POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ລາວ-ຕັວກກີ ປຶກສາຫາລືຊຸກຍູ້ການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື
ເວລາອອກຂ່າວ: 2024-10-23 10:26:36 | ຜູ້ຂຽນ : admin3 | ຈຳນວນຄົນເຂົ້າຊົມ: 144 | ຄວາມນິຍົມ:

ວັນທີ 21 ຕຸລາ 2024 ນີ້, ທ່ານ ສຸບັນ ສະວະບຸດ ປະທານກຳມາທິການວຽກງານສະມາຊິກສະພາແຫ່ງຊາດລາວ ໄດ້ພົບປະສອງຝ່າຍກັບ ທ່ານ ອອສມານ ຊາລໍາ ຫົວໜ້າຄະນະຜູ້ແທນສະມາຊິກສະພາແຫ່ງຊາດໃຫຍ່ ແຫ່ງສາທາລະນະລັດ ຕັວກກີ ໃນໂອກາດເຂົ້າຮ່ວມກອງປະຊຸມສະມັດຊາໃຫຍ່ລັດຖະສະພາ ລະຫວ່າງຊາດອາຊຽນໄອປາ (AIPA) ຄັ້ງທີ 45 ຢູ່ນະຄອນ ຫຼວງວຽງຈັນ. ທ່ານ ສຸບັນ ສະວະບຸດ ໄດ້ສະແດງຄວາມຍິນດີຕ້ອນຮັບ, ຕີ ລາຄາສູງຕໍ່ການພົບປະກັບ ທ່ານ ອອສມານ ຊາລໍາ ເພື່ອປຶກສາ ຫາລືກ່ຽວກັບການຊຸກຍູ້ ແລະ ເສີມຂະຫຍາຍສາຍພົວພັນມິດຕະ ພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ສ ຕັວກກີ ກໍຄືລະຫວ່າງສອງ ອົງການນິຕິບັນຍັດ ໃຫ້ໄດ້ຮັບ ການພັດທະນາ ແລະ ຂະຫຍາຍ ຕົວຍິ່ງໆ ຂຶ້ນ. ການພົວພັນຮ່ວມມືລະຫວ່າງສອງປະເທດລາວ ແລະ ຕວັກກີ ຕະຫຼອດໄລຍະ 66 ປີ (26 ມິຖຸນາ1958-26 ມິຖຸນາ 2024) ທີ່ຜ່ານມາໄດ້ຮັບການພັດທະນາ ແລະ ຂະຫຍາຍຕົວເປັນກ້າວໆ, ເຫັນໄດ້ຈາກການແລກປ່ຽນການຢ້ຽມຢາມຢ່າງເປັນປົກກະຕິ ລະຫວ່າງການນຳຂັ້ນສູງ ແລະ ລະດັບຕ່າງໆ ຂອງສອງປະເທດ, ການຮ່ວມມືທາງດ້ານການເມືອງ, ເສດຖະກິດ-ການຄ້າ, ການລົງທຶນ, ສາທາລະນະສຸກ, ການສຶກສາ, ກະສິກຳ-ປ່າໄມ້, ແຮງງານ, ທ່ອງທ່ຽວ ແລະ ອື່ນໆ ໄດ້ມີການຂະຫຍາຍຕົວ. ໃນໄລຍະຜ່ານມາ ຕັວກກີ ໄດ້ໃຫ້ການຊ່ວຍເຫຼືອທາງດ້ານພັດທະນາຊັບພະຍາກອນມະນຸດແກ່ ສປປ ລາວ, ມີການແລກປ່ຽນສານຊົມເຊີຍໃນໂອກາດວັນສຳຄັນຂອງຊາດ, ຮ່ວມມື ແລະ ສະໜັບສະໜູນເຊິ່ງກັນ ແລະ ກັນ ໃນເວທີລັດຖະສະພາພາກພື້ນ ແລະ ສາກົນເຊັ່ນ: AIPA, IPU, APPF ເປັນການປະກອບສ່ວນສົ່ງເສີມສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາຢູ່ໃນພາກພື້ນ ແລະ ສາກົນ. ພ້ອມນີ້, ທ່ານ ສຸບັນ ສະວະບຸດ ໄດ້ລາຍງານສະພາບການພົ້ນເດັ່ນ ຂອງ ສປປ ລາວໃນ 6 ເດືອນຕົ້ນປີ 2024 ເສດຖະກິດສືບຕໍ່ຂະຫຍາຍຕົວ ລວມຍອດຜະລິດຕະພັນພາຍໃນ (GDP) ປະຕິບັດໄດ້ 4,7%; ປັດຈຸບັນ ສະພາແຫ່ງຊາດລາວ ໄດ້ຮັບຮອງເອົາກົດໝາຍທັງໝົດ 167 ສະບັບ ທີ່ກວມເອົາຂົງເຂດການ ປົກຄອງ, ເສດຖະກິດ, ວັດທະນະທຳ, ປ້ອງກັນຊາດ-ປ້ອງກັນ ຄວາມສະຫງົບ ແລະ ການຕ່າງປະເທດ, ກຳລັງສຸມໃສ່ຄົ້ນຄວ້າ ປັບປຸງລັດຖະທຳມະນູນ ສະບັບປີ 2015 ເຊິ່ງເປັນການປັບປຸງລັດຖະທຳມະນູນ ເປັນຄັ້ງທີ 3 ແລະ ຄາດຄະເນວ່າຈະນຳເຂົ້າມາພິຈາລະນາ ແລະ ຮັບຮອງໃນປີ 2025 ນີ້. ໃນຕໍ່ໜ້າສອງອົງການນິຕິ ບັນຍັດ ຈະສືບຕໍ່ຊຸກຍູ້ໃຫ້ມີການແລກປ່ຽນຄະນະຜູ້ແທນນຳກັນ ໃນລະດັບຕ່າງໆ ຢ່າງເປັນປົກກະຕິ ແລະ ຕໍ່ເນື່ອງ; ຊ່ວຍສ້າງຊັບພະຍາກອນມະນຸດ ເປັນຕົ້ນແມ່ນການເຝິກອົບຮົມ, ທັດສະນະສຶກສາ ແລະ ແລກປ່ຽນບົດຮຽນນຳກັນ ເພື່ອຍົກສູງຂີດຄວາມສາມາດໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຂອງ ສປປ ລາວ; ສະເໜີໃຫ້ຊຸກຍູ້ ແລະ ສົ່ງເສີມໃຫ້ລັດຖະບານຂອງສອງ ປະເທດສືບຕໍ່ຈັດຕັ້ງປະຕິບັດບັນດາສັນຍາ, ສົນທິສັນຍາ, ຂໍ້ຕົກລົງ ແລະ ໂຄງການຮ່ວມມືທີ່ໄດ້ລົງນາມຮ່ວມກັນໃຫ້ເປັນຮູບປະທຳ ແລະ ນຳເອົາຜົນປະໂຫຍດມາສູ່ປະຊາຊົນຢ່າງແທ້ຈິງ; ສະເໜີໃຫ້ມີການສືບຕໍ່ແລກປ່ຽນຄຳເຫັນ ແລະ ສະໜັບສະໜູນ ເຊິ່ງກັນ ແລະ ກັນ ໃນເວທີລັດຖະສະພາພາກພື້ນ ແລະ ສາກົນ. ໂອກາດນີ້, ທ່ານ ສຸບັນ ສະວະບຸດ ໄດ້ສະແດງຄວາມຂອບໃຈ ລັດຖະບານ, ລັດຖະສະພາ ແລະ ປະຊາຊົນ ຕັວກກີ ທີ່ໄດ້ໃຫ້ການສະໜັບສະໜູນແກ່ ສປປ ລາວ ຕະຫຼອດໃນໄລຍະຜ່ານມາ ເປັນການປະກອບສ່ວນໃຫ້ແກ່ການພັດທະນາ ເສດຖະກິດ-ສັງຄົມ ຂອງ ສປປ ລາວ.

news to day and hot news