ວັນສຸກ, ວັນທີ 06 ທັນວາ 2024
ບິນລີ້ ເກດແກ້ວພົມພອນ ຫວນຄືນສູ່ສະໜາມອີກຄັ້ງໃນຮອບ 2 ປີ
ເວລາອອກຂ່າວ: 2024-10-24 09:09:23 | ຜູ້ຂຽນ : admin3 | ຈຳນວນຄົນເຂົ້າຊົມ: 524 | ຄວາມນິຍົມ: 
ບິນລີ້ ເກດແກ້ວພົມພອນ ອາດີດນັກເຕະໃນຕຳແໜ່ງຜູ້ຫຼິ້ນປີກ ແລະ ສູນໜ້າທີມຊາດລາວ ໄວ 34 ປີ ຕັດສິນໃຈກັບຄືນສູ່ສະ ໜາມອີກຄັ້ງ ຫຼັງຈາກໄດ້ແຍກທາງກັບສະໂມສອນ ສະຣີປະຮັງ ທີມໃນລີກສູງສຸດຂອງມາເລເຊຍ ໃນເດືອນເມສາປີ 2022 ເນື່ອງຈາກອາການບາດເຈັບ ແລະ ຮ່າງກາຍບໍ່ສົມບູນ ສົ່ງຜົນໃຫ້ ບິນລີ້ ເກດແກ້ວພົມພອນ ຫ່າງຫາຍຈາກສະໜາມ ແລະ ການລົງແຂ່ງມາດົນກວ່າ 2 ປີ.
ສຳລັບການກັບມາລົງຫຼິ້ນໃນລະດູການນີ້ ບິນລີ້ ເລືອກທີ່ຈະຫຼິ້ນໃຫ້ກັບສະໂມສອນ ບັອດໄຊ ທີມໃນລີກລະດັບເມືອງ ອາເຊັດ ເຊິ່ງເປັນລີກລະດັບ 8 ຂອງປະເທດຝຣັ່ງ.
ບິນລີ້ ເກດແກ້ວພົມພອນ ຕໍ່ສູ້ ແລະ ປິ່ນປົວອາການບາດເຈັບມາຕໍ່ເນື່ອງ ຕັ້ງແຕ່ສະໄໝຢູ່ກັບສັງກັດເກົ່າ ສະໂມສອນອ໋ອງແຊ ລະຫວ່າງປີ 2015-2018 ໃຊ້ເວລາປິ່ນປົວອາການບາດເຈັບຫຼາຍກວ່າລົງສະໜາມ, ແຕ່ດ້ວຍຈິດໃຈມັກຮັກ ແລະ ຜູກພັນ ກັບອາຊີບນີ້ ຈຶ່ງເລືອກກັບຄືນສູ່ສະໜາມອີກຄັ້ງ. ເຖິງຢ່າງໃດກໍຕາມບິນລີ້ ກ່າວວ່າຕົນເອງຈະພະຍາຍາມຫຼິ້ນໃຫ້ໄດ້ດີທີ່ສຸດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
