ວັນພະຫັດ, ວັນທີ 05 ທັນວາ 2024
ກອງພັນໃຫຍ່ 301 ສຸມໃສ່ການປັບປຸງ ກໍ່ສ້າງກົມກອງໃຫ້ແໜ້ນໜາຖາວອນ
ເວລາອອກຂ່າວ: 2024-11-01 09:06:24 | ຜູ້ຂຽນ : admin1 | ຈຳນວນຄົນເຂົ້າຊົມ: 738 | ຄວາມນິຍົມ: 
ວຽກງານການປັບປຸງກໍ່ ສ້າງກົມກອງ ແມ່ນວຽກງານໜຶ່ງທີ່ສຳຄັນ ແລະ ຈຳເປັນ ຄຽງຄູ່ກັບການປະຕິບັດໜ້າທີ່ວຽກງານວິຊາຂອງພະນັກງານ-ນັກຮົບ ເມື່ອເຫັນໄດ້ຄືແນວນັ້ນ, ຄະນະ ພັກ-ຄະນະບັນຊາກອງພັນໃຫຍ່ 301 ກອງພົນທີ 3 ໄດ້ຊີ້ນຳພະ ນັກງານ-ນັກຮົບ ສຸມໃສ່ການ ປັບປຸງກໍ່ສ້າງສຳນັກງານຫ້ອງ ການ, ເຮືອນນອນ ແລະ ເຮືອນ ຄົວລວມຂອງກົມກອງໃຫ້ແໜ້ນ ໜາຖາວອນຕາມແບບວັດທະນະ ທຳຈົບງາມ ໃນນີ້, ໄດ້ສຸມໃສ່ການ ກໍ່ສ້າງເດີ່ນເຕະກະຕໍ້ ໜ້າຫ້ອງ ການກອງພັນ ໂດຍມອບໃຫ້ໝວດ ກໍ່ສ້າງກອງພັນໃຫຍ່ 301 ໄດ້ລົງມືກໍ່ສ້າງເທເບຕົງເສີມເຫຼັກມີຂະໜາດຄວາມກວ້າງ 5x15 ແມັດໄດ້ສຳເລັດ 100% ລວມມູນຄ່າການກໍ່ສ້າງທັງໝົດ 3.000.000 ກີບ ໂດຍແມ່ນທຶນຂອງກົມກອງກຸ່ມຕົນເອງ ພ້ອມນີ້, ຍັງໄດ້ຊີ້ນຳພະແນກການ ເມືອງ ກໍ່ສ້າງສາງມ້ຽນເຄື່ອງ, ອຸປະກອນຮັບໃຊ້ຂະແໜງໂຄສະ ນາແບບຖາວອນ ເຊິ່ງເລີ່ມລົງມືກໍ່ສ້າງແຕ່ຕົ້ນເດືອນກັນຍາ 2024 ມາຮອດປັດຈຸບັນສຳເລັດ 85% ຄວາມກວ້າງ 4x5 ເສົາເບຕົງເສີມເຫຼັກ, ມຸງດ້ວຍສັງກະສີ, ພື້ນ ເທດ້ວຍເບຕົງເສີມເຫຼັກ ແລະ ຝາກໍ່ດ້ວຍດິນບັອກ ໂດຍທຶນ ແລະ ແຮງງານ ຂອງພະແນກ ການການເມືອງ ແລະ ກອງພັນ ໃຫຍ່ 301 ຊ່ວຍເຫຼືອຈຳນວນ ໜຶ່ງ.
ທັງນີ້, ເພື່ອເປັນການປັບປຸງກໍ່ສ້າງກົມກອງໃຫ້ແໜ້ນໜາຖາ ວອນຕາມແບບວັດທະນະທຳ ຈົບ ງາມ ເພື່ອເປັນການຂໍ່ານັບ ຮັບຕ້ອນວັນສຳຄັນຕ່າງໆຂອງ ຊາດ, ຂອງກອງທັບ ເວົ້າສະ ເພາະແມ່ນກອງປະຊຸມໃຫຍ່ຂອງ ອົງຄະນະພັກກອງພົນທີ 3 ໃຫ້ມີ ຂະບວນການຟົດຟ້ືນ ແລະ ກວ້າງ ຂວາງ.
ໂດຍ: ຈອມແສງ ແສງມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
