ວັນອັງຄານ, ວັນທີ 03 ທັນວາ 2024
ທະຫານແຂວງອຸດົມໄຊ ສະຫຼຸບ ຖອດຖອນບົດຮຽນ ວຽກງານລະດົມພົນ
ເວລາອອກຂ່າວ: 2024-10-25 14:52:41 | ຜູ້ຂຽນ : admin2 | ຈຳນວນຄົນເຂົ້າຊົມ: 2780 | ຄວາມນິຍົມ: 
ກອງປະຊຸມສະຫຼຸບຖອດຖອນບົດຮຽນ ວຽກງານລະດົມພົນ ປະຈຳ ປີ2023 ແລະ ວາງທິດທາງແຜນການ 2024 ທົ່ວທະຫານແຂວງອຸດົມໄຊ ໄດ້ຈັດຂຶ້ນໃນ ວັນທີ 22 ຕຸລາ 2024, ຢູ່ທີສະໂມສອນກອງບັນຊາການ, ໂດຍເປັນກຽດເຂົ້າຮ່ວມຂອງສະຫາຍ ພົນຈັດຕະວາ ຄຳເຜີຍ ໂສມພັນ ຫົວໜ້າການທະຫານ ກອງບັນຊາການທະຫານແຂວງອຸດົມໄຊ, ມີຄະນະພັກ-ຄະນະກອງບັນຊາການ, ອົງການ 5 ຫ້ອງ, ບັນດາກອງບັນຊາການທະຫານເມືອງ, ກົມກອງ ອ້ອມຂ້າງກອງບັນຊາການ ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ.
ສະຫາຍ ພັນໂທ ຄຳປານ ອິນທຳມະລັດ ຄະນະພັກກອງບັນຊາການ ຮອງຫົວໜ້າຫ້ອງເສນາທິການກອງບັນຊາການທະຫານແຂວງອຸດົມໄຊ ໄດ້ຜ່ານບົດສະຫຼຸບການເຄື່ອນໄຫວວຽກງານລະດົມພົນປະຈຳປີ 2023 ແລະ ທິດທາງແຜນການວຽກງານລະດົມພົນ ສົກປີ 2024 ເຊິ່ງໄດ້ຍົກໃຫ້ເຫັນດ້ານດີ ການລະດົມພົນໃນປີ 2023 ສາມາດລະດົມໄດ້ຈຳນວນ 187 ຄົນ, ຍິງ 34 ຄົນ ແລະ ແບ່ງໃຫ້ 25 ກົມກອງ ຈໍານວນ 95 ຄົນ, ແບ່ງໃຫ້ກຳລັງຫຼວງຈຳນວນ 92 ສະຫາຍ ແລະ ໄດ້ຍົກໃຫ້ເຫັນ ບາງບັນຫາທີ່ຍັງຄົງຄ້າງ ເຊິ່ງຄະນະພັກ-ຄະນະບັນຊາ ພ້ອມທັງຜູ້ເຮັດວຽກງານລະດົມພົນຂັ້ນຕ່າງໆຈະຕ້ອງໄດ້ສຸມໃສ່ປັບປຸງແກ້ໄຂໃນຕໍ່ໜ້າ, ໃນກອງປະຊຸມໄດ້ຜ່ານຄໍາສັ່ງແນະນໍາຂອງຫົວໜ້າກົມໃຫຍ່ເສນາທິການກອງທັບວ່າດ້ວຍລະດົມທະຫານໃໝ່ປະຈຳປີ 2024 ລະດົມໃຫ້ໄດ້ຕາມແຜນການຕົວເລກ 100 ຄົນ, ໃນນີ້ແບ່ງໃຫ້ເມືອງ 7 ເມືອງລະດົມໃຫ້ໄດ້ 65 ຄົນ, ກອງບັນຊາການທະຫານແຂວງລະດົມໃຫ້ໄດ້ 35 ຄົນ ເພື່ອຈັດສົ່ງໃຫ້ບັນດາກົມກອງຕາມແຜນການ.
ສະຫາຍ ພົນຈັດຕະວາ ຄຳເຜີຍ ໂສມພັນ ໄດ້ເນັ້ນໃຫ້ຄະນະພັກ-ຄະນະບັນຊາແຕ່ຂັ້ນ ເອົາໃຈໃສ່ປະຕິບັດ ໜ້າທີ່ຂອງຕົນດ້ວຍຄວາມຮັບຜິດຊອບສູງ, ເພີ່ມທະວີວຽກງານສຶກສາອົບຮົບໃຫ້ພໍ່ແມ່ປະຊາຊົນຮັບຮູ້ ແລະ ເຂົ້າໃຈຕໍ່ລະບຽບກົດໝາຍພັນທະປ້ອງກັນຊາດ ເພື່ອເຮັດໃຫ້ທຸກຄົນມີສ່ວນຮ່ວມໃນການປະຕິບັດພັນທະຕໍ່ປະເທດຊາດ, ການຄັດເລືອກຊາວໜຸ່ມ-ໄວໜຸ່ມຕ້ອງມີຊີວະປະຫວັດຈະແຈ້ງ ແລະ ມີມາດຖານເງື່ອນໄຂຄົບຖ້ວນ ເພື່ອຮັບປະກັນເຮັດ ໃຫ້ການລະດົມພົນໃນປີນີ້ບັນລຸໄດ້ຕາມຄາດໝາຍທີ່ວາງໄວ້.
ໂດຍ: ສົມພູນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
