POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ສົມແລ້ວທີ່ເປັນບຸກຄົນດີເດັ່ນ ຂອງກົມໃຫຍ່ເຕັກນິກກອງທັບ
ເວລາອອກຂ່າວ: 2024-11-04 09:16:37 | ຜູ້ຂຽນ : admin1 | ຈຳນວນຄົນເຂົ້າຊົມ: 507 | ຄວາມນິຍົມ:

ເມື່ອເວົ້າເຖິງພະນັກງານ-ນັກຮົບ ຜູ້ທີ່ມີຄວາມດຸໝັ່ນຂະຫຍັນພຽນຢູ່ໃນກົມໃຫຍ່ເຕັກນິກກອງທັບ ໃນນັ້ນ, ຕ້ອງມີຊື່ ສະຫາຍ ຮ້ອຍເອກ ຄຳສຸກ ວິໄລວົງ ທີ່ສັງ ກັດຢູ່ໂຮງງານປະສານເຫຼົ່າພາກກາງ. ສະຫາຍ ຮ້ອຍເອກ ຄຳສຸກ ວິໄລວົງ ເກີດວັນທີ 1 ພຶດສະພາ 1987 ທີ່ບ້ານຄັງສີ ເມືອງແປກ ແຂວງຊຽງຂວາງ ເຊິ່ງເປັນລູກ ຂອງ ທ້າວ ຄຳສາວ ວິໄລວົງ ແລະ ນາງ ຄຳຟອງ ວິໄລວົງ. ຍ້ອນ ຄວາມມັກຮັກ ແລະ ຢາກປະກອບ ສ່ວນເຂົ້າຮັບໃຊ້ຊາດເປັນທະ ຫານອາຊີບ ເດີນຕາມພໍ່ຜູ້ທີ່ເປັນ ຕົ້ນແບບໃນການໃຊ້ຊີວິດ, ພາຍ ຫຼັງທີ່ຮຽນຈົບຊັ້ນ ມ.6 ຈິ່ງໄດ້ສະໝັກເຂົ້າເປັນທະຫານອາຊີບ ໃນວັນທີ 1 ຕຸລາ 2005 ສັງກັດຢູ່ ສາງ ອ 5 ກົມໃຫຍ່ເຕັກນິກກອງທັບ, ໃນປີ 2007-2008 ການຈັດຕັ້ງໄດ້ສົ່ງຜູ້ກ່ຽວໄປຮຽນຢູ່ໂຮງຮຽນການທະຫານທ້ອງຖິ່ນແຂວງຊຽງຂວາງ. ປີ 2013-2016 ໄດ້ໄປສຶກສາຢູ່ສະ ຖາບັນວິຈິດສິນແຫ່ງຊາດ ສາຂາວິຊາຈິດຕະກຳ ແລະ ນິເທດສິນ ພາຍຫຼັງທີ່ຮຽນຈົບໄດ້ຍົກຍ້າຍຈາກ ສາງ ອ 5 ມາປະຈຳການຢູ່ ພະແນກໂຄສະນາອົບຮົມ ຫ້ອງການເມືອງ ກົມໃຫຍ່ເຕັກນິກກອງ ທັບ, ສະຫາຍ ຮ້ອຍເອກ ຄຳສຸກ ວິໄລວົງ ໄດ້ເຂົ້າເປັນສະມາຊິກຊາວໜຸ່ມປະຊາຊົນປະຕິວັດລາວ ໃນວັນທີ 11 ມັງກອນ 2004, ເຂົ້າເປັນສະມາຊິກກຳມະບານ ວັນທີ 19 ມິຖຸນາ 2023, ເຂົ້າເປັນສະມາຊິກພັກສຳຮອງ ວັນທີ10 ເມສາ2020, ເລື່ອນຈາກສະມາ ຊິກພັກສຳຮອງຂຶ້ນເປັນສະມາ ຊິກພັກສົມບູນ ໃນວັນທີ 8 ພຶດສະ ພາ 2021 ແລະ ປີ 2018 ໄດ້ສ້າງຄອບຄົວ ກັບ ນາງ ນິຊານັນ ແສງສຸລິນ ຢູ່ບ້ານອຸດົມມີໄຊ ເມືອງອຸທຸມພອນ ແຂວງສະ ຫວັນນະເຂດ ປັດຈຸບັນມີລູກນຳກັນ 2 ຄົນ. ອີງໃສ່ຄວາມຫຍຸ້ງຍາກ ແລະ ຄວາມຈຳເປັນສະພາບເງື່ອນໄຂຂອງຄອບຄົວຫາງໄກ, ຕົກມາໃນປີ 2022 ຈຶ່ງໄດ້ຂໍຍົກຍ້າຍຈາກ ພະແນກໂຄສະນາອົບຮົມ ຫ້ອງການເມືອງ ກົມໃຫຍ່ເຕັກ ນິກກອງທັບ ມາປະຈຳການຢູ່ ໂຮງງານປະສານເຫຼົ່າກາງ ໜ້າ ທີ່ຮັບຜິດຊອບຊ່ວຍວຽກພະແນກ ການເມືອງ, ຜູ້ກ່ຽວໄດ້ມີຄວາມກະຕືລືລົ້ນ ແລະ ເອົາໃຈໃສ່ຕັ້ງໜ້າເຝິກຝົນຫຼໍ່ຫຼອມຕົນເອງ ບໍ່ວ່າຈະເປັນທາງດ້ານຄຸນສົມບັດ-ສິນທຳປະຕິວັດການກິນຢູ່, ການປາກ ເວົ້າ ແລະ ການໄປມາ ເຊິ່ງເປັນຄົນທີ່ເວົ້າຈາສຸພາບອ່ອນໂຍນ ແລະ ມີທັດສະນະມະຫາຊົນດີ ລວມເຖິງການປະຕິບັດມະຕິ, ຄຳສັ່ງຂອງຂັ້ນເທິງ, ຂໍ້ກຳນົດ, ກົດລະບຽບຂອງກອງທັບ ກໍຄືຂອງກົມກອງໂດຍສະເພາະແມ່ນການປະຕິບັດ 7 ລະບອບ 18 ວຽກໃນມື້ໜຶ່ງຂອງກອງທັບຢ່າງເຂັ້ມງວດ ນອກຈາກນັ້ນ, ສະຫາຍ ຍັງໄດ້ປະກອບສວ່ນສຳຄັນໃນການເຂົ້າຮ່ວມຂະບວນການດ້ານຕ່າງໆ ຂອງຂັ້ນເທິງ ກໍຄືກົມກອງ ຈັດຂຶ້ນດ້ວຍຄວາມຫ້າວຫັນ ເປັນ ຕົ້ນແມ່ນຂະບວນການເຝິກແອບຮ່ຳຮຽນ, ຂະບວນການແຂ່ງຂັນກິລາ, ສິລະປະ-ວັນນະຄະດີ ແລະ ຂະບວນການອື່ນໆ ຍ້ອນຜູ້ກ່ຽວມີແນວຄິດອຸ່ນອຽນທຸ່ນທ່ຽງ, ເຊື່ອໝັ້ນຕໍ່ການນຳພາຂອງພັກ-ລັດ ແລະ ມີຄວາມສາມັກຄີຮັກ ແພງກັບໝູ່ເພື່ອນພາຍໃນ ແລະ ພາຍນອກຢ່າງແໜ້ນແຟ້ນ ບໍ່ເຄີຍຕິວຽກໜັກມັກວຽກເບົາ, ແຕ່ກົງ ກັນຂ້າມຍິ່ງເຮັດວຽກຫຼາຍເທົ່າ ໃດກໍຍິ່ງເຮັດໃຫ້ມີປະສົບການ ແລະ ມີຄວາມຊຳນິຊຳນານ ດັ່ງນັ້ນ, ຈິ່ງໄດ້ ຮັບຍ້ອງຍໍຊົມເຊີຍຈາກໝູ່ເພື່ອນ ສະຫາຍ ແລະ ການຈັດຕັ້ງຕະ ຫຼອດມາ ບວກກັບຜູ້ກ່ຽວມີຄວາມ ດຸໝັ່ນຂະຫຍັນພຽນໃນການອອກແຮງງານເພີ່ມພູນຜະລິດ ຜົນປູກຝັງ-ລ້ຽງສັດ, ປະຍັດມັດ ທະຍັດ, ບົນຈິດໃຈ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເຊິ່ງໄດ້ໃຊ້ເວລາຫວ່າງໃຫ້ເປັນປະໂຫຍດເພື່ອຊອກຫາແຫຼ່ງລາຍຮັບ ແລະ ແກ້ໄຂຊີວິດການເປັນຢູ່ໃຫ້ແກ່ຄອບຄົວ ໂດຍບໍ່ຄອງຄ່ອຍຖ້າແຕ່ເງິນເດືອນທີ່ຂັ້ນເທິງຕອບສະ ໜອງໃຫ້ຢ່າງດຽວ. ໃນໄລຍະ 5 ປີຜ່ານມາ, ໄດ້ປູກພືດຜັກທັງແບບປູກໃສ່ດິນ ແລະ ປູກແບບໄຮໂດໂປນິກ ( ປູກໃສ່ນ້ຳ) ສາມາດປູກໄດ້ຕະຫຼອດປີ ທັງລະດູແລ້ງ ແລະ ລະດູຝົນ ໃນນັ້ນ, ໄດ້ປູກຜັກ ສະລັດ ເກັບກູ້ໄດ້ 200 ກິໂລກຣາມ, ຜັກເຄວ 3.000 ຕົ້ນ, ຜັກຫອມປ້ອມ 150 ກິໂລກຣາມ ແລະ ຜັກຫອມຈຳນວນໜຶ່ງຕື່ມອີກ, ລ້ຽງແບ້ 20 ກວ່າໂຕ, ລ້ຽງເປັດ-ໄກ່ 400 ກວ່າໂຕ, ມີໜອງປາ 4 ໜອງ ປ່ອຍປານິນ 15.000 ກວ່າໂຕ, ປາປາກ 4.000 ໂຕ, ປາກິນຫຍ້າ 1500 ໂຕ, ປາຂາວມັນ 1.000 ກວ່າໂຕ, ປາເກັດແລບ 1.500 ກວ່າໂຕ, ປາເຂັງພັນ 1.000 ກວ່າໂຕ, ປາດຸກພັນ 1500 ກວ່າໂຕ, ລ້ຽງຫອຍເຊີລີ່ສີທອງ ນອກນັ້ນ, ຍັງໄດ້ຜະລິດເຕົາເຜົາຖ່ານ, ເຕົາເຫຼັກດັງຖ່ານ-ດັງຟືນ, ເຮັດໂຖປູກຜັກ, ໂຖປູກດອກໄມ້ ແລະ ອູ່ ເດັກນ້ອຍ ແລະ ບໍລິການໃສ່ຂອບ ຮູບ, ພິມເສື້ອ, ຕິດຕັ້ງປະຕູມ້ວນ, ປະຕູຮົ້ວໜ້າເຮືອນ ສະຫຼຸບລວມແລ້ວ ສາມາດສ້າງລາຍຮັບຈາກການປູກຝັງ-ລ້ຽງສັດ ແລະ ການບໍລິການອື່ນໆ ລວມເປັນເງິນ 300 ລ້ານກວ່າກີບ ໂດຍທຶນຮອນດັ່ງກ່າວຜູ້ກ່ຽວ ແລະ ຄອບຄົວ ໄດ້ຊື້ດິນເພີ່ມອີກ 1 ຕອນ ຂະໜາດ 30x80 ແມັດ ແລະ ຈົກໜອງປາເພີ່ມອີກ 1 ໜອງ, ປັບປຸງເນື້ອທີ່ສວນ, ຊື້ເຄື່ອງມືຂະຫຍາຍການຜະລິດ ສ່ວນໜຶ່ງເກັບໄວ້ເປັນທຶນ ການສຶກສາໃຫ້ລູກ. ຈາກຜົນງານທີ່ສ້າງມານັ້ນ ໄດ້ຮັບການຍ້ອງຍໍປະເພດຕ່າງໆເຊັ່ນ: ຫຼຽນໄຊພິ ລະອາດຫານ ຊັ້ນ III ຈຳນວນ 1 ໜ່ວຍ, ຫຼຽນໄຊແຮງງານ ຊັ້ນ III ຈຳນວນ 1 ໜ່ວຍ, ຫຼຽນກາແຮງງານ 1 ໜ່ວຍ, ໃບຍ້ອງຍໍລັດຖະບານ 2 ໃບ, ໃບຍ້ອງຍໍກະຊວງປ້ອງກັນປະເທດ 2 ໃບ, ໃບຍ້ອງ ຍໍກົມໃຫຍ່ເຕັກນິກກອງທັບ 2 ໃບ, ໃບຍ້ອງຍໍຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ 3 ໃບ, ໃບຍ້ອງຍໍເຈົ້າແຂວງ ແຂວງຊຽງຂວາງ 1 ໃບ, ໃບຍ້ອງ ຍໍກອງບັນຊາການທະຫານ ແຂວງຊຽງຂວາງ 1 ໃບ. ໂດຍ: ຄຳສອນ ພົມໄຊຍາ

news to day and hot news