຼັກ5) ເມືອງໄຊເຊດຖາ ນະຄອນຫຼວງວຽງຈັນ.
ສ່ວນທີມສາວກອງທັບ ສາມາດເອົາຊະນະ ທີມ SEC ໄປແບບບໍ່ຍາກ ດ້ວຍຄະແນນ 3-0 ເຊັດ ດ້ວຍຄະແນນ 25-9, 25-12 ແລະ 25-10 ຄະແນນ ເກັບໄຊຊະນະ ໃນນັດທຳອິດ ການແຂ່ງຂັນກິລາບານສົ່ງໃນຮົ່ມ ປະເພດທີມຍິງ ລາຍການ ເບຍລາວ ບານສົ່ງ ລາວລີກ ປະຈຳປີ 2024 ຫຼື BeerLao Laos Volleyball League 2024.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
