ວັນອັງຄານ, ວັນທີ 03 ທັນວາ 2024
ທີມເຕະບານລາວ ຊຸດໃຫຍ່ ຈະອຸ່ນເຄື່ອງກັບທີມຊາດ ມາເລເຊຍ
ເວລາອອກຂ່າວ: 2024-10-31 10:23:51 | ຜູ້ຂຽນ : admin3 | ຈຳນວນຄົນເຂົ້າຊົມ: 263 | ຄວາມນິຍົມ: 
ສະຫະພັນບານເຕະແຫ່ງຊາດລາວ ແລະ ສະມາຄົມບານເຕະ ມາເລເຊຍ ໄດ້ອອກມາປະກາດຢືນຢັນໃຫ້ແຟນບານຮັບຊາບວ່າ: ການແຂ່ງຂັນບານເຕະອຸ່ນເຄື່ອງມິດຕະພາບ ໄລຍະ FIFA DAY ວັນທີ 11-19 ພະຈິກ 2024 ທີມຊາດລາວ ຊຸດໃຫຍ່ ຈະລົງຫຼິ້ນອຸ່ນເຄື່ອງອີກ 1 ນັດ ໂດຍຈະພົບກັບ ທີມຊາດມາເລເຊຍ ໃນວັນທີ 14 ພະຈິກ 2024 ເຊິ່ງຈະແຂ່ງຢູ່ສະໜາມແພັດ, ໃນນະຄອນຫຼວງບາງກອກ, ປະເທດໄທ.
ທີມຊາດລາວ ແລະ ທີມຊາດ ມາເລເຊຍ ພົບກັນຄັ້ງຫຼ້າສຸດ ຊິງແຊັມອາຊຽນ 2022 ທີມຊາດມາເລເຊຍ ຊະນະໄປດ້ວຍຄະແນນ 5-0 ປະຕູ ໂດຍ 7 ນັດຫຼັງສຸດທີ່ພົບກັນ ທີມຊາດມາເລເຊຍ ຊະນະລວດ ຍິງໄດ້ 27 ປະຕູ ເສຍ 4 ປະຕູ.
ສ່ວນການອຸ່ນເຄື່ອງອີກ 1 ນັດຂອງທີມຊາດລາວ ໃນໄລຍະເດືອນພະຈິກປີນີ້ ຈະອຸ່ນເຄື່ອງກັບ ທີມຊາດໄທ ວັນທີ 17 ພະຈິກ 2024 ຈະແຂ່ງຢູ່ສະໜາມ ທຳມະສາດ ຣັງສິດ ປະເທດໄທ
ນີ້ຖືເປັນຄັ້ງທຳອິດໃນຮອບ 12 ປີ ທີ່ທີມຊາດລາວ ຈະໄດ້ພົບກັບ ທີມຊາດໄທ ໂດຍຄັ້ງຫຼ້າສຸດແມ່ນ ພົບກັນ ວັນທີ 12/9/2012 ທີ່ສະໜາມຣາຊະມັງຄະລາ ນະຄອນ ຫຼວງບາງກອກ ປະເທດໄທ, ຄັ້ງດັ່ງກ່າວ ທີມຊາດໄທ ຊະນະໄປດ້ວຍຄະແນນ 2-1 ປະຕູ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
