POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 10 ທັນວາ 2024

ໂຮງຮຽນວັດທະນະທຳຊົນເຜົ່າກອງທັບ ປະດັບທຽບຊັ້ນໃຫ້ນາຍທະຫານ
ເວລາອອກຂ່າວ: 2024-11-01 09:03:22 | ຜູ້ຂຽນ : admin1 | ຈຳນວນຄົນເຂົ້າຊົມ: 820 | ຄວາມນິຍົມ:

ໃນວັນທີ 31 ຕຸລາ 2024 ນີ້, ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດພິທີປະດັບທຽບຊັ້ນ ໃຫ້ນາຍທະຫານທີ່ຮຽນຈົບວິຊາສະເພາະຈາກສາຍລັດ, ໂດຍການເປັນປະທານຂອງ ສະຫາຍ ພັນເອກ ປອ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, ກົມກອງ, ພະແນກການທີ່ກ່ຽວຂ້ອງ ແລະ ພະນັກງານທີ່ໄດ້ຮັບການປະດັບທຽບຊັ້ນ ເຂົ້າຮ່ວມ. ໃນພິທີ ສະຫາຍ ພັນຕີ ສຸວັນນີ ບຸດທະວົງ ຮອງຫົວໜ້າພະແນກພະນັກງານ ຫ້ອງການເມືອງ ໂຮງຮຽນວັດທະນະທຳຊົນເຜົ່າກອງທັບ ໄດ້ຜ່ານຂໍ້ຕົກລົງ ຂອງກົມໃຫຍ່ການເມືອງກອງທັບ ວ່າດ້ວຍການປະດັບທຽບຊັ້ນໃຫ້ ນາຍທະຫານ ທີ່ຮຽນຈົບວິຊາສະເພາະຈາກສາຍລັດ ຢູ່ໂຮງຮຽນວັດທະນະທຳຊົນເຜົ່າກອງທັບ ໂດຍອີງຕາມກົດໝາຍຂອງນາຍທະຫານກອງທັບປະຊາຊົນລາວ ວ່າດ້ວຍອາຍຸກະສຽນ ແລະ ການປະດັບຊັ້ນ, ປະດັບທຽບຊັ້ນເປັນນາຍທະຫານ, ເພື່ອເປັນການປັບປຸງກໍ່ສ້າງກຳລັງ, ກໍ່ສ້າງກົມກອງໃຫ້ມີຄວາມໜັກແໜ້ນເຂັ້ມ ແຂງ, ແທດເໝາະກັບສະພາບເງື່ອນໄຂຕົວຈິງຂອງກົມກອງ ແລະ ເປັນການຍູ້ແຮງນໍ້າໃຈຟົດຟື້ນປະຕິວັດຂອງພະນັກງານໃນຖັນແຖວກອງທັບໃຫ້ສູງຂຶ້ນ, ກົມໃຫຍ່ການເມືອງກອງທັບ ຕົກລົງປະດັບທຽບຊັ້ນໃຫ້ນາຍທະຫານ ທີ່ຮຽນຈົບມາຈາກສາຍລັດ ແລະ ມີຜົນງານໃນການປະກອບສ່ວນປົກປັກຮັກສາໝາກຜົນຂອງການປະຕິວັດ ຈຳນວນ 24 ສະຫາຍ ລະອຽດດັ່ງນີ້: ປະດັບທຽບຊັ້ນ ຮ້ອຍໂທ 22 ສະຫາຍ, ປະດັບທຽບຊັ້ນ ຮ້ອຍຕີ 2 ສະຫາຍ. ໂອກາດນີ້, ສະຫາຍຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ບັນດາສະຫາຍທີ່ຮັບປະດັບທຽບຊັ້ນ. ພ້ອມນີ້, ສະຫາຍຍັງໄດ້ເນັ້ນ ໜັກໃຫ້ສືບຕໍ່ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນ, ຍົກສູງຄຸນນະພາບຂອງໜ້າທີ່ວຽກງານ, ປະຕິບັດຂໍ້ກຳນົດ, ກົດລະບຽບຢ່າງເຂັ້ມງວດ; ເພີ່ມທະວີຄວາມສາມັກຄີພາຍໃນ ຕິດພັນກັບມະຫາຊົນ ເພື່ອສ້າງກຳລັງແຮງສັງລວມໃຫ້ແກ່ກົມກອງ; ຕັ້ງໜ້າສຸມທຸກເຫື່ອແຮງ, ສະຕິປັນຍາ, ຄວາມຮູ້, ຄວາມສາມາດ ປະກອບສ່ວນເຂົ້າໃນທຸກວຽກງານທຸກຂະບວນການຂອງກົມກອງ; ອອກແຮງເຝິກຝົນຫຼໍ່ຫຼອມຕົນເອງທາງດ້ານແບບແຜນວິທີເຮັດວຽກ, ຊອກຮູ້ຮໍ່າຮຽນເພື່ອຍົກລະດັບຄວາມຮັບຮູ້ຂອງຕົນໃຫ້ສູງຂຶ້ນ. ເອົາໃຈໃສ່ລົງເລິກການພົວພັນຮ່ວມມືກັບໝູ່ເພື່ອນ, ການຈັດຕັ້ງທຸກພາກສ່ວນ ແລະ ປະຊາຊົນ ເພື່ອຮັກສາມູນເຊື້ອອັນ ດີງາມໄວ້ໃຫ້ໝັ້ນຄົງ.

news to day and hot news