ວັນອັງຄານ, ວັນທີ 10 ທັນວາ 2024
ເຈົ້າເມືອງໄຊສະຖານ ແຂວງໄຊຍະບູລີລົງຢ້ຽມຢາມກອງຮ້ອຍທະຫານຊາຍແດນ 154
ເວລາອອກຂ່າວ: 2024-11-01 08:55:44 | ຜູ້ຂຽນ : admin1 | ຈຳນວນຄົນເຂົ້າຊົມ: 849 | ຄວາມນິຍົມ: 
ວັນທີ 24 ຕຸລາ 2024 ນີ້, ທ່ານ ຄອນສະຫວັນ ວໍລະສັກ ວ່າການເຈົ້າເມືອງ ເມືອງໄຊສະຖານແຂວງໄຊຍະບູລີ ພ້ອມດ້ວຍຄະນະໄດ້ລົງຢ້ຽມຢາມກອງຮ້ອຍທະຫານຊາຍແດນ 154 ແຂວງໄຊຍະບູລີ ໂດຍການຕ້ອນຮັບຂອງ
ສະຫາຍ ຮ້ອຍເອກ ເກົ້າ ທໍ່ ຫົວໜ້າການເມືອງ ກອງຮ້ອຍທະຫານຊາຍແດນ 154 ແຂວງໄຊຍະບູລີ ພ້ອມທັງລາຍງານຫຍໍ້ສະພາບລວມ ແລະ ພື້ນຖານຄວາມຮັບຜິດຊອບຂອງກົມກອງ. ຈາກນັ້ນ ທ່ານຄອນສະຫວັນ ວໍລະສັກ ວ່າການເຈົ້າເມືອງໄຊສະຖານ ໄດ້ສະເໜີ ໂຕ ແລະ ຢື້ຢາມຖາມຂ່າວພ້ອມທັງພົບປະໂອ້ລົມ ເຊິ່ງ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄະນະພັກ-ຄະນະບັນຊາ ພະນັກງານ-ນັກຮົບຍາດມາໄດ້ໃນໄລຍະຜ່ານມາ, ທ່ານ ຄອນສະຫວັນ ຍັງໄດ້ຮຽກຮ້ອງໃຫ້ເອົາໃຈໃສ່ ໂດຍສະເພາະແມ່ນການເຄື່ອນໄຫວຂອງພວກກຸ່ມຄົນບໍ່ດີ, ການຄ້າຂາຍເຖື່ອນ, ບັນຫາຢາເສບຕິດຕາມຊາຍແດນ ແລະ ບັນຫາອື່ນໆ, ພ້ອມນີ້ ທ່ານຍັງໄດ້ເນັ້ນໜັກໃຫ້ຄະນະພັກ-ຄະ ນະບັນຊາກອງຮ້ອຍທະຫານຊາຍ
ແດນ 154 ກຳໃຫ້ໄດ້ທຸກການ ເຄື່ອນໄຫວຂອງພວກກຸ່ມຄົນບໍ່ດີ, ເພື່ອສະກັດກັ້ນແກ້ໄຂໃຫ້ທັນເຫດການ, ທັນເວລາ ເອົາໃຈໃສ່ສຶກສາອົບຮົມການ ເມືອງ-ແນວຄິດໃຫ້ພະນັກ ງານ-ນັກຮົບມີຄຸນທາດການເມືອງໜັກແໜ້ນ, ເປັນເຈົ້າການອອກເຄື່ອນໄຫວກວດ ກາສາລະເວຕາມຂອບເຂດຄວາມຮັບຜິດ ຊອບຂອງຕົນ, ສືບ ຕໍ່ເສີມຂະ ຫຍາຍມູນເຊື້ອສາມັກຄີລະຫວ່າງກອງທັບ ກັບ ປະຊາຊົນ ປະຕິບັດ 3 ໜ້າທີ່ 4 ການພົວພັນ, ພ້ອມກັນເອົາໃຈ ໃສ່ປັບປຸງກໍ່ສ້າງກຳລັງເຫຼົ່າຮົບທະຫານຊາຍແດນໃຫ້ເປັນກຳລັງທີ່ມີແບບແຜນທັນສະໄໝ ເຮັດໜ້າທີ່ເປັນກຳແພງອັນແໜ້ນໜາຂອງຊາດ ພ້ອມກັນປົກປັກຮັກສາເຂດນ້ຳແດນດິນ ແຂວງໄຊຍະບູລີໄວ້ໄດ້ໃຫ້ໝັ້ນຄົງຕະຫຼອດໄປ. ໃນໂອກາດນີ້, ທ່ານ ຄອນສະຫວັນ ພ້ອມດ້ວຍ
ຄະນະຍັງໄດ້ນຳເອົາຜ້າຮົ່ມ ອຸປະ ກອນກິລາ ແລະ ນ້ຳດື່ມມາມອບໃຫ້ກອງຮ້ອຍທະຫານຊາຍແດນ 154 ນຳອີກ.
ໂດຍ: ສົມຈີນ
ພາບ: ເກົ້າ ທໍ່
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
