ວັນພຸດ, ວັນທີ 04 ທັນວາ 2024
ບົ່ງຕົວແຕ່ງຕັ້ງກໍາມະການຄະນະພັກຮາກຖານ ຫ້ອງເຕັກນິກ ກອງພົນທີ 2
ເວລາອອກຂ່າວ: 2024-10-25 14:58:03 | ຜູ້ຂຽນ : admin2 | ຈຳນວນຄົນເຂົ້າຊົມ: 2742 | ຄວາມນິຍົມ: 
ພິທີປະກາດບົ່ງຕົວແຕ່ງຕັ້ງກໍາມະການຄະນະພັກຮາກຖານຫ້ອງເຕັກນິກ ກອງພົນທີ 2, ໄດ້ຈັດຂຶ້ນ ວັນທີ 24 ຕຸລາ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ວຽງແກ້ວ ສີສຸລາດ ເລຂາຄະນະພັກ ຫົວໜ້າການເມືອງກອງພົນທີ2, ມີບັນດາສະຫາຍ ຄະນະພັກຮາກຖານ, ຄະນະໜ່ວຍພັກ, ພະແນກການທີ່ກ່ຽວຂ້ອງ, ຕະຫຼອດຮອດພະນັກງານສະມາຊິກພັກຫ້ອງເຕັກນິກເຂົ້າຮ່ວມ.
ສະຫາຍພັນໂທ ສົມຈິດ ແກ້ວໄຊຍະວົງ ຫົວໜ້າພະແນກຈັດຕັ້ງພັກ ໄດ້ຂຶ້ນຜ່ານມະຕິຕົກລົງຂອງຄະນະພັກກອງພົນທີ2 ວ່າດ້ວຍການບົ່ງຕົວແຕ່ງຕັ້ງກໍາມະການຄະນະພັກຮາກຖານ ຫ້ອງເຕັກນິກ ໂດຍອີງຕາມກົດລະບຽບ ຂອງພັກປະຊາຊົນປະຕິວັດລາວ ວ່າດ້ວຍການບົ່ງຕົວແຕ່ງຕັ້ງ, ຍົກຍ້າຍ ແລະ ການສິ້ນສຸດເປັນກໍາມະການຄະນະພັກ, ອີງຕາມຂໍ້ຕົກລົງຂອງກົມໃຫຍ່ການເມືອງກອງທັບ, ອີງຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງ-ນໍາພາໃນກໍາລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ, ຄະນະພັກກອງພົນທີ2 ຕົກລົງບົ່ງຕົວແຕ່ງຕັ້ງ ສະຫາຍ ພັນໂທ ແກ້ວອຸດອນ ສະຫວັນຕູ້ມຊູ ຫົວໜ້າພະແນກແຜນການເຕັກນິກ ເປັນກໍາມະການຄະນະພັກຮາກຖານ ຫ້ອງເຕັກນິກ.
ສະຫາຍ ພົນຈັດຕະວາ ວຽງແກ້ວ ສີສຸລາດ ກໍໄດ້ມີຄໍາເຫັນໂອ້ລົມຕໍ່ພະນັກງານ, ສະມາຊິກພັກ ເຊິ່ງສະຫາຍໄດ້ຍົກໃຫ້ເຫັນເຖິງບົດບາດ ຄວາມສໍາຄັນຂອງວຽກງານພັກ, ເປັນວຽກງານທີ່ສໍາຄັນຕໍ່ການຊີ້ນໍາ-ນໍາພາ ໂດຍສະເພາະແມ່ນຜູ້ທີ່ໄດ້ຮັບການບົ່ງຕົວແຕ່ງຕັ້ງເປັນກໍາມະການຄະນະພັກຄົນໃໝ່ ຕ້ອງເອົາໃຈໃສ່ຍົກສູງຄວາມຮັບຜິດຊອບຕໍ່ ໜ້າທີ່ການເມືອງຂອງຕົນ, ຖືເອົາວຽກງານການເມືອງແນວຄິດເປັນກົກໃນການສຶກສາອົບຮົມການເມືອງແນວຄິດ, ເຮັດສໍາເລັດໜ້າທີ່ວຽກງານທີ່ໄດ້ຮັບມອບໝາຍ.
ໂດຍ ສູວັນໂນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
