ວັນອັງຄານ, ວັນທີ 03 ທັນວາ 2024
ໄດ້ແລ້ວ 4 ທີມ ເຂົ້າຮອບ 8 ທີມສຸດທ້າຍ ບານເຕະຍິງ U17 ປີ ຊິງແຊັມໂລກ 2024
ເວລາອອກຂ່າວ: 2024-10-24 09:08:45 | ຜູ້ຂຽນ : admin3 | ຈຳນວນຄົນເຂົ້າຊົມ: 446 | ຄວາມນິຍົມ: 
4 ທີມ ທີ່ເຂົ້າຮອບ 8 ທີມສຸດທ້າຍ ປະກອບມີ: ທີມຊາດແອັດສະປາຍ ແຊັມເກົ່າ ພາຍຫຼັງສາມາດເອົາຊະນະ 2 ນັດຕິດຕໍ່ກັນ ໃນກຸ່ມ B ຊະນະ ສະຫະລັດ ອາເມຣິກາ ແຊັມຂົງເຂດ ຄັ້ງຫຼ້າສຸດ ດ້ວຍຄະແນນ 3–1ປະຕູ ແລະ ຊະນະ ສ. ເກົາຫລີ ແຊມ 1 ສະໄໝ ດ້ວຍຄະແນນ 5–0 ປະຕູ.
ທີມຊາດທີ 2 ທີ່ເຂົ້າຮອບ 8 ທີມສຸດທ້າຍແມ່ນ: ສປປ ເກົາຫລີ ແຊັມ 2 ສະໄໝ ຊະນະ 2 ນັດຕິດຕໍ່ກັນ ໃນກຸ່ມ C ຊະນະ ແມັກຊິກ ດ້ວຍຄະແນນ 4–1 ປະຕູ ແລະ ຊະນະ ເຄນຢາ ທີມນ້ອງໃໝ່ ດ້ວຍຄະແນນ 3–0 ປະຕູ.
ທີມຊາດທີ 3 ແມ່ນ: ອັງກິດ ກໍຊະນະ 2 ນັດຕິດຕໍ່ກັນ ໃນກຸ່ມ C ຊະນະ ເຄນຢາ 2-0 ປະຕູ ແລະ ຊະນະ ແມັກຊິກ ດ້ວຍຄະແນນ 4–2 ປະຕູ.
ທີມຊາດທີ 4 : ນີເຊຣີ ອັນດັບ 3 ຄັ້ງຜ່ານມາ ຊະນະ 2 ຕິດຕໍ່ກັນເຊັ່ນກັນ ໃນກຸ່ມ A ຊະນະ ນູແວນເຊລັງ ແຊັມຂົງເຂດໂອເຊອານີ ດ້ວຍຄະແນນ 4-1 ປະຕູ ແລະ ຊະນະ ເອກວາດໍ ທີມນ້ອງໃໝ່ ດ້ວຍຄະແນນ 4–0 ປະຕູ.
ການແຂ່ງຂັນບານເຕະຍິງ U17 ປີ ຊິງແຊັມໂລກ 2024 ແຂ່ງຂັນລະຫວ່າງວັນທີ 16 ຕຸລານີ້ - ວັນທີ 3 ພະຈິກ ຈຶ່ງຈະສຳເລັດ ໂດຍມີ 16 ທີມ ທີ່ຜ່ານການຄັດເລືອກແຕ່ລະຂົງເຂດເຂົ້າຮ່ວມ ແບ່ງອອກເປັນ 4 ກຸ່ມ, ກຸ່ມ 4 ທີມ ແຂ່ງແບບພົບກັນໝົດໃນກຸ່ມ ແລ້ວຄັດເອົາທີ 1 ແລະ ທີ 2 ຂອງກຸ່ມ ເຂົ້າຮອບ 8 ທີມສຸດທ້າຍຕໍ່ໄປ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
