ວັນເສົາ, ວັນທີ 07 ທັນວາ 2024
ວຕກ ສະຫຼຸບ-ຖອດຖອນບົດຮຽນ ວຽກງານປ້ອງກັນ ກອງປະຊຸມອາຊຽນ
ເວລາອອກຂ່າວ: 2024-10-25 14:24:55 | ຜູ້ຂຽນ : admin2 | ຈຳນວນຄົນເຂົ້າຊົມ: 746 | ຄວາມນິຍົມ: 
ວັນທີ 24 ຕຸລາ 2024 ນີ້, ວິທະຍາຄານເຕັກນິກການທະຫານ ໄດ້ເປີດກອງປະຊຸມສະຫຼຸບ ຖອດຖອນບົດຮຽນ ວຽກງານວຽກງານຈັດຕັ້ງປ້ອງກັນ, ເວນຍາມ ກອງປະຊຸມອາຊຽນ ຄັ້ງທີ 44-45 ທີ່ ສສປ ລາວ ເປັນເຈົ້າພາບຢູ່ພາຍໃນກົມກອງຂອງຕົນ ໂດຍການເປັນປະທານຂອງ ສະຫາຍ ພົນຈັດຕະວາ ແສງຍືນ ລັດສະໝີ ຫົວໜ້າການເມືອງ, ມີ ສະຫາຍ ພັນເອກ ສີສະໝອນ ໂນລະສິນ ຫົວໜ້າການທະຫານ ວິທະຍາຄານເຕັກນິກການທະຫານ, ມີຄະນະພັກ-ຄະນະອໍານວຍການ, ບັນດາສະຫາຍ ອະນຸກໍາມະການກວດກາ, ພາກສ່ວນທີ່ກ່ຽວຂ້ອງ ແລະ ກອງພັນຄຸ້ມຄອງນັກສຶກສາເຂົ້າຮ່ວມ.
ສະຫາຍ ພັນເອກ ວອນເພັດ ບຸນລີຍົງ ຫົວໜ້າຫ້ອງການບໍລິຫານ ໄດ້ຂຶ້ນສະຫຼຸບຜົນການຈັດຕັ້ງ ຫັນກົມກອງ ຈາກພາວະກຽມພ້ອມສູ້ຮົບປົກກະຕິຂຶ້ນສູ່ພາວະກຽມພ້ອມສູ້ຮົບ ເພື່ອເພີ່ມທະວີປ້ອງກັນກອງປະຊຸມອາຊຽນຄັ້ງທີ 44-45 ທີ່ ສປປ ລາວ ເປັນເຈົ້າພາບ ຂອງ ວິທະຍາຄານເຕັກນິກການທະຫານ ເຊິ່ງໄດ້ຍົກໃຫ້ເຫັນສະພາບ ພາຍໃນກົມກອງແມ່ນ ມີຄວາມສະຫງົບໂດຍພື້ນຖານ, ຄະນະພັກ-ຄະນະອໍານວຍການໄດ້ຈັດຕັ້ງເຜີຍແຜ່ຄໍາສັ່ງຂອງຂັ້ນເທິງຢ່າງຖີ່ຖ້ວນ ສົມທົບກຳລັງກັບອໍານາດການປົກຄອງ ບັນດາໝູ່ບ້ານກຸ່ມໂຄກສິວິໄລ, ກົມກອງອ້ອມຂ້າງເພື່ອເອກະພາບຂອບເຂດຮັບຜິດຊອບ, ປະສານສົມທົບເພື່ອສ່ອງແສງລາຍງານສະພາບໃນເວລາມີເຫດການບໍ່ດີເກີດຂຶ້ນໃຫ້ທ່ວງທັນ. ຄຽງຄູ່ກັນນັ້ນ ຍັງໄດ້ເຜີຍແຜ່ຄໍາສັ່ງດັ່ງກ່າວ ໃຫ້ແກ່ຄະນະພັກ-ຄະນະບັນຊາທຸກຂັ້ນ, ເຮັດໃຫ້ພະນັກງານ-ນັກຮົບ, ນັກສຶກສາທົ່ວ ວຕກ ຮັບຮູ້ຢ່າງທົ່ວເຖິງ ພ້ອມທັງອອກແຈ້ງການພາຍໃນກົມກອງ ເພື່ອກຽມກໍາລັງພົນ, ອາວຸດລູກກະສູນ ໃນການເຂົ້າປະຈໍາການເວນຍາມຫຼອດ 24 ຊົ່ວໂມງ ເຊິ່ງເລີ່ມຈັດຕັ້ງປະຕິບັດຕັ້ງແຕ່ ວັນທີ 12 ສິງ 2024-13 ຕຸລາ 2024 ຜ່ານມາ. ຜ່ານການຈັດຕັ້ງປະຕິບັດຕົວຈິງເຫັນໄດ້ວ່າ ຄະນະພັກ-ຄະນະບັນຊາທຸກຂັ້ນ ໄດ້ຄຸ້ມຄອງພະນັກງານ-ນັກຮົບ ທີ່ຢູ່ໃນຄວາມຮັບຜິດຊອບຂອງຕົນ ເຂົ້າຮ່ວມປະຈໍາການຢ່າງພ້ອມພຽງແຕ່ຕົ້ນຕະຫຼອດປາຍ ໂດຍມີການສ່ອງແສງລາຍງານສະພາບການຢ່າງເຂັ້ມງວດ ໃນແຕ່ລະວັນ, ພະນັກງານ-ນັກຮົບ, ນັກສຶກສາທຸກສະຫາຍເຫັນໄດ້ຄວາມໝາຍ, ຄວາມສໍາຄັນ, ຕັ້ງໜ້າປະກອບສ່ວນຢ່າງເອົາໃຈໃສ່ໃນວຽກງານປະກໍາການກຽມພ້ອມສູ້ຮົບ, ເຖິງແມ່ນສະພາບເສດຖະກິດຈະພົບຄວາມຫຍຸ້ງຍາກ ກໍຍອມເສຍສະຫຼະເວລາ ປະກອບສ່ວນເຮັດໃຫ້ການຫັນພາວະກຽມພ້ອມສູ້ຮົບຄັ້ງນີ້ ມີປະສິດທິຜົນສູງ, ສະພາບການພາຍໃນ ແລະ ຂອບເຂດຮັບຜິດຊອບຂອງກົມກອງແມ່ນສະຫງົບປອດໄພ 100%. ໃນພິທີ ບັນດາອະນຸກໍາມະການກວດກາ ປ້ອງກັນເວນຍາມກໍໄດ້ຜັດປ່ຽນກັນຂຶ້ນປະກອບຄໍາຄິດຄໍາເຫັນ ເພື່ອຖອດຖອນບົດຮຽນ ແລະ ແກ້ໄຂບັນຫາທີ່ຍັງຄົງຄ້າງ ເພື່ອພ້ອມກັນປັບປຸງແກ້ໄຂໃຫ້ດີຂຶ້ນ.
ສະຫາຍ ພົນຈັດຕະວາ ແສງຍືນ ລັດສະໝີ ແລະ ສະຫາຍ ພັນເອກ ສິສະໝອນ ໂນລະສິນ ກໍໄດ້ສະແດງຄວາມຍ້ອງຍໍຊົມເຊີຍ ທີ່ຄະນະພັກ-ຄະນະບັນຊາແຕ່ລະຂັ້ນ ຕະຫຼອດຮອດພະນັກງານ-ນັກຮົບ, ນັກສຶກສາ, ບັນດາອະນຸກໍາມະການແຕ່ລະສະຫາຍ ທີ່ພ້ອມກັນເຮັດໜ້າທີ່ ທີ່ການຈັດຕັງຂັ້ນເທິງມອບໝາຍໃຫ້ຢ່າງສໍາເລັດຜົນ, ມີຄວາມອົດທົນຜ່ານຜ່າ ອຸປະສັກຄວາມຫຍຸ້ງຍາກນານໆປະການ ບໍ່ມີປາກົດການບໍ່ດີເກີດຂຶ້ນພາຍໃນກົມກອງ ແລະ ຂອບເຂດຄວາມຮັບຜິດຊອບ ກໍຄືເຮັດໃຫ້ສະພາບການພາຍໃນ ວຕກ ສະຫງົບໂດຍພື້ນຖານ ເປັນບ່ອນອີງໃຫ້ແກ່ ການດໍາເນີນກອງປະຊຸມອາຊຽນ ຄັ້ງທີ 44-45 ທີ່ ສປລາວ ເຮົາເປັນເຈົ້າພາບ ສໍາເລັດລົງດ້ວຍໝາກຜົນອັນຈົບງາມ.
ໂດຍ ເພັດນາລີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
