ວັນເສົາ, ວັນທີ 07 ທັນວາ 2024
ກອງພັນໃຫຍ່ 642 ມອບເງິນນະໂຍບາຍອຸດໜູນ
ເວລາອອກຂ່າວ: 2024-11-04 09:08:38 | ຜູ້ຂຽນ : admin1 | ຈຳນວນຄົນເຂົ້າຊົມ: 431 | ຄວາມນິຍົມ: 
ໃນວັນທີ 31 ຕຸລາ 2024, ກອງພັນໃຫຍ່ 642 ໄດ້ມອບເງິນນະໂຍບາຍອຸດໜູນໃຫ້ນາຍທະຫານອອກການ ຮັບເງິນອຸດໜູນເທື່ອດຽວ, ໂດຍການເປັນປະທານຂອງ ສະຫາຍ ພັນໂທ ຄຳປິ່ງ ຄູນສົມເຮືອງ ຮອງຫົວໜ້າພະແນກການເມືອງ ກອງພັນໃຫຍ່ 642, ມີຄະນະພັກ-ຄະນະບັນຊາ ກົມກອງ, ພະແນກ ການ, ຂະແໜງການທີ່ກ່ຽວຂ້ອງ ແລະ ຜູ້ທີ່ໄດ້ຮັບເງິນນະໂຍບາຍອຸດໜູນເຂົ້າຮ່ວມ.
ສະຫາຍ ຮ້ອຍເອກ ມີຊູ ສຸວິແກ້ວ ຊ່ວຍວຽກຂະແໜງພະນັກງານ
ກອງພັນໃຫຍ່ 642 ໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການອະນຸມັດໃຫ້ນາຍທະຫານ ອອກການຮັບເງິນນະໂຍບາຍອຸດໜູນເທື່ອດຽວ ຢູ່ກອງພັນໃຫຍ່ 642 ຈຳນວນ 3 ສະຫາຍ ມີ ສະຫາຍ ຮ້ອຍໂທ ບຸນສູງ ພົມແພງດີ, ສະຫາຍ ຮ້ອຍໂທ ມານະສຸກ ສີຫາແສງມະນີ ແລະ ສະຫາຍ ຮ້ອຍຕີ ຄຳພູວອນ ສິດທິນໍລາດ ລວມເປັນເງິນທັງໝົດ 145.595.000 ກີບ.
ສະຫາຍ ພັນໂທ ຄຳປິ່ງ ຄູນສົມເຮືອງ ໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນງານ, ຄຸນ ງາມຄວາມດີ ຂອງບັນດາສະຫາຍທີ່ໄດ້ຮັບການປະຕິບັດນະໂຍບາຍ ທີ່ໄດ້ທຸ່ມເທເຫື່ອແຮງ, ສະຕິປັນຍາ, ຄວາມຮູ້ ຄວາມສາມາດຂອງ
ຕົນປະກອບສ່ວນເຂົ້າໃນພາລະ ກິດປົກຮັກສາ ແລະ ສ້າງສາພັດ ທະນາປະເທດຊາດໃນໄລຍະຜ່ານມາ ເວົ້າສະເພາະແມ່ນການປະກອບສ່ວນເຂົ້າໃນວຽກງານປ້ອງກັນຄວາມສະຫງົບຢູ່ພາຍໃນຂອບເຂດກົມກອງຮັບຜິດຊອບ, ຮ່ວມສ້າງ ແລະ ປັບປຸງກົມກອງ ໃຫ້ມີການພັດທະນາ ເປັນກ້າວໆມາ. ພ້ອມທັງ ໄດ້ຮຽກຮ້ອງໃຫ້ ແຕ່ລະສະຫາຍ ຕ້ອງເປັນຫຼັກແຫຼ່ງແກ່ນສານ, ເປັນແບບຢ່າງໃຫ້ແກ່ມະຫາຊົນ, ສືບຕໍ່ປະກອບສ່ວນເຄື່ອນໄຫວນຳອຳນາດການປົກ ຄອງທ້ອງຖິ່ນ, ສຶກສາອົບຮົມລູກຫຼານ ແລະ ປະຊາຊົນໃຫ້ປະຕິບັດກົດໝາຍບ້ານເມືອງ ແລະ ໝູນໃຊ້ເງິນຈຳນວນດັ່ງກ່າວ ເຂົ້າໃນການແກ້ໄຂຊີວິດການເປັນຢູ່ຂອງຄອບຄົວໃຫ້ເກີດປະໂຫຍດສູງສຸດ.
ໂດຍ: ແຟນຕ່າ ໄຊຍະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
