ວັນສຸກ, ວັນທີ 06 ທັນວາ 2024
ອົງການກາແດງແຫ່ງຊາດລາວ ມອບເງິນຊ່ວຍເຫຼືອ ຜູ້ປະສົບໄພນ້ຳຖ້ວມ ຢູ່ເມືອງຫົງສາ
ເວລາອອກຂ່າວ: 2024-11-04 09:39:20 | ຜູ້ຂຽນ : admin3 | ຈຳນວນຄົນເຂົ້າຊົມ: 134 | ຄວາມນິຍົມ: 
ແຫຼ່ງຂ່າວຈາກ ເມືອງຫົງສາ ແຂວງໄຊຍະບູລີ ໃຫ້ຮູ້ວ່າ: ວັນທີ 30 ຕຸລາ 2024, ອົງການກາແດງແຫ່ງຊາດລາວ ໄດ້ແຈກຢາຍເງິນແບບບໍ່ມີເງື່ອນໄຂ ໃຫ້ແກ່ຜູ້ປະສົບໄພນ້ຳຖ້ວມ ຢູ່ເມືອງຫົງສາ ໂດຍມີ ທ່ານ ຄຳລາວັນ ຈັນທະລາວັນ ປະ
ທານອົງການກາແດງແຫ່ງຊາດລາວ, ທ່ານ ເພັດພິໄຊ ສູນວິໄລ ຮອງເຈົ້າແຂວງ ແຂວງໄຊຍະບູລີ, ປະທານອົງການກາແດງແຂວງ, ທ່ານ ນາງ ເບນິຕ້າ ພູເດວ
ຫົວໜ້າກາແດງສະວິດ ປະຈຳສປປ ລາວ, ມີພາກສ່ວນທີ່ກ່ຽວຂ້ອງຂອງເມືອງ, ອົງການປົກຄອງບ້ານ ແລະ ປະຊາຊົນຜູ້ທີ່ຖືກຜົນກະທົບ ເຂົ້າຮ່ວມ.
ການຊ່ວຍເຫລືອຜູ້ປະສົບໄພນ້ຳຖ້ວມ ຢູ່ເມືອງຫົງສາຄັ້ງນີ້, ເປັນການຊ່ວຍເຫຼືອໃນຮູບແບບແຈກຢາຍເງິນສົດໂດຍບໍ່ມີເງື່ອນໄຂ ເປັນວິທີການຊ່ວຍເຫຼືອໜຶ່ງທີ່ມີປະສິດທິພາບ ແລະ ຖືກຕ້ອງຕາມຄວາມຕ້ອງການຂອງປະຊາຊົນທີ່ຖືກຜົນກະທົບ ເຊິ່ງປະຊາຊົນສາມາດນຳເອົາເງິນດັ່ງກ່າວໄປແກ້ໄຂຊີວິດການເປັນຢູ່ ພາຍຫຼັງຖືກຜົນກະທົບຈາກໄພນ້ຳຖ້ວມ ຢ່າງຖືກຕ້ອງສອດຄ່ອງ. ສະເພາະເມືອງຫົງສາ ມີ
ບ້ານທີ່ຖືກຜົນກະທົບຈາກໄພພິບັດນ້ຳຖ້ວມ 11 ບ້ານຄື: ບ້ານໂພນຈັນ, ກິ່ວມ່ວງ, ເມືອງຫານ, ນາປຸ່ງ, ຫ້ວຍໃຍ, ປາກຫ້ວຍຍາງ, ແທ່ນຄຳ, ທ່າຊວ່າງ, ແກ້ງແອນ, ທ່ານຸ່ນ ແລະ ບ້ານປາກງື່ມ, ມີ 340 ຄອບຄົວ.
ການຊ່ວຍເຫຼືອຄັ້ງນີ້, ໄດ້ແບ່ງອອກເປັນ 3 ລະດັບຄື: ຄອບຄົວທີ່ມີສະມາຊິກ 1-5 ຄົນ ໄດ້ຮັບເງິນຄອບຄົວລະ 1.200.000 ກີບ, ຄອບຄົວທີ່ມີສະມາຊິກ 6-10 ຄົນຂຶ້ນໄປ ໄດ້ຮັບ 2 ລ້ານກີບ ແລະ ຄອບຄົວມີສະມາຊິກ 10 ຄົນຂຶ້ນໄປ ໄດ້ຮັບເງິນ 2.600.000 ກີບ, ລວມມູນຄ່າການຊ່ວຍເຫຼືອທັງໝົດ 530 ລ້ານກວ່າກີບ ໂດຍໄດ້ຮັບການສະໜັບສະໜູນງົບປະມານຈາກອົງການກາແດງສະວິດ ປະຈຳ ສປປ ລາວ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
