POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ຄະນະພັກຮາກຖານຫ້ອງເຕັກນິກທະຫານ ແຂວງຫຼວງພະບາງ ສໍາເລັດກອງປະຊຸມໃຫຍ່ ຄັ້ງທີ II
ເວລາອອກຂ່າວ: 2024-10-25 14:35:53 | ຜູ້ຂຽນ : admin2 | ຈຳນວນຄົນເຂົ້າຊົມ: 910 | ຄວາມນິຍົມ:

ກອງປະຊຸມໃຫຍ່ຄັ້ງທີ II ຂອງຄະນະພັກຮາກຖານເຕັກນິກທະຫານ ແຂວງຫຼວງພະບາງ ໄດ້ຈັດຂຶ້ນຕອນເຊົ້າວັນທີ 24 ຕຸລາ 2024 ນີ້, ໂດຍການເຂົ້າຮ່ວມຂອງ ສະຫາຍ ພົນຈັດຕະວາ ສີວິໄຊ ເພັງສັນຕິສຸກ ກໍາມະການພັກແຂວງ, ຫົວໜ້າການເມືອງກອງບັນຊາການທະຫານ ແຂວງຫຼວງພະບາງ, ມີເລຂາ, ຮອງເລຂາ ແລະຄະນະພັກຮາກຖານຫ້ອງເຕັກນິກ, ແຂກຖືກເຊີນ, ຕະຫຼອດຮອດສະມາຊິກພັກສົມບູນເຂົ້າຮ່ວມ. ສະຫາຍ ພັນເອກ ຄໍາບົງ ໄຊຍະວົງສາ ເລຂາຄະນະພັກຮາກຖານຫ້ອງເຕັກນິກ ໄດ້ຜ່ານບົດລາຍງານການເມືອງຂອງຄະນະພັກໃນໄລຍະ 5 ປີ ຜ່ານມາ, ໂດຍໄດ້ຍົກໃຫ້ເຫັນບົດບາດການນໍາພາ-ຊີ້ນໍາ ຂອງຄະນະພັກໃນການຈັດຕັ້ງປະຕິບັດປະຕິບັດໜ້າທີ່ວຽກງານປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ກໍຄືໜ້າທີ່ການເມືອງຂອງກົມກອງ ດ້ວຍຄວາມຮັບຜິດຊອບສູງ ແລະ ມີຜົນສໍາເລັດຫຼາຍດ້ານ, ເປັນຕົ້ນແມ່ນວຽກງານອົບຮົມ-ຫັດແອບການທະຫານ, ການເມືອງ, ພະລາທິການ-ເຕັກນິກປະຈໍາປີ, ວຽກງານຄຸ້ມຄອງພາຫະນະເຕັກນິກ-ອາວຸດລູກກະສູນ, ວຽກງານປັບປຸງບູລະນະພື້ນຖານໂຄງລ່າງ ໃຫ້ເຂົ້າສູ່ລະບົບທີ່ແໜ້ນໜາຖາວອນ, ເຊິ່ງຜ່ານມາໄດ້ປຸກສ້າງເຮືອນຄົວແບບຖາວອນ 1 ຫຼັງ ມູນຄ່າ 120.000.000 ກີບ, ພ້ອມນີ້ຍັງໄດ້ເອົາໃຈໃສ່ປັບປຸງກໍ່ສ້າງພັກໃຫ້ມີຄວາມປອດໃສ ເຂັ້ມແຂງ ໜັກແໜ້ນ ໂດຍຖືເອົາຄຸນນະພາບເປັນກົກ, ເຊິ່ງໄລຍະຜ່ານມາໄດ້ຂະຫາຍມະຫາຊົນເຂົ້າພັກໄດ້ 18 ສະຫາຍ, ສາມາດຕີລາຄາຈັດແບ່ງປະເພດຄຸນນະພາບຂອງສະມາຊິກພັກແຂງຮອບດ້ານໄດ້ 57 ສະຫາຍ, ຍິງ 9 ສະຫາຍ, ກວມເອົາ 98,48%, ຕິດພັນກັບການກໍ່ສ້າງພະນັກງານ 3 ລຸ້ນເພື່ອສືບທອດປ່ຽນແທນໃນນີ້ໄດ້ນໍາສົ່ງພະນັກງານໄປຮຽນຍົກລະດັບທັງພາຍໃນ ແລະຕ່າງປະເທດ 41 ສະຫາຍ, ນອກຈາກນີ້ຍັງໄດ້ປະຕິບັດນະໂຍບາຍຕໍ່ພະນັກງານຜູ້ທີ່ມີຜົນງານ ແລະ ຄຸນງາມຄວາມດີຢ່າງສົມເຫດສົມຜົນ ໃນນີ້ຜ່ານມາ ພະນັກງານ-ນັກຮົບ ໄດ້ຮັບຫຼຽນກາ-ຫຼຽນໄຊປະເພດຕ່າງໆ 27 ສະຫາຍ, ໄດ້ຮັບໃບຍ້ອງປະເພດຕ່າງໆ 56 ສະຫາຍ, ນໍາສະເໜີຂັ້ນເທິງເລື່ອນຊັ້ນໃຫ້ພະນັກງານ-ນັກຮົບໄດ້ 83 ສະຫາຍ. ນອກນີ້, ຄະນະພັກ-ຄະນະບັນຊາຍັງໄດ້ເອົາໃຈໃສ່ຊຸກຍູ້ວຽກງານເພີ່ມພູນຜະລິດຜົນ ປູກຝັງ-ລ້ຽງສັດ ບົນຈິດໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເຊິ່ງຜ່ານມາກົມກອງມີລາຍຮັບຈາກການຂາຍພືດຜັກ, ສັດລ້ຽງ ແລະ ການບໍລິການທັງໝົດ 146.030.000 ກີບ, ທຽບໃສ່ແຜນການແມ່ນບັນລຸຕາມຄາດໝາຍທີ່ວາງໄວ້. ໂອກາດນີ້, ກອງປະຊຸມໄດ້ດໍາເນີນການໃຊ້ສິດປະຊາທິປະໄຕປ່ອນບັດເລືອກຕັ້ງເອົາຄະນະພັກຊຸດໃໝ່, ເຊິ່ງກອງປະຊຸມຄັ້ງປະຖົມມະລຶກໄດ້ຮັບຮອງເອົາ ສະຫາຍ ພັນເອກ ຄໍາບົງ ໄຊຍະວົງສາ ເປັນເລຂາຄະນະພັກຮາກຖານ, ສະຫາຍ ພັນໂທ ບົວວອນ ສຸລິວົງ ເປັນຮອງເລຂາ, ສະຫາຍ ພັນໂທ ອ່ອນສີ ຫຼວງຄູນພອນ ເປັນປະທານກວດກາ, ສະຫາຍ ພັນໂທ ຄໍາໝັ້ນ ຈັນໄຕ ແລະ ສະຫາຍ ພັນໂທ ທອງຈັນ ຈັນຍະວົງ ເປັນກໍາມະການຄະນະພັກ, ກອງປະຊຸມຍັງໄດ້ເລືອກເອົາ ສະຫາຍ ພັນໂທ ສົມສຸກ ຈັນທະພອນ ເປັນຮອງປະທານກວດກາຄະນະພັກຮາກຖານຫ້ອງເຕັກນິກ. ຂ່າວ: ບຸນເພັງ ວົງແກ້ວມະນີ.

news to day and hot news