ວັນສຸກ, ວັນທີ 06 ທັນວາ 2024
ແມນຢູ ປົດ ເທນຮາກ ຫຼັງພາທີມຕົກຢູ່ອັນດັບ 14 ໃນ ພຣີເມຍລີກ ອັງກິດ
ເວລາອອກຂ່າວ: 2024-10-31 10:23:05 | ຜູ້ຂຽນ : admin3 | ຈຳນວນຄົນເຂົ້າຊົມ: 376 | ຄວາມນິຍົມ: 
ໃນວັນທີ 28 ຕຸລາ 2024, ແມນເຊັດເຕີ ຢູໄນເຕັດ ປະກາດຢ່າງເປັນທາງການວ່າ ໄດ້ປົດ ເອຣິກ ເທນຮາກ ອອກຈາກຕຳແໜ່ງຜູ້ຈັດການທີມ. ພາຍຫຼັງທີ່ນຳທີມສ້າງຜົນງານໄດ້ຢ່າງຜິດຫວັງ ໂດຍເສຍໃຫ້ ເວດແຮມ ຢູໄນເຕັດ ດ້ວຍຄະແນນ 1-2 ປະຕູ
ສົ່ງຜົນໃຫ້ ແມນເຊັດເຕີ ຢູໄນເຕັດ ຕົກຢູ່ອັນດັບທີ 14 ຂອງ ພຣີເມຍລີກ ອັງກິດ ອີກຄັ້ງ ໂດຍລົງຫຼິ້ນ 9 ນັດ ມີພຽງ 11 ຄະແນນ ເຖິງແມ່ນວ່າຈະພາທີມຍາດໄດ້ 2 ແຊັມໃນ 2 ປີຜ່ານມາເຊັ່ນ: ຄາລາບາວ ຄັບ (ລີກ ຄັບ) ແລະ FA Cup ( ເຟບເອ ຄັບ ).
ຖະແຫຼ່ງການຈາກ ສະໂມສອນ ແມນເຊັດເຕີ ຢູໄນເຕັດ ລະບຸວ່າ: “ພວກເຮົາຂໍຂອບໃຈ ເອຣິກ ເທນຮາກ ສຳລັບທຸກສິ່ງທີ່ລາວໄດ້ເຮັດໃນຊ່ວງເວລາຂອງລາວກັບພວກເຮົາ ແລະ ຂ້າພະເຈົ້າຂໍໃຫ້ລາວໂຊກດີທີ່ສຸດໃນອະນາຄົດ.
ສ່ວນແຜນການຕໍ່ໄປ ຣູດວັນ ນິດເທວຣອຍ ຈະຮັບໜ້າທີ່ເປັນຫົວໜ້າຄູຝຶກແທນຊົ່ວຄາວ. ໂດຍໄດ້ຮັບການສະຫນັບສະຫນູນຈາກທີມງານຄູຝຶກສອນໃນປະຈຸບັນ ໃນຂະນະດຽວກັນ, ຫົວໜ້າຄູຝຶກຖາວອນຈະໄດ້ຮັບການຄັດເລືອກອີກຕໍ່ໄປ."
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
