ວັນພຸດ, ວັນທີ 04 ທັນວາ 2024
ການແຂ່ງຂັນກິລາຢູໂດ ຊີງແຊັມທົ່ວປະເທດ ຄັ້ງທີ 13 ຈັດຂຶ້ນທີ່ນະຄອນຫຼວງວຽງວັນຈັນ
ເວລາອອກຂ່າວ: 2024-10-23 10:43:42 | ຜູ້ຂຽນ : admin3 | ຈຳນວນຄົນເຂົ້າຊົມ: 511 | ຄວາມນິຍົມ: 
ການແຂ່ງຂັນກິລາຢູໂດ ຊີງແຊັມທົ່ວປະເທດ ຄັ້ງທີ 13 ເພື່ອເລືອກເຟັ້ນຫານັກກິລາຜູ້ທີ່ມີພອນສະຫວັນດີເດັ່ນທັງຮຸ່ນເຍົາວະຊົນ ແລະ ໄວໜຸ່ມ ເພື່ອກຽມຮັບໃຊ້ທີມຊາດ ເຂົ້າຮ່ວມແຂ່ງຂັນກິລາຢູໂດໃນລະດັບອານຸພາກພື້ນ, ພາກພື້ນ ແລະ ສາກົນ ໂດຍສະເພາະ ກຽມເຂົ້າຮ່ວມການແຂ່ງຂັນງານມະຫະກຳກີລາຊີເກມ ຄັ້ງທີ 33 ປີ 2025 ທີ່ປະເທດໄທ ຮັບກຽດເປັນເຈົ້າພາບ.
ການແຂ່ງຂັນຄັ້ງນີ້ ແມ່ນເປີດໂອກາດໃຫ້ ນັກກິລາຕ່າງຊາດສາມາດຮ່ວມແຂ່ງຂັນໄດ້ ໂດຍຈະຈັດຂຶ້ນລະຫວ່າງວັນທີ 26-27 ຕຸລາ 2024 ຢູ່ທີ່ສູນກິລາໃນຮົ່ມບູໂດເຊັນເຕີ ລາວ-ຍີ່ປຸ່ນ ຈະມີສະໂມສອນເຂົ້າຮ່ວມທັງໝົດ 13 ສະໂມສອນ ໂດຍມີສະໂມສອນຈາກປະເທດເພື່ອນບ້ານ (ໄທ) 8 ສະໂມສອນ ມີນັກກິລາທັງໝົດ 139 ຄົນ ແລະ ແບ່ງເປັນຮຸ່ນອາຍຸ ແລະ ຮຸ່ນນ້ຳໜັກ.
ປະເພດອານຸຊົນ ອາຍຸ 8-12 ປີ ປະກອບມີ ຊາຍ 6 ຮຸ່ນນ້ຳໜັກ ຍິງ 6 ຮຸ່ນນ້ຳໜັກ ອາຍຸ 13-14 ປີ.
ປະເພດເຍົາວະຊົນ ອາຍຸ 15-18 ປີ ປະກອບມີ ຊາຍ 7 ຮຸ່ນນ້ຳໜັກ ຍິງ 7 ຮຸ່ນນ້ຳໜັກ.
ປະເພດທົ່ວໄປ ອາຍຸ 19 ປີຂຶ້ນໄປ ຊາຍ 7 ຮຸ່ນນ້ຳໜັກ ຍິງ 7 ຮຸ່ນນ້ຳໜັກ.
ປະເພດທີມ ອາຍຸ 15 ປີຂຶ້ນໄປ ຊາຍ 3 ຮຸ່ນນ້ຳໜັກ.
ປະເພດຟ້ອນກະຕະ ມີ 2 ລາຍການ (ກະຕະຊາຍ ແລະ ກະຕະຍິງ) ສ່ວນປະເພດຂັນລາງວັນ ມີທັງໝົດ 10 ຂັນລາງວັນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
