ວັນສຸກ, ວັນທີ 06 ທັນວາ 2024
ກອງພັນໃຫຍ່ 497 ສຳເລັດການເຜີຍແຜ່ເຊື່ອມຊຶມ ມະຕິຂອງກົມການເມືອງສູນກາງພັກ
ເວລາອອກຂ່າວ: 2024-11-04 09:14:19 | ຜູ້ຂຽນ : admin1 | ຈຳນວນຄົນເຂົ້າຊົມ: 327 | ຄວາມນິຍົມ: 
ວັນທີ 31 ຕຸລາ 2024 ນີ້, ກອງພັນໃຫຍ່ 497 ໄດ້ຈັດຕັ້ງເຜີຍແຜ່ເຊື່ອມຊຶມ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 8 ສະໄໝທີ XI ແລະ ມະຕິ ເລກທີ 04/ກມສພ ວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງ ໃນໄລຍະໃໝ່, ໂດຍການເປັນປະທານ ຂອງສະຫາຍ ພັນໂທ ອຳທອງ ພາຍຸຝົນ ກໍາມະການຄະນະພັກກອງພັນໃຫຍ,່ ຫົວໜ້າພະແນກພະລາທິການ ກອງພັນໃຫຍ່ 497, ມີພະນັກງານ-ນັກຮົບ ທົ່ວກອງພັນ 423 ແລະ ກອງຮ້ອຍກຳລັງໄຟເຂົ້າຮ່ວມ.
ສະຫາຍ ພັນໂທ ທອງໄມ ຄຸນນະກອງ ເລຂາຄະນະພັກຮາກຖານ, ຫົວໜ້າການເມືອງ ກອງພັນ 423 ໄດ້ເຜີຍແຜ່ມະຕິ ກອງປະ ຊຸມຄົບຄະນະບໍລິຫານງານສູນກາງພັກ ຄັ້ງທີ 8 ສະໄໝທີ XI ເນື້ອໃນກອງປະຊຸມປະກອບມີ: ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານເງິນຕາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ການປະຕິຮູບລັດວິສາຫະກິດ, ຕີລາຄາກ່ຽວກັບການຍົກສູງຄຸນນະພາບດ້ານການດຳເນີນຄະດີຕາມຂະບວນການຍຸຕິທຳ, ກ່ຽວກັບການປັບປຸງຄຸນນະພາບການສຶກສາ ແລະ ການແກ້ໄຂບັນຫາການປະລະການຮຽນ, ການຂາດແຄນຄູສອນ, ການກະກຽມເອກະສານຕົ້ນຕໍ ຂອງກອງປະຊຸມໃຫຍ່ ຄັ້ງທີ XII ຂອງ
ພັກ. ຈາກນັ້ນ, ໄດ້ເຜີຍແຜ່ ມະຕິ ເລກທີ 04/ກມສພ ອີງຕາມແນວ ທາງປ່ຽນແປງໃໝ່ຂອງພັກ, ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ແລະ ບັນດາມະຕິ ຂອງຄະນະບໍລິຫານງານສູນກາງພັກ ໃນໄລຍະຜ່ານ
ມາ, ເພື່ອຜັນຂະຫຍາຍທິດທາງ ການສືບຕໍ່ສ້າງເສດຖະກິດຕະ ຫຼາດຕາມທິດສັງຄົມນິຍົມ ແລະ ມະຕິ ວ່າດ້ວຍການສ້າງເສດຖະ ກິດເອກະລາດເປັນເຈົ້າຕົນເອງໃນໄລຍະໃໝ່ ການສ້າງເສດຖະ ກິດເອກະລາດ ເປັນເຈົ້າຕົນເອງ ຕ້ອງເລີ່ມຈາກຕ່ຳຫາສູງ, ນ້ອຍຫາໃຫຍ່ ບົນພື້ນຖານການບຸກບືນສູ້ຊົນສູງສຸດ ແລະ ຕ້ອງໃຊ້ເວລາເໝາະສົມດ້ວຍຈິດໃຈເຄັ່ງຮ້ອນ, ມີບາດກ້າວເດີນຈະແຈ້ງ ນອກນັ້ນ, ຍັງຕ້ອງມີພື້ນການການຜະ ລິດ, ການບໍລິການ, ສ້າງໃຫ້ມີ ຜະລິດຕະພັນທີ່ຫຼາກຫຼາຍ, ພັດ ທະນາລະບົບການເງິນ-ເງິນຕາໃຫ້ເຂັ້ມແຂງ.
ໂດຍ: ເປິ້ນ ແສງຄຳມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
