ວັນເສົາ, ວັນທີ 07 ທັນວາ 2024
ຫ້ອງການເມືອງ ທະຫານແຂວງຫຼວງພະບາງ ຈັດຕັ້ງການຍິງເປົ້າໝາຍດ້ວຍລູກປືນແທ້ ປະຈຳປີ 2024
ເວລາອອກຂ່າວ: 2024-11-04 09:15:34 | ຜູ້ຂຽນ : admin1 | ຈຳນວນຄົນເຂົ້າຊົມ: 367 | ຄວາມນິຍົມ: 
ວັນທີ 24 ຕຸລາ 2024 ນິ້, ຫ້ອງການເມືອງ ກອງບັນຊາການທະຫານແຂວງຫຼວງພະບາງ ໄດ້ຈັດຕັ້ງຍິງເປົ້າໝາຍດ້ວຍລູກປືນແທ້ ຢູ່ທີ່ສະໜາມຫັດແອບໂຮງ ຮຽນການທະຫານທ້ອງຖິ່ນ, ໂດຍການເປັນປະທານ ຂອງ ສະຫາຍ ພັນໂທ ສົມໃຈ ສີສະຫວັດ ຮອງຫົວໜ້າຫ້ອງການເມືອງ, ມີຄະ ນະພັກ-ຄະນະບັນຊາພ້ອມດ້ວຍ ພະນັກງານ-ນັກຮົບ ເຂົ້າຮ່ວມ.
ການຍິງເປົ້າໝາຍດ້ວຍລູກປືນແທ້ຄັ້ງນີ້ ແນໃສ່ເຮັດໃຫ້ພະ ນັກງານ-ນັກຮົບກຳໄດ້ຈັງຫວະ, ບາດກ້າວການເລັງປືນ, ການຍິງ ປືນ ຖືກຕາມສິລະປະຍຸດ-ຍຸດທະ ວິທີຂັ້ນພື້ນຖານຂອງທະຫານຮາບ ໄລຍະໃນການຍິງປືນ 100 ແມັດ, ປະກອບມີ 3 ທ່າຍິງຄື: ທ່າ ນອນຍິງ, ທ່ານັງຍິງ ແລະ ທ່າ ຢືນຍິງ. ຜ່ານການຈັດຕັ້ງປະຕິ ບັດບັນລຸໄດ້ຄະແນນຂັ້ນເກັ່ງ 37-45 ຄະແນນ, ກາງ 29-36 ຄະ ແນນ ແລະ ຄາດໝາຍ 20-28 ຄະແນນ, ນັກຍິງຂັ້ນດີກວມເອົາ 24,09%, ຄາດໝາຍ 75,9%.
ສະຫາຍ ພັນໂທ ສົມໃຈ ສີສະຫວັດ ໄດ້ຍ້ອງຍໍຊົມເຊີຍພະ ນັກງານ ຄູ-ອາຈານ ຕະຫຼອດຮອດພະນັກງານ-ນັກຮົບ ທີ່ກຳໄດ້ທິດ ສະດີ, ຫຼັກການ, ບັນດາທ່າຈັງ ຫວະ ເຮັດໃຫ້ການຍິງເປົ້າໝາຍ ດ້ວຍລູກປືນແທ້ຄັ້ງນິ້ ໄດ້ຮັບໝາກ ຜົນສູງ ແລະ ຮັບປະກັນຄວາມສະຫງົບປອດໄພ100%. ພ້ອມ ນັ້ນ, ຍັງໄດ້ຮຽກຮ້ອງໃຫ້ ຍົກສູງສະຕິຕໍ່ກົນອຸບາຍຫັນປ່ຽນໂດຍສັນຕິຂອງກຳລັງ ອິດທິປໍລະປັກທຸກຮູບແບບ, ນຳເອົາເນື້ອໃນຈິດໃຈການເຝິກອົບຮົມໄປຈັດຕັ້ງຜັນຂະຫຍາຍເຂົ້າສູ່ລວງເລິກໃນໜ້າທີ່ການເມືອງ ແລະ ວິຊາສະເພາະໃຫ້ໄດ້ຮັບຜົນດີ ແລະ ສືບຕໍ່ສ້າງຜົນງານຂ່ຳນັບຮັບຕ້ອນກອງປະຊຸມໃຫຍ່ 3 ຂັ້ນຂອງ ພັກ ເວົ້າສະເພາະແມ່ນກອງປະ ຊຸມໃຫຍ່ຂອງອົງຄະນະພັກກອງບັນຊາການທະຫານແຂວງຫຼວງພະບາງໃຫ້ມີບັນຍາກາດຟົດຟື້ນກວ້າງຂວາງ.
ໂດຍ: ສົມພອນ ສຸວັນທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
