POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ວປກ ຜ່ານຂໍ້ກຳນົດວ່າດ້ວຍການຈັດຕັ້ງຄຸ້ມຄອງ ການຮຽນ-ການສອນ ຢູ່ສະຖານການສຶກສາກອງທັບ
ເວລາອອກຂ່າວ: 2024-10-25 14:28:02 | ຜູ້ຂຽນ : admin2 | ຈຳນວນຄົນເຂົ້າຊົມ: 696 | ຄວາມນິຍົມ:

ວັນທີ 23 ຕຸລາ 2024 ນີ້, ວິທະຍາຄານປ້ອງກັນຊາດ ໄກສອນ ພົມວິຫານ ຜ່ານຂໍ້ກຳນົດວ່າດ້ວຍການຈັດຕັ້ງຄຸ້ມຄອງການຮຽນ-ການສອນ ຢູ່ ສະຖານການສຶກສາກອງທັບ, ເປັນກຽດເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ ກຳມະການຄະນະພັກກະຊວງປ້ອງກັນປະເທດ, ຫົວໜ້າການທະຫານ ວປກ, ມີຄະນະພັກ-ຄະນະອຳນວຍການ, ຄະນະນຳ 43 ຫົວໜ່ວຍ, ພ້ອມດ້ວຍພະນັກງານວິຊາການເຂົ້າຮ່ວມ. ສະຫາຍ ພັນເອກ ໄຊອຸດອນ ສຸພິດາ ຮອງຫົວໜ້າກົມອົບຮົມ-ກໍ່ສ້າງ ວປກ ໄດ້ຜ່ານຂໍ້ກຳນົດຂອງກົມໃຫຍ່ເສນາທິການກອງທັບກະຊວງປ້ອງກັນປະເທດ, ວ່າດ້ວຍການຈັດຕັ້ງຄຸ້ມຄອງການຮຽນ-ການສອນຢູ່ສະຖານການສຶກສາກອງທັບ, ໂດຍອີງຕາມ ຂໍ້ກຳນົດຂອງກອງທັບປະຊາຊົນລາວ ກ່ຽວກັບ 7 ລະບອບ 18 ວຽກ ແລະ ບັນດານິຕິກຳຕ່າງໆ, ອີງຕາມ ການປັບປຸງລະບຽບແບບແຜນຕົວຈິງຢູ່ 5 ວິທະຍາຄານ ແລະ ໂຮງຮຽນກໍ່ສ້າງນາຍສິບທະຫານຮາບ ເລກ1, ເລກ2 ໃນສົກຮຽນ 2022-2023, ໂດຍໄດ້ເລັງເຫັນວ່າ, ສະຖານການສຶກສາໃນກອງທັບໄດ້ສ້າງຕັ້ງຂຶ້ນຕາມໂຄງປະກອບການຈັດຕັ້ງຂອງກອງທັບ ມີຄວາມຮັບຜິດຊອບໃນການກໍ່ສ້າງ ພະນັກງານນຳພາ-ບັນຊາ, ວິຊາການ, ວິຊາສະເພາະຕ່າງໆ ເພື່ອປະກອບໃຫ້ກອງທັບ, ເຊິ່ງມີໜ້າທີ່ໃນການຈັດຕັ້ງການຮຽນ-ການສອນ, ໂດຍວິທີນີ້ ແມ່ນວິທີພື້ນຖານການກໍ່ສ້າງ-ບຳລຸງນາຍ ແລະ ພົນທະຫານ ເພື່ອຍົກສູງປະສິດທິຜົນຂອງການບັນຊາ ແລະ ຮັບປະກັນໃຫ້ກອງທັບ ເຮັດສຳເລັດໜ້າທີ່ການເມືອງຂອງຕົນ, ທັງນີ້ກໍ່ເພື່ອຮັບປະກັນໃຫ້ແກ່ສະຖານການສຶກສາໃນກອງທັບ ມີຄວາມເປັນເອກະພາບ, ມີຄວາມເປັນລະບຽບໃນການຈັດຕັ້ງການຮຽນ-ການສອນ ແລະ ການເຝິກອົບຮົມຫັດແອບໃຫ້ມີຄຸນນະພາບສູງ, ທັງເປັນການກຳນົດນະໂຍບາຍ, ຫຼັກການ, ລະບຽບການ, ຄວາມຮັບຜິດຊອບ ແລະ ມາດຕະການຕ່າງໆ ແນ່ໃສ່ເຮັດໃຫ້ການຈັດຕັ້ງປະຕິບັດການຮຽນ-ການສອນໃຫ້ມີຄຸນນະພາບ ແລະ ມີປະສິດທິຜົນສູງກວ່າເກົ່າ. ສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ ໄດ້ຮຽກຮ້ອງໃຫ້ຄະນະພັກ-ຄະນະບັນຊາແຕ່ລະຂັ້ນຕ້ອງໄດ້ເອົາໃຈໃສ່ຄົ້ນຄວ້າ, ປັບປຸງ ແລະ ເຊື່ອມຊຶມບັນດານິຕິກຳ, ເອກະສານຕ່າງໆໃຫ້ລະອຽດຊັດເຈນ, ເປັນເຈົ້າການຈັດຕັ້ງປະຕິບັດໃຫ້ເຂັ້ມງວດ, ໂດຍຕິດພັນກັບການປັບປຸງລະບຽບແບບແຜນຂອງກົມກອງ ເພື່ອຮັບປະກັນຄຸນນະພາບທາງດ້ານການຮຽນ-ການສອນໃຫ້ມີແບບແຜນທັນສະໄໝຂຶ້ນເທື່ອລະກ້າວ. ໂດຍ: ວິໄລລັກ ກາຖາຍະລາດ

news to day and hot news