ວັນອັງຄານ, ວັນທີ 03 ທັນວາ 2024
ຫ້ອງພະລາທິການ ທະຫານແຂວງບໍ່ແກ້ວ ຈັດພິທີຮັບສະມາຊິກພັກ ແລະ ມອບບັດສະມາຊິກພັກສົມບູນ
ເວລາອອກຂ່າວ: 2024-11-04 09:04:57 | ຜູ້ຂຽນ : admin1 | ຈຳນວນຄົນເຂົ້າຊົມ: 343 | ຄວາມນິຍົມ: 
ໃນວັນທີ 30 ຕຸລາ 2024, ຄະນະພັກຮາກຖານ ຫ້ອງພະລາທິການ ກອງບັນຊາການທະຫານແຂວງບໍ່ແກ້ວ ໄດ້ຈັດພິທີຮັບສະມາຊິກພັກສະໄໝສຳຮອງ ແລະ ສົມບູນ ແລະ ມອບບັດສະມາຊິກພັກສົມບູນ, ໂດຍການເປັນປະທານຂອງ ສະຫາຍ ພັນໂທ ສູນທອນ ເຈຕິໂລ ຮອງເລຂາຄະນະພັກຮາກຖານ, ຮອງຫົວໜ້າຫ້ອງພະລາທິການ ກອງບັນຊາການທະຫານແຂວງບໍ່ແກ້ວ ແລະ ສະຫາຍ ພັນໂທ ສຸດຖາວອນ ຄຸດສຸລິນ ກຳມະການຄະນະພັກຮາກຖານ ຮອງຫົວ ໜ້າ ຫ້ອງພະລາທິການກອງບັນຊາການທະຫານແຂວງບໍ່ແກ້ວ, ມີບັນດາຄະນະພັກຮາກຖານ, ຄະນະໜ່ວຍພັກ ຕະຫຼອດຮອດພະນັກງານສະມາຊິກພັກສຳ ຮອງ ແລະ ສົມບູນ ເຂົ້າຮ່ວມ.
ສະຫາຍ ພັນໂທ ເຄນ ກົມແພງ ມີກຳມະການຄະນະພັກຮາກຖານ
ຫົວໜ້າພະແນກອຸປະໂພກ ກອງບັນຊາການທະຫານແຂວງບໍ່ ແກ້ວ ໄດ້ຜ່ານຂໍ້ຕົກລົງ ຂອງຄະ ນະປະຈຳພັກກອງບັນຊາການທະຫານແຂວງບໍ່ແກ້ວ ຕົກລົງອະນຸມັດຮັບເອົາມະຫາຊົນຜູ້ກ້າວໜ້າເຂົ້າເປັນສະພັກສະໄໝສຳຮອງ ຈຳນວນ 3 ສະຫາຍ, ສະມາຊິກພັກສົມບູນ 5 ສະຫາຍ ແລະ ມອບບັດສະມາຊິກພັກ ສົມບູນ 5 ສະຫາຍ, ຍິງ 1 ສະຫາຍ.
ສະຫາຍ ພັນໂທ ສູນທອນ ເຈຕິໂລ ໄດ້ສະແດງຄວາມຍ້ອງ ຍໍຊົມເຊີຍຕໍ່ຜົນງານທີ່ພະນັກງານສະມາຊິກພັກ ສ້າງໄດ້ຕະຫຼອດໄລຍະຜ່ານມາ, ພ້ອມທັງຮຽກ ຮ້ອງໃຫ້ສະມາຊິກພັກສຳຮອງ ແລະ ສົມບູນ ຈົ່ງພ້ອມກັນເຝິກ ຝົນຫຼໍ່ຫຼອມຕົນເອງ, ເປັນແບບ ຢ່າງໃຫ້ແກ່ມະຫາຊົນຍົກສູງ ນໍ້າໃຈຮັບຜິດຊອບຕໍ່ໜ້າທີ່ການ ເມືອງທີ່ໄດ້ຮັບການມອບໝາຍ, ມີຄວາມສາມັກຄີພາຍໃນໃຫ້ໜັກແໜ້ນ, ປະຕິບັດຂໍ້ກຳນົດກົດລະບຽບຂອງພັກປະຊາຊົນປະຕິວັດລາວ, ຂອງກອງທັບ, ຂອງກົມກອງ ໃຫ້ເຂັ້ມງວດ, ຕັ້ງໜ້າອອກແຮງປັບປຸງກໍ່ສ້າງພັກໃຫ້ປອດໃສ ເຂັ້ມແຂງ ໜັກແໜ້ນ, ເຂົ້າຮ່ວມການດຳເນີນຊີວິດ ແລະ ເສຍເງິນບຳລຸງພັກຢ່າງເປັນປົກກະຕິໂດຍປະຕິບັດຕາມອຸດົມການ ຂອງພັກປະຊາຊົນປະຕິວັດລາວວາງອອກຢ່າງເຂັ້ມງວດ.
ໂດຍ: ວໍລະສິດ ພິດສະຫາຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
