POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 10 ທັນວາ 2024

ກອງບັນຊາການທະຫານແຂວງເຊກອງ ປະກາດການເລື່ອນຊັ້ນ ແລະ ປະດັບທຽບຊັ້ນ ໃຫ້ນາຍທະຫານ
ເວລາອອກຂ່າວ: 2024-11-01 09:04:44 | ຜູ້ຂຽນ : admin1 | ຈຳນວນຄົນເຂົ້າຊົມ: 906 | ຄວາມນິຍົມ:

ວັນທີ 30 ຕຸລາ 2024 ນີ້, ກອງບັນຊາການທະຫານແຂວງເຊກອງ ໄດ້ຈັດພິທີປະກາດການຈັດຕັ້ງ, ເລື່ອນຊັ້ນ ແລະ ປະດັບທຽບຊັ້ນໃຫ້ນາຍທະຫານ, ໂດຍການເປັນປະທານຂອງ ສະຫາຍ ພັນເອກ ສົມຈິດ ນິລະພົນ ຫົວໜ້າການເມືອງ ກອງບັນຊາການທະຫານແຂວງເຊກອງ, ມີບັນດາສະ ຫາຍຄະນະພັກ-ຄະນະບັນຊາ, ອົງການ 6 ຫ້ອງ, ພະແນກການ ແລະ ບັນດາສະຫາຍທີ່ໄດ້ຮັບຊັ້ນໃໝ່ ເຂົ້າຮ່ວມ. ສະຫາຍ ຮ້ອຍເອກ ແສງດາວອນ ປັນຍາກອນ ຮອງຫົວໜ້າພະແນກ ພະນັກງານ ກອງບັນຊາການທະຫານແຂວງເຊກອງ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ຂໍ້ຕົກລົງ ຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນໃຫ້ນາຍທະຫານຢູ່ກອງບັນຊາການທະຫານແຂວງເຊກອງ ໂດຍອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ໃນພາກທີ 2 ໝວດທີ 3 ມາດຕາທີ 22 ແລະ 23 ກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ຕົກລົງ ເລື່ອນຊັ້ນ ໃຫ້ນາຍທະຫານ ຈຳນວນ 157 ສະ ຫາຍ ໃນນັ້ນ, ເລື່ອນຊັ້ນ ຮ້ອຍເອກ ຂຶ້ນ ພັນຕີ 43 ສະຫາຍ, ຮ້ອຍໂທຂຶ້ນ ຮ້ອຍເອກ 39 ສະຫາຍ, ຮ້ອຍຕີ ຂຶ້ນ ຮ້ອຍໂທ 31 ສະຫາຍ, ວາທີ ຂຶ້ນ ຮ້ອຍຕີ 33 ສະຫາຍ, ເລື່ອນທຽບຊັ້ນ ຮ້ອຍໂທ ຜູ້ທີ່ຈົບວິຊາສະເພາະ ຊັ້ນສູງ ແລະ ປະລິນຍາຕີ 6 ສະຫາຍ, ເລື່ອນທຽບຊັ້ນ ຮ້ອຍຕີ ຈົບວິຊາສະເພາະຊັ້ນກາງ 7 ສະຫາຍ. ໂອກາດນີ້, ພິທີຍັງໄດ້ຜ່ານຂໍ້ ຕົກລົງຂອງກະຊວງປ້ອງກັນປະ ເທດ, ຂໍ້ຕົກລົງຂອງກົມໃຫຍ່ການເມືອງກອງທັບ ແລະ ຂໍ້ຕົກ ລົງຂອງກອງບັນຊາການທະຫານແຂວງ ວ່າດ້ວຍການສັ່ງຖອນ, ແຕ່ງຕັ້ງ ແລະ ຍົກຍ້າຍຊັບ ຊ້ອນພະນັກງານທີ່ຮຽນຈົບວິຊາສະເພາະໃຫ້ຖືກຕ້ອງເໝາະສົມກັບວິຊາທີ່ຮຽນມາ, ໂດຍອີງຕາມ ຄວາມຮຽກຮ້ອງຕ້ອງການໃນໜ້າທີ່ວຽກງານການເມືອງຂອງພັກ-ລັດ ກໍຄື ຂອງກົມກອງ ໃນສະເພາະໜ້າ ແລະ ຍາວນານ, ອີງຕາມກອງປະຊຸມການຄົ້ນຄວ້າເຫັນດີເປັນເອກະພາບຂອງຄະນະປະຈຳພັກ-ຄະນະພັກກອງບັນຊາການທະຫານແຂວງເຊກອງ. ກະຊວງປ້ອງກັນປະເທດຕົກລົງສັ່ງຖອນ ສະຫາຍ ພັນໂທ ແສງນ້ອຍ ເລຮົ່ມຄຳມ່ວນ ຈາກຫົວໜ້າກອງປະຕິບັດງານ 218 ໄປປະຈຳການຢູ່ພະແນກບໍລິຫານຫ້ອງການເມືອງ ທະຫານແຂວງເຊກອງ ແລະ ແຕ່ງຕັ້ງ ສະຫາຍ ພັນໂທ ສຸລິສັກ ຫຼ້າໄພບູນ ຈາກກອງ ຄໍ 101 ໄປເປັນຫົວໜ້າກອງປະຕິບັດງານ 218 ຄົນໃໝ່, ພ້ອມທັງຜ່ານຂໍ້ຕົກລົງຂອງຫ້ອງການເມືອງທະຫານແຂວງເຊກອງ ວ່າດ້ວຍຍົກຍ້າຍຊັບຊ້ອນນາຍທະຫານໄປຮັບໜ້າທີ່ໃໝ່ ຈຳນວນ 28 ສະຫາຍ. ໂດຍ: ກອງຄຳ ຈິ່ງດ້າຍອດ

news to day and hot news