POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ຄະນະພັກຮາກຖານ ທະຫານນະຄອນຫຼວງພະບາງ ສໍາເລັດກອງປະຊຸມໃຫຍ່ສະມາຊິກພັກ
ເວລາອອກຂ່າວ: 2024-10-25 14:44:38 | ຜູ້ຂຽນ : admin2 | ຈຳນວນຄົນເຂົ້າຊົມ: 1997 | ຄວາມນິຍົມ:

ກອງປະຊຸມໃຫຍ່ສະມາຊິກພັກຄັ້ງທີ່ Vlll ຂອງຄະນະພັກຮາກຖານ ກອງບັນຊາການທະຫານ ນະຄອນ ຫຼວງພະບາງ ໄດ້ຈັດຂຶ້ນໃນ ວັນທີ 24 ຕຸລາ 2024 ນີ້, ໂດຍການເປັນປະທານຮ່ວມຂອງສະຫາຍ ວຽງທອງ ຫັດສະຈັນ ຄະນະປະຈຳພັກແຂວງ, ເຈົ້າຄອງນະຄອນຫຼວງພະບາງ, ສະຫາຍ ພັນເອກ ທອງລາ ໄຊຍະວົງສັກ ຄະນະປະຈຳພັກກອງບັນຊາການ, ຫົວໜ້າຫ້ອງພະລາທິການທະຫານແຂວງ, ມີສະຫາຍ ພັນໂທ ທອງພັນ ພິຜາວົງ ກຳມະການຄະນະພັກນະຄອນຫຼວງ, ຫົວໜ້າການເມືອງ ກອງບັນຊາການທະຫານນະຄອນຫຼວງພະບາງ, ມີຄະນະພັກຮາກຖານ, ຄະນະໜ່ວຍພັກ, ແຂກຮັບເຊີນ ແລະ ສະມາຊິກພັກເຂົ້າຮ່ວມ. ສະຫາຍ ພັນໂທ ສອນເພັດ ຄຸດມີໄຊ ຮອງເລຂາຄະນະພັກຮາກຖານ ຫົວໜ້າການທະຫານ ກອງບັນຊາການທະຫານນະຄອນຫຼວງພະບາງ ໄດ້ຜ່ານບົດລາຍງານການເມືອງທັງສອງພາກ ໄດ້ສະຫຼຸບຕີລາຄາຄືນຜົນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ສະໄໝທີ່ Vll, ຕະຫຼອດໄລຍະ 5 ປີຜ່ານມາຄະນະພັກໄດ້ເອົາໃຈໃສ່ນໍາພາ - ຊີ້ນຳວຽກງານເຮັດໃຫ້ສະພາບມີຄວາມສະຫງົບ ຈັດຕັ້ງກໍາລັງຫັນລົງກໍ່ສ້າງຮາກຖານການເມືອງປະຕິບັດຕາມ 4 ເນື້ອໃນ 4 ຄາດໝາຍ, ປ້ອງກັນແຂກພາຍໃນ ແລະ ຕ່າງປະເທດ, ປ້ອງກັນກອງປະຊຸມຂັ້ນຕ່າງໆ, ບຸນປະເພນີ, ໂຄງການລັດ, ພ້ອມນີ້ຍັງໄດ້ຈັດຕັ້ງອົບຮົມ - ຫັດແອບກົມກອງ, ອົບຮົມກອງຫຼອນກຸ່ມ ແລະ ອົບຮົມໃຫ້ໂຮງຮຽນ, ສະຖາບັນການສຶກສາແຫ່ງຕ່າງໆ, ພ້ອມທັງຈັດຕັ້ງກຳລັງປະຈຳການກຽມພ້ອມສູ້ຮົບ ແລະ ຊ່ວຍເຫຼືອກອບກູ້ໄພພິບັດທຳມະຊາດ, ຜ່ານມາສາມາດສ້າງບ້ານປ້ອງກັນຊາດເຂັ້ມແຂງໄດ້ 115 ບ້ານ, ມີ 15.168 ຄອບຄົວ ກວມ 87,02%. ໄປພ້ອມກັນນີ້ຄະນະພັກຍັງຖືສໍາຄັນຕໍ່ການປັບປຸງກໍ່ສ້າງກໍາລັງ ສຶກສາອົບຮົມການເມືອງນໍາພາແນວຄິດ ດ້ວຍການນໍາເອົາແນວທາງແຜນນະໂຍບາຍ, ມະຕິຄໍາສັ່ງຂອງພັກ, ກົດໝາຍລັດ, ລະບຽບວິໄນຂອງກອງທັບ ແລະ ມູນເຊື້ອທີ່ສໍາຄັນຕ່າງໆ ມາຈັດເຜີຍແຜ່ເຊື່ອມຊຶມຢ່າງຕໍ່ເນື່ອງ ຕິດພັນວຽກງານກໍ່ສ້າງພັກ - ກໍ່ສ້າງພະນັກງານ ໂດຍຖືສຳຄັນທາງດ້ານຄຸນນະພາບ ຜ່ານມາສາມາດຈັດແບ່ງປະເພດການເມືອງປະເພດ l ໄດ້ 89 ສະຫາຍ, ກົມກອງໄດ້ຮັບນາມມະຍົດເປັນກອງປອດໃສ, ເຂັ້ມແຂງ, ໜັກແໜ້ນ ຫຼາຍປີຕິດຕໍ່ກັນ, ນອກນີ້ຜ່ານມາພະນັກງານ-ນັກຮົບໄດ້ຮັບຍ້ອງຍໍຫຼຽນປະເພດຕ່າງໆ 31 ໜ່ວຍ ແລະ ໃບຍ້ອງຍໍປະເພດຕ່າງໆ 56 ໃບ. ພ້ອມກັນນີ້ຄະນະພັກຫຍັງໄດ້ນໍາພາເຮັດວຽກງານຮັບປະກັນລ້ຽງດູທັບ ສຸມໃສ່ປູກຝັງ-ລ້ຽງສັດ, ປະຕິບັດຕາມທິດ 4 ປູກ 4 ລ້ຽງ, ເຊີດຊູນໍ້າໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ໃນນີ້ຜ່ານມາສາມາດເກັບກ່ຽວພືດຜັກລົ້ມລຸກຕາມລະດູການໄດ້ 13.916 ກິໂລ, ມີສັດລ້ຽງປະເພດງົວ 38 ໂຕ, ແບ້ 17 ໂຕ, ສັດປີກ 341 ໂຕ, ກົບ-ປາ 9.550 ກ່ວາໂຕ, ມີລາຍຮັບຈາກການຂາຍພືດຜັກ, ສັດລ້ຽງ ແລະ ການບໍລິການ 903.146.000 ກີບ, ເງິນຈຳນວນດັ່ງກ່າວ ແມ່ນໄດ້ໝູນໃຊ້ເຂົ້າໃນການບໍລິຫານ ແລະ ປັບປຸງກໍ່ສ້າງກົມກອງ. ກອງປະຊຸມໄດ້ຮັບຮອງເອົາບົດລາຍງານການເມືອງທັງສອງພາກ, ບົດສໍາຫຼວດການນໍາພາລວມ ແລະ ດໍາເນີນການປ່ອນບັດເລືອກຕັ້ງຄະນະພັກຊຸດໃໝ່, ເຊິ່ງກອງປະຊຸມຄັ້ງປະຖົມມະລຶກໄດ້ເປັນເອກະສັນຮັບຮອງເອົາ ສະຫາຍ ພັນໂທ ສອນເພັດ ຄຸດມີໄຊ ເປັນເລຂາຄະນະພັກຮາກຖານ, ສະຫາຍ ພັນໂທ ທອງວັນ ລັດຕະນະວັນໂນ ເປັນຮອງເລຂາ, ສະຫາຍ ພັນຕີ ຫຸມພັນ ແພງລັດສະໝີ ເປັນປະທານກວດກາພັກ, ສະຫາຍ ພັນໂທ ຈັນທີ ດວງພະຈິດ, ສະຫາຍ ພັນຕີ ທະນູສອນ ຈິດຖາວອນ, ສະຫາຍ ພັນໂທ ຄຳມູນ ຄູນທິດາ ແລະ ສະຫາຍ ພັນໂທ ພອນທະວີ ຈັນມະນີ ເປັນຄະນະພັກຮາກຖານ. ກອງປະຊຸມຫຍັງໄດ້ປ່ອນບັດຄັດເລືອກເອົາຜູ້ແທນສົມບູນໄປຮ່ວມກອງປະຊຸມໃຫຍ່ຂອງຄະນະພັກຂັ້ນເທິງຈໍານວນ 7 ສະຫາຍ ແລະ ຜູ້ແທນສໍາຮອງຕື່ມອີກ 2 ສະຫາຍ. ຂ່າວ: ສົມພອນ ສຸວັນທອນ.

news to day and hot news