ວັນພຸດ, ວັນທີ 04 ທັນວາ 2024
ຫ້ອງເສນາທິການ ກອງພົນທີ 1 ເປີດຂະບວນການແຂ່ງຂັນ ຮັກຊາດ ແລະ ພັດທະນາ
ເວລາອອກຂ່າວ: 2024-11-05 09:16:50 | ຜູ້ຂຽນ : admin1 | ຈຳນວນຄົນເຂົ້າຊົມ: 518 | ຄວາມນິຍົມ: 
ໃນວັນທີ 31 ຕຸລາ 2024 ຫ້ອງເສນາທິການ ກອງພົນທີ 1 ໄດ້ເປີດຂະບວນການແຂ່ງຂັນພາຍໃຕ້ຄຳຂວັນ: ຮັກຊາດ ແລະ ພັດທະນາ ໂດຍການເປັນປະທານ ຂອງສະຫາຍ ພັນເອກ ແສງເພັດ ແສງມະນີ ຫົວໜ້າຫ້ອງເສນາທິການ ກອງພົນທີ 1, ມີຜູ້ຕາງໜ້າບັນດາພະແນກການ, ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ຄຳພັນ ສອນມະນີ ຫົວໜ້າພະແນກບໍລິ ຫານ ຫ້ອງເສນາທິການ ກອງພົນທີ 1 ໄດ້ຜ່ານແຜນການແຂ່ງຂັນ ພາຍໃຕ້ຄຳຂວັນ: ຮັກຊາດ ແລະ ພັດທະນາ ເພື່ອຂໍ່ນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ, ວັນສ້າງ ຕັ້ງກອງພົນທີ 1 ຄົບຮອບ 40 ປີ ແລະ ກອງປະຊຸມຜູ້ແທນສະມາຊິກພັກ ຄັ້ງທີ VII ຂອງອົງຄະນະພັກ ກອງພົນທີ 1 ໃຫ້ມີຂະບວນການຟົດຟື້ນ ແລະ ມີບັນຍາກາດເບີກບານມ່ວນຊື່ນຢ່າງຕໍ່ເນື່ອງ, ແນໃສ່ສຶກສາອົບຮົມໃຫ້ພະນັກ ງານ-ນັກຮົບ ທົ່ວຫ້ອງເສນາທິ ການ ມີຈິດໃຈຮັກຊາດ, ມີຄວາມຈົງຮັກພັກດີຕໍ່ອຸດົມການຂອງພັກ, ຍົກສູງສະຕິລະວັງຕົວຕໍ່ກົນອຸບາຍທຳລາຍມ້າງເພ ຂອງອິດທິກໍາລັງປໍລະປັກ, ມີສະຕິຕໍ່ການຈັດຕັ້ງ, ປະຕິບັດລະບຽບເຂັ້ມງວດ ສາມາດເຮັດສຳເລັດໜ້າທີ່ໃນທຸກກໍລະນີ, ທັງຖືເອົາບັ້ນແຂ່ງຂັນນີ້ ເປັນການຊຸກຍູ້ປັບປຸງກໍ່ສ້າງກົມກອງໃຫ້ເຂັ້ມແຂງຮອບດ້ານ ຕິດພັນກັບການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ, ຂະບວນການສ້າງກອງປອດໃສ ປອດໄພ ປອດຄະດີ, ຂະບວນການສ້າງນັກຮົບ-ກອງວັດທະນະທຳ, ຂະບວນການ 4 ປູກ, 4 ລ້ຽງ, ຂະບວນການ 4 ບຸກຂອງຊາວໜຸ່ມ, ຂະບວນການ 3 ດີຂອງສະຫະພັນແມ່ຍິງ ແລະ ຂະບວນການຈັດຕັ້ງ 7 ລະບອບ 18 ວຽກ.
ສະຫາຍ ປະທານ ໄດ້ໂອ້ລົມວ່າ: ການສ້າງຂະບວນການຮັກຊາດ ແລະ ພັດທະນາ ເພື່ອໃຫ້ ພະນັກງານ-ນັກຮົບໃນກົມກອງຮັບຮູ້ ແລະ ເຊື່ອມຊຶມ ໂດຍຕິດພັນກັບ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ພ້ອມທັງເນັ້ນໜັກໃຫ້ທຸກສະຫາຍຍົກສູງຄວາມຮັບຜິດຊອບຕໍ່ໜ້າທີ່ການ ເມືອງຂອງຕົນ ແລະ ເຮັດສຳເລັດ ໜ້າທີ່ຕາມວິຊາສະເພາະຂອງຕົນ, ສືບຕໍ່ເກັບກຳສະພາບການ ເຄື່ອນໄຫວຕາມຈຸດຫຼໍ່ແຫຼມຕ່າງໆ, ເອົາໃຈໃສ່ປະຈຳການສູ້ຮົບໃຫ້ມີຄວາມປອດໄພ ແລະ ເຮັດສຳເລັດໜ້າທີ່ຕາມການມອບໝາຍ.
ໂດຍ: ຄຳພຸດ ພານຸວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
