ວັນອັງຄານ, ວັນທີ 03 ທັນວາ 2024
ກອງພັນໃຫຍ່ 497 ປິດຊຸດອົບຮົມ-ຫັດແອບ ໃຫ້ພະນັກງານຂັ້ນບັນຊາ ປະຈຳປີ 2024
ເວລາອອກຂ່າວ: 2024-11-04 09:09:43 | ຜູ້ຂຽນ : admin1 | ຈຳນວນຄົນເຂົ້າຊົມ: 342 | ຄວາມນິຍົມ: 
ວັນທີ 30 ຕຸລາ 2024, ກອງພັນໃຫຍ່ 497 ໄດ້ປິດຊຸດອົບຮົມ-ຫັດແອບໄລຍະສັ້ນໃຫ້ພະນັກ ງານ ຂັ້ນບັນຊາ ປະຈຳປີ 2024, ໂດຍການເປັນປະທານຂອງ ສະ ຫາຍ ພັນເອກ ຄຳສຸກ ໄຊມວນສິນ ຫົວໜ້າການທະຫານ ກອງພັນໃຫຍ່ 497, ມີຄະນະພັກ-ຄະນະບັນຊາ ພະແນກການ, ກົມກອງ, ພະນັກງານ ຄູ-ອາຈານ ຕະຫຼອດຮອດນັກເຝິກອົບຮົມເຂົ້າຮ່ວມ.
ສະຫາຍ ພັນຕີ ຄຳມິກ ກິທະນອມ ຊ່ວຍວຽກຂະແໜງອົບຮົມ ໄດ້ຜ່ານບົດສະຫຼຸບຕີລາ ຄາຜົນໄດ້ຮັບ ຂອງການອົບຮົມ-ຫັດແອບ. ຜ່ານການດຳເນີນການອົບຮົມ-ຫັດແອບ ມາເປັນເວລາ 28 ວັນ, ມີນັກເຝິກອົບຮົມເຂົ້່າຮ່ວມທັງໝົດ 60 ສະຫາຍ ຕີລາຄາຜົນໄດ້ຮັບ ພາກວິຊາລວມໄດ້ຂັ້ນເກັ່ງ 55 ສະຫາຍ ເທົ່າກັບ 88,3%; ຂັ້ນກາງ 5 ສະຫາຍ ເທົ່າກັບ 11,7%; ພາກຍຸດທະສິນ ຂັ້ນເກັ່ງ 52 ສະຫາຍ ເທົ່າກັບ 86,6%; ຂັ້ນກາງ 8 ສະຫາຍ ເທົ່າກັບ 13,4% ແລະ ພາກຍຸດທະວິທີ ຂັ້ນເກັ່ງ 50 ສະຫາຍເທົ່າກັບ 83,3%; ຂັ້ນກາງ 10 ສະ ຫາຍ ເທົ່າກັບ 16,7%. ຕະຫຼອດ ໄລຍະຂອງການອົບຮົມ-ຫັດແອບ ເຫັນວ່າແຕ່ລະສະຫາຍໄດ້ມີຄວາມເປັນເຈົ້າການ ແລະ ມີຄວາມຮັບຜິດຊອບສູງ, ອົດທົນຜ່ານຜ່າຂໍ້ຫຍຸ້ງຍາກຕ່າງໆ ໄປໄດ້ດ້ວຍດີ ແລະ ພ້ອມກັນຮ່ຳຮຽນເອົາບົດຮຽນ ທັງພາກທິດສະດີ-ຫຼັກການ ແລະ ພາກປະຕິບັດຕົວຈິງ ໃຫ້ມີຄວາມຊຳນິຊຳນານ, ຄ່ອງແຄ່ວ ທາງດ້ານສິລະປະຍຸດ-ຍຸດທະວິທີ ສາມາດຮັບປະກັນໃຫ້ແກ່ການເຄື່ອນໄຫວກຽມພ້ອມສູ້ຮົບ ແລະ ສູ້ຮົບໃນທຸກເງື່ອນໄຂ ຕາມການມອບໝາຍຂອງຂັ້ນເທິງ.
ໂດຍ: ເປິ້ນ ແສງຄຳມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
