ວັນພຸດ, ວັນທີ 19 ມີນາ 2025
ຜົນການຈັບສະຫຼາກ ການແຂ່ງຂັນ ເຕະບານຍິງ ຊີງແຊັມອາຊຽນຮອບຄັດເລືອກ 2024
ເວລາອອກຂ່າວ: 2024-10-23 10:45:52 | ຜູ້ຂຽນ : admin3 | ຈຳນວນຄົນເຂົ້າຊົມ: 1108 | ຄວາມນິຍົມ: 
ການຈັບສະຫຼາກໄດ້ຈັດຂຶ້ນ ໃນທ້າຍອາທິດຜ່ານມາ, ທີ່ສະຫະພັນບານເຕະແຫ່ງຊາດລາວ ໂດຍມີ ທ່ານ ນາງ ກັນຍາ ແກ້ວມະນີ ຮອງປະທານ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສະ ຫະພັນບານເຕະແຫ່ງຊາດລາວ, ຕາງໜ້າຈາກສະຫະພັນບານເຕະອາຊຽນ ແລະ ສື່ມວນຊົນເຂົ້າຮ່ວມ.
ຮອບຄັດເລືອກມີທັງໝົດ 6 ທີມ ແບ່ງອອກເປັນ 2 ກຸ່ມ, ກຸ່ມລະ 3 ທີມ ຜົນຈັບສະຫຼາກປະກົດວ່າ: ທີມສາວລາວ ຢູ່ກຸ່ມ A ຮ່ວມກັບ ສິງກະໂປ ແລະ ຕີມໍເລັດສະເຕ້, ສ່ວນ ກຸ່ມ B ມີ: ກຳປູເຈຍ, ມາເລເຊຍ ແລະ ອິນໂດເນເຊຍ.
ຮູບແບບການແຂ່ງຂັນພົບກັນຫມົດໃນກຸ່ມ ແລ້ວຄັດເອົາ ທີ 1 ແລະ 2 ຂອງກຸ່ມ ຜ່ານເຂົ້າສູ່ຮອບ 4 ທີມສຸດທ້າຍ ແລະ ລຸ້ນເປັນແຊັມຮອບຄັດເລືອກຕໍ່ໄປ ເຊິ່ງ 4 ທີມ ທີ່ຜ່ານເຂົ້າຮອບຮອງຊະນະເລີດຄັ້ງນີ້ ແມ່ນສິດໄປແຂ່ງຂັນໃນຮອບສຸດທ້າຍ ຮ່ວມກັບ ຫວຽດນາມ, ໄທ, ຟີລິບປິນ ແລະ ມຽນມາ ທີ່ໄດ້ສິດລໍຖ້າແຂ່ງຂັນໃນຮອບສຸດທ້າຍໂດຍບໍ່ຕ້ອງຄັດເລືອກ ຍ້ອນຕິດອັນດັບ 1 ໃນ 4 ຂອງພາກພື້ນ.
ການແຂ່ງຂັນເຕະບານຍິງ ຊິງແຊັມອາຊຽນ 2024 ຮອບຄັດເລືອກ ຈະແຂ່ງຂັນໃນລະຫວ່າງ ວັນທີ 23 ພະຈິກ ຫາ 06 ທັນວາ 2024 ໂດຍ ສປປ ລາວ ໄດ້ຮັບກຽດເປັນເຈົ້າພາບ. ສ່ວນຕາຕະລາງການແຂ່ງຂັນ ສຕລ ແມ່ນຈະແຈ້ງໃຫ້ຮັບຊາບຕາມພາຍຫຼັງ.
ການແຂ່ງຂັນເຕະບານຍິງ ຊິງແຊັມອາຊຽນ ເລີ່ມມາແຕ່ປີ 2004 ຈັດມາແລ້ວ 12 ຄັ້ງ ທີມຊາດລາວ ເຂົ້າຮ່ວມມາແຕ່ປີ 2007 ແລະ ບໍ່ພ້ອມເຂົ້າຮ່ວມໄລຍະໜຶ່ງຄືປີ 2016–2019 ລວມແລ້ວ ເຕະບານຍິງ ທີມຊາດລາວ ເຂົ້າຮ່ວມຮອບສຸດທ້າຍມາແລ້ວ 7 ຈາກ 12 ຄັ້ງ ຜົນງານດີທີ່ສຸດ ໄດ້ທີ ປີ 2011 ແລະ 2012, ຄັ້ງຫຼ້າສຸດປີ 2022 ທີ່ຟີລິບປິນ ຕົກຮອບແບ່ງກຸ່ມ. ສ່ວນທີມທີ່ໄດ້ແຊັມລາຍການນີ້ຫຼາຍສຸດແມ່ນ ໄທ 4 ສະໄໝ, ຫວຽດນາມ 3 ສະໄໝ, ມຽນມາ 2 ສະໄໝ, ຟີລິບປິນ 1 ສະໄໝ ແລະ ເປັນແຊັມຫຼ້າສຸດ, ນອກຈາກນີ້ ຍັງມີ ອົດສະຕຣາລີ ແລະ ຍີ່ປຸ່ນ ກໍໄດ້ຊາດລະ 1 ສະໄໝ ໃນຖານະຖືກເຊີນເຂົ້າຮ່ວມແຂ່ງຂັນໃນລາຍການດັ່ງກ່າວ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
