ວັນສຸກ, ວັນທີ 06 ທັນວາ 2024
ກອງພັນໃຫຍ່ 703 ປິດບັ້ນເຝິກອົບຮົມ-ຫັດແອບນັກໂດດຈ້ອງໃໝ່
ເວລາອອກຂ່າວ: 2024-11-05 09:26:44 | ຜູ້ຂຽນ : admin1 | ຈຳນວນຄົນເຂົ້າຊົມ: 511 | ຄວາມນິຍົມ: 
ວັນທີ 30 ຕຸລາ 2024 ນີ້, ໄດ້ມີພິທີປິດບັ້ນເຝິກອົບຮົມ-ຫັດແອບນັກໂດດຈ້ອງໃໝ່ ຊຸດທີ V ຂອງກອງພັນໃຫຍ່ 703 ກອງບັນຊາການທະຫານອາກາດ
ປະຈຳປີ 2024, ໂດຍການເປັນປະທານຂອງ ສະຫາຍ ພັນເອກ ພິມມະຈັນ ວົງປັນຍາ ຫົວໜ້າຫ້ອງອົບຮົມການບິນ ກອງບັນຊາການທະຫານອາກາດ, ມີ
ຄະນະພັກ-ຄະນະບັນຊາ ກອງພັນໃຫຍ່ 703 , ກອງຮ້ອຍ 306, ບັນດາຄູ-ອາຈານ ແລະ ນັກໂດດຈ້ອງ ເຂົ້າຮ່ວມ.
ສະຫາຍ ພັນຕີ ພິກແກ້ວ ພະມີໄຊ ຫົວໜ້າການທະຫານ ກອງຮ້ອຍ 306 ໄດ້ສະຫຼຸບບັ້ນເຝິກອົບຮົມ-ຫັດແອບນັກໂດດຈ້ອງໃນໄລຍະຜ່ານມາ ເຊິ່ງການເຝິກອົບຮົມ-ຫັດແອບສ້າງນັກໂດດຈ້ອງໃໝ່ໃນຄັ້ງນີ້ ມີນັກຮຽນທັງໝົດ 32 ສະຫາຍ, ຍິງ 2 ສະຫາຍ ແລະ ສາມາດຕີລາຄາໃນການປະຕິບັດແຜນການຄື: ອົບຮົມພາກທິດສະດີ ຈຳນວນ 24 ວັນ, ອົບຮົມພາກປະຕິບັດຕົວຈິງຢູ່ພາກພື້ນດິນ ຈຳນວນ 15 ວັນ, ອົບຮົມພາກປະຕິບັດຕົວຈິງຢູ່ເທິງອາກາດ 35 ວັນ ໃນນັ້ນ, ນັກຮຽນຜູ້ໝຶ່ງໂດດໄດ້ 20 ຖ້ຽວ ແລະ ສະຫຼຸບໄດ້ຄື: ຄະແນນດີເລີດ ຈຳນວນ 22 ສະຫາຍ, ຄະແນນດີ ຈຳນວນ 8 ສະຫາຍ ແລະ ຄະແນນດີພໍໃຊ້ໄດ້ ຈຳນວນ 3 ສະຫາຍ.
ຈາກນັ້ນ, ສະຫາຍປະທານຍັງໄດ້ມອບໃບຢັ້ງຢືນໃຫ້ແກ່ນັກເຝິກອົບຮົມ-ຫັດແອບນັກໂດດຈ້ອງໃໝ່ ແລະ ມອບໃບຍ້ອງຍໍໃຫ້ແກ່ຄູ-ອາຈານ ແລະ ນັກເຝິກອົບຮົມໂດດຈ້ອງ ຕື່ມອີກ.
ໂດຍ: ນາງ ບົວພັນ ເທີນຜາສຸກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
