POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ສຸມໃສ່ການອົບຮົມ-ຫັດແອບ ໃຫ້ຊຳນິຊຳນານ
ເວລາອອກຂ່າວ: 2024-11-05 09:29:52 | ຜູ້ຂຽນ : admin1 | ຈຳນວນຄົນເຂົ້າຊົມ: 971 | ຄວາມນິຍົມ:

ວຽກງານອົບຮົມ-ຫັດແອບ ແມ່ນວຽກງານໜຶ່ງທີ່ສຳຄັນທີ່ຢືນຢູ່ແຖວໜ້າ, ເປັນບັນຫາຕັດ ສິນເຖິງຄຸນນະພາບສັງລວມ ຂອງກຳລັງແຮງສູ້ຮົບ, ການເຕິບໃຫຍ່ຂະຫຍາຍຕົວ ແລະ ຄວາມເຂັ້ມແຂງຂອງກອງທັບ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນນີ້, ເວົ້າສະເພາະວຽກງານຕອບຕ້ານໄພພິບັດ ແມ່ນວຽກງານໜຶ່ງທີ່ສຳຄັນ ແລະ ຈຳເປັນທີ່ສຸດ ທຸກກຳລັງເຫຼົ່າຮົບໃນທົ່ວກອງທັບ ຕ້ອງໄດ້ເຝິກຊ້ອມໃຫ້ມີຄວາມຊຳນິຊຳນານ ເພື່ອຮັບປະກັນການປະຕິບັດໜ້າທີ່ການເມືອງຂອງກອງທັບ ເພື່ອກຽມພ້ອມເຂົ້າກອບກູ້ ແລະ ຊ່ວຍເຫຼືອປະຊາຊົນ ໃນເວລາມີໄພພິບັດເກີດຂຶ້ນ. ສະຫາຍ ພັນໂທ ຄຳຜາຍ ອ້ວນວິໄລ ຮອງຫົວໜ້າກົມອົບ ຮົມ ກົມໃຫຍ່ເສນາທິການກອງ ທັບ, ຜູ້ບັນຊາພາກສະໜາມເຝິກ ຊ້ອມກອບກູ້ໄພພິບັດຝ່າຍດຽວ ປະຈຳປີ 2024 ໃຫ້ຮູ້ວ່າ: ໄພພິ ບັດທາງທຳມະຊາດ ເປັນບັນຫາໃຫຍ່ ແລະ ເປັນໄພຂຸກຄາມທີ່ສ້າງຄວາມເສຍຫາຍ, ສູນເສຍທາງດ້ານສຸຂະພາບ, ຊີວິດ, ຊັບສິນ ແລະ ການດຳລົງຊີວິດຂອງປະຊາຊົນ, ສ້າງຄວາມເສຍຫາຍຕໍ່ພື້ນຖານໂຄງລ່າງເສດຖະກິດ-ສັງຄົມ ແລະ ສິ່ງແວດລ້ອມ ເຊິ່ງເປັນການບັ່ນທອນ ແລະ ຖ່ວງດຶງ ຕໍ່ການພັດທະນາເສດຖະກິດ-ສັງຄົມ ຂອງບັນດາປະເທດໃນ ໂລກ ເວົ້າລວມ, ເວົ້າສະເພາະ ສປປ ລາວ ຖືກຜົນກະທົບຈາກໄພພິບັດທຳມະຊາດທຸກໆປີ. ດັ່ງນັ້ນ, ການກະກຽມຄວາມພ້ອມໃນທຸກດ້ານເພື່ອກອບກູ້ ແລະ ຊ່ວຍເຫຼືອຜູ້ປະສົບໄພ ແມ່ນໜ້າທີ່ຕົ້ນຕໍຂອງພັກ ແລະ ລັດຖະບານ ກໍຄືກອງທັບ ແລະ ຂອງທຸກພາກສ່ວນໃນທົ່ວສັງຄົມ ຈະຕ້ອງໄດ້ຮ່ວມມືຊ່ວຍເຫຼືອປັດໄຈດ້ານຕ່າງໆ ເຂົ້າໃນການກອບກູ້ແກ້ໄຂ. ເຊິ່ງການຈັດຕັ້ງເຝິກຊ້ອມກອບກູ້ໄພ ພິບັດຝ່າຍດຽວ ປະຈຳປີ 2024 ຂອງກອງທັບ ໃນຄັ້ງນີ້, ເປັນການຫັດແອບໃຫ້ສາມາດກຳແໜ້ນການປະຕິບັດບັນດາຫຼັກສູດວິຊາສະເພາະທີ່ໄດ້ຮຽນມາ ໃຫ້ມີຄວາມຊຳນານ ເພື່ອຮັບ ປະກັນການປະຕິບັດໜ້າທີ່ການ ເມືອງກອງທັບ ເມື່ອມີເຫດການໄພພິບັດເກີດຂຶ້ນ ທັງເປັນການຫັດແອບກະກຽມຄວາມພ້ອມເດີນທາງໄປ ເຂົ້າຮ່ວມເຝິກຊ້ອມກອບກູ້ໄພພິບັດ 3 ກອງທັບ ກຳປູເຈຍ-ລາວ-ຫວຽດນາມ ຢູ່ ທີ່ ຣາຊະອານາຈັກ ກຳປູເຈຍ. ສະຫາຍ ພັນໂທ ຄຳຜາຍ ອ້ວນວິໄລ ໄດ້ກ່າວຕື່ມອີກວ່າ: ເນື້ອໃນທີ່ນຳມາເຝິກຊ້ອມຝ່າຍດຽວ ໃນຄັ້ງນີ້ ປະກອບມີ 2 ພາກ ຄື: ການກອບກູ້ຊ່ວຍເຫຼືອຜູ້ປະ ສົມໄພທາງນ້ຳ ແລະ ທາງບົກ ໃນຫົວຂໍ້: (ນໍ້າຖ້ວມ, ອາຄານຖະຫຼົ່ມ ແລະ ດິນເຊາະເຈື່ອນແຄມແມ່ນໍ້າ) ໂດຍໄດ້ແບ່ງອອກເປັນ 7 ກໍລະນີຫັດແອບ ຄື: ລາດຕາເວນຊອກຄົ້ນຜູ້ປະສົບໄພທາງນໍ້າ ແລະ ທາງອາກາດ ເພື່ອຊອກຜູ້ປະສົບໄພຂອບເຂດ ທີ່ມີນໍ້າຖ້ວມໜັກ; ຊອກຄົ້ນ-ກອບກູ້ ແລະ ຢ່ອນເຄື່ອງຊ່ວຍເຫຼືອຜູ້ປະສົບໄພຢູ່ຕາມຈຸດຕ່າງໆ; ກອບກູ້ຜູ້ປະ ສົມໄພທີ່ຖືກບາດເຈັບໝົດສະຕິໄຫຼມາຕາມກະແສນໍ້າ; ໜ່ວຍແພດສຸກເສີນປະຖົມພະຍາບາດຂັ້ນຕົ້ນ ກ່ອນນຳສົ່ງໄປໂຮງໝໍ; ຊອກຄົ້ນ-ກອບກູ້ ແລະ ຊ່ວຍເຫຼືອຜູ້ປະສົບໄພຢູ່ເຂດດິນເຈື່ອນຖັບຖົມ ແລະ ຕືກອາຄານຖະຫຼົ່ມຖັບຖົມ; ຊອກຄົ້ນ-ກອບກູ້ ແລະ ຊ່ວຍເຫຼືອຜູ້ປະສົບໄພ ຢູ່ເຂດທີ່ມີສານເຄມີຮົ່ວໄຫຼ; ກອບກູ້ ແລະ ຊ່ວຍເຫຼືອທາງດ້ານການແພດຕໍ່ຜູ້ໄດ້ຮັບບາດເຈັບ ແລະ ເສຍຊີວິດ. ຜ່ານການເຝິກຊ້ອມຕົວຈິງເຫັນວ່າ: ຄະນະຊີ້ນຳ, ຄະນະຮັບຜິດຊອບແຕ່ລະພາກສ່ວນ ແລະ ກຳລັງເຝິກຊ້ອມແຕ່ລະເຫຼົ່າຮົບ ໄດ້ເປັນເຈົ້າການປະຕິບັດລະບຽບວິໄນ, ຄຳສັ່ງ, ແຜນການເຝິກຊ້ອມຢ່າງເຂັ້ມງວດ ແລະ ມີຄວາມຮັບຜິດຊອບສູງ ເຖິງວ່າສະພາບອາກາດຮ້ອນ, ອຸປະກອນຮັບໃຊ້ຍັງບໍ່ພຽງພໍ ແລະ ບໍ່ຄົບຖ້ວນ ຕາມຄວາມຕ້ອງການຕົວຈິງ, ແຕ່ຄະນະຮັບຜິດຊອບຊີ້ນຳ, ບັນດາໜ່ວຍງານ ແລະ ນັກເຝິກຊ້ອມ ກໍໄດ້ສຸມສະຕິປັນຍາ-ກຳລັງກາຍຂອງຕົນຜ່ານຜ່າ ແລະ ນຳໃຊ້ອຸປະກອນ-ເຕັກນິກທີ່ມີເຂົ້າໃນການເຝິກຊ້ອມຢ່າງສອດຄ່ອງ ກັບກໍລະນີຕ່າງໆ ທີ່ສ້າງຂຶ້ນ ແລະ ມີຄວາມປອດໄພ 100%.

news to day and hot news