ວັນອັງຄານ, ວັນທີ 10 ທັນວາ 2024
ມອບ-ຮັບ ກອງປະຕິບັດງານພິເສດ 589 ໃຫ້ອົງການປົກຄອງ ເມືອງບົວລະພາ
ເວລາອອກຂ່າວ: 2024-10-31 09:01:32 | ຜູ້ຂຽນ : admin1 | ຈຳນວນຄົນເຂົ້າຊົມ: 935 | ຄວາມນິຍົມ: 
ວັນທີ 28 ຕຸລາ 2024 ນີ້, ຢູ່ທີ່ສະໂມສອນ ກອງບັນຊາການທະຫານເມືອງບົວລະພາ ແຂວງຄຳມ່ວນ ໄດ້ຈັດພິທີມອບ-ຮັບ ກອງປະຕິບັດງານພິເສດ 589 ກອງບັນຊາການທະຫານແຂວງກວາງບິ່ງ ສສ ຫວຽດນາມ ໃຫ້
ແກ່ອົງການປົກຄອງ ເມືອງບົວລະພາ ເພື່ອເຄື່ອນໄຫວຊອກຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມ ໃນຂອບເຂດເມືອງບົວລະພາ, ໂດຍມີ ສະຫາຍ ພັນເອກ ຄຳສາຍ ເພັດນວນສີ ຮອງຫົວໜ້າການເມືອງ ກອງບັນຊາການທະຫານແຂວງ, ຄະນະຊີ້ນຳຄະນະປະຕິ
ບັດງານພິເສດແຂວງຄຳມ່ວນ, ສະຫາຍ ຄູນໄຊ ໄພປັນຍາ ຮອງເຈົ້າເມືອງ ເມືອງບົວລະພາ ຄະນະຊີ້ນຳຄະນະປະຕິບັດງານພິເສດເມືອງ, ສະຫາຍ ພັນໂທ ຫງວຽນ ແທັງ ບິ່ງ ຫົວໜ້າການທະຫານ ກອງປະຕິບັດງານພິເສດ 589
ກອງບັນຊາການທະຫານແຂວງກວາງບິ່ງ ສສ ຫວຽດນາມ, ມີຄະນະພັກ-ຄະນະບັນຊາການທະຫານເມືອງ ຕະຫຼອດຮອດພາກສ່ວນທີ່ກ່ຽວຂ້ອງ ເຂົ້າຮ່ວມ.
ສະຫາຍ ພັນໂທ ຫງວຽນ ແທັງ ບິ່ງ ໄດ້ຜ່ານແຜນການເຄື່ອນໄຫວ ໃນການສຳຫຼວດຊອກຫາຂຸດຄົ້ນ ທ້ອນໂຮມອັດຖິທະຫານອາສາສະໝັກ ແລະ ຊ່ຽວ
ຊານຫວຽດນາມ ທີ່ເສຍສະຫຼະຊີວິດໃນປາງສົງຄາມ ຢູ່ພື້ນທີ່ ແຂວງຄຳມ່ວນ ເວົ້າລວມ, ເວົ້າສະເພາະໃນຂອບເຂດເມືອງບົວລະພາ ປະຈຳລະດູແລ້ງ ປີ 2024-
2025. ຈາກນັ້ນ, ສະຫາຍ ພັນເອກ ຄຳສາຍ ເພັດນວນສີ ໄດ້ກ່າວມອບກອງປະຕິບັດງານພິເສດ 589 ກອງບັນຊາການທະຫານແຂວງກວາງບິ່ງ ສສ ຫວຽດນາມ ໃຫ້ອົງການປົກຄອງເມືອງບົວລະພາ ໂອກາດດັ່ງກ່າວ ສະຫາຍ ຄູນໄຊ ໄພປັນຍາ ໄດ້ກ່າວຮັບກອງປະຕິບັດງານພິເສດ 589 ພ້ອມທັງ ໄດ້ເຊັນບົດບັນທຶກຮ່ວມກັນກັບ ສະຫາຍ ພັນເອກ ຄຳສາຍ ເພັດນວນສີ ຢ່າງເປັນທາງການ,
ໂອກາດນີ້, ຍັງໄດ້ມອບໃບຍ້ອງຍໍ ຂອງປະທານຄະນະກຳມະການປະຊາຊົນ ແຂວງກວາງບິ່ງ ສສ ຫວຽດນາມ ໃຫ້ບຸກຄົນ ແລະ ກົມກອງລວມໝູ່ ທີ່ໄດ້ປະ
ກອບສ່ວນເຫື່ອແຮງ ເຂົ້າໃນການຊອກຂຸດຄົ້ນອັດຖິ ທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມ ປະຈຳລະດູແລ້ງປີ 2023-2024 ຈຳນວນ 6 ໃບຕື່ມອີກ.
ໂດຍ: ເກດມະນີ ສຸວັນນະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
