ວັນອັງຄານ, ວັນທີ 10 ທັນວາ 2024
ທະຫານແຂວງບໍລິຄຳໄຊ ເຜີຍແຜ່ເອກະສານແຜນແມ່ບົດ ວ່າດ້ວຍການສ້າງຄູ່ຮ່ວມຊະຕາກຳ ລາວ-ຈີນ
ເວລາອອກຂ່າວ: 2024-11-01 14:05:10 | ຜູ້ຂຽນ : admin2 | ຈຳນວນຄົນເຂົ້າຊົມ: 3269 | ຄວາມນິຍົມ: 
ໃນວັນທີ 31 ຕຸລາ 2024, ກອງບັນຊາການທະຫານແຂວງບໍລິຄໍາໄຊ ໄດ້ເຜີຍແຜ່ເຊື່ອມຊຶມເອກະສານແຜນແມ່ບົດ ວ່າດ້ວຍການສ້າງຄູ່ຮ່ວມຊະຕາກຳລາວ-ຈີນ ຂຶ້ນ. ໂດຍການເປັນປະທານ ແລະ ເຜີຍແຜ່ເອກະສານຂອງ ສະຫາຍ ພົນຈັດຕະວາ ຈວງຈັນ ລາດຊະວົງ ຫົວໜ້າການເມືອງກອງບັນຊາການທະຫານແຂວງ ບໍລິຄຳໄຊ, ມີຄະນະພັກ-ຄະນະບັນຊາ, ຄະນະຫ້ອງ, ບັນດາພະນັກງານ-ນັກຮົບພາຍໃນອົງການ 05 ຫ້ອງ, ກົມກອງອ້ອມຂ້າງເຂົ້າຮ່ວມ.
ໃນພິທີໄດ້ຮັບຟັງການເຜີຍແຜ່ເອກະສານແຜນແມ່ບົດວ່າດ້ວຍ ການສ້າງຄູ່ຮ່ວມຊະຕາກຳລາວ-ຈີນ ສະບັບ ປີ 2024-2028. ທັງນີ້, ກໍເພື່ອແນໃສ່ເຮັດໃຫ້ພະນັກງານນາຍ ແລະ ພົນທະຫານ ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ກ່ຽວກັບສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອມາດົນນານ ລະຫວ່າງສອງພັກ, ສອງລັດ, ປະຊາຊົນສອງຊາດ ລາວ-ຈີນ ທັງເປັນການສ້າງຄວາມຮັບຮູ້ຢ່າງເລິກເຊິ່ງ, ຖືກຕ້ອງ, ກ່ຽວກັບການສ້າງຄູ່ຮ່ວມຊະຕາກຳລາວ-ຈີນ ແລະ ກຳແໜ້ນເນື້ອໃນຈິດໃຈຂອງການສ້າງຄູ່ຮ່ວມຊະຕາກຳລາວ-ຈີນ ເພື່ອຜັນຂະຫຍາຍເນື້ອໃນດັ່ງກ່າວໃຫ້ປະກົດຜົນເປັນຈິງໃນອະນາຄົດຕໍ່ໜ້າ ແລະ ຍາວນານ.
ໂດຍ: ນາງ ນ້ອຍ ບານທະວົງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
