ວັນເສົາ, ວັນທີ 07 ທັນວາ 2024
ປຶກສາຫາລື ກຽມນຳສະເໜີ ພະທາດໂຜ່ນ-ເຮືອນຫີນ ເປັນມໍລະດົກລະດັບທ້ອງຖິ່ນ
ເວລາອອກຂ່າວ: 2024-11-05 09:38:59 | ຜູ້ຂຽນ : admin1 | ຈຳນວນຄົນເຂົ້າຊົມ: 131 | ຄວາມນິຍົມ: 
ແຫຼ່ງຂ່າວຈາກແຂວງສະຫວັນນະເຂດ ໃຫ້ຮູ້ວ່າ: ເມື່ອບໍ່ດົນຜ່ານມານີ້, ອົງການພຸດທະສາໜາສຳພັນລາວ ເມືອງໄຊພູທອງ ຈັດກອງປະຊຸມປຶກສາຫາລື ວິຊາການ ເພື່ອເກັບກຳຂໍ້ມູນ ແລະ ກຽມນຳສະເໜີ ເອົາພະທາດໂຜ່ນ-ເຮືອນຫີນ ຂຶ້ນທະບຽນເປັນມໍລະດົກລະດັບທ້ອງຖິ່ນ ຂອງແຂວງສະຫວັນນະເຂດ ໂດຍມີ ພະອາຈານ ສອນເພັດ ໂງ່ນລາຊະສິງ ເຈົ້າອະທິການວັດພະທາດໂຜ່ນ, ທ່ານ ນາງ ດາວວອນ ໄຊສຸລຽນ ເຈົ້າເມືອງ ເມືອງໄຊພູທອງ, ມີຄະນະພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ພະແນກພາຍໃນແຂວງ ແລະ ພາກສ່ວນກ່ຽວ ຂ້ອງເຂົ້າຮ່ວມ.
ທ່ານ ນາງ ດາວວອນ ໄຊສຸລຽນ ໄດ້ກ່າວວ່າ: ກອງປະຊຸມປຶກສາຫາລືຄັ້ງນີ້, ເພື່ອສຶກສາລາຍລະອຽດ ດ້ານວິຊາການ ໂດຍສະເພາະແມ່ນການປຶກສາຫາລື ການຄຸ້ມຄອງວັດທະນະທຳ ພະທາດໂຜ່ນ-ເຮືອນຫີນ ທີ່ເປັນຍຸດທະສາສຳ
ຄັນ ດ້ານວຽກງານການທ່ອງທ່ຽວພາຍໃນແຂວງສະຫວັນນະເຂດ ກໍຄືເມືອງໄຊພູທອງ ເຊິ່ງການປົກປັກຮັກສາ ພະທາດໂຜ່ນ ແລະ ເຮືອນຫີນ ໃນໄລຍະຜ່ານມາເຫັນວ່າ ດີສົມຄວນ.
ຈາກນັ້ນ, ກອງປະຊຸມໄດ້ປະກອບຄຳເຫັນຕໍ່ໜ້າວຽກຕ່າງໆ ເພື່ອເຮັດໃຫ້ບັນດາຂໍ້ມູນຖືກຕ້ອງ ແລະ ຄົບຖ້ວນ ໃນນີ້, ແມ່ນຈະກຳນົດຂອບເຂດດິນ, ເຂດອະນຸລັກ ແລະ ເຂດພື້ນທີ່ຄຸ້ມຄອງ, ຈະມີການແຕ້ມແຜນທີ່ທັງໝົດ ຂອງ
ພະທາດໂຜ່ນ-ເຮືອນຫີນ, ກຳນົດຂອບເຂດອະນຸລັກ ຂອງປູສະນີຍະສະຖານ ແລະ ສິ່ງກໍ່ສ້າງພາຍໃນບໍລິເວນ, ແຕ້ມແບບສັດສ່ວນຂອງອົງພະທາດ, ເຕັກນິກ
ຂອງການປະກອບສ້າງ, ກຳມະວິທີການກໍ່ສ້າງ, ວັດຖຸທີ່ນຳໃຊ້ ແລະ ຂັ້ນຕອນຂອງການບູລະນະປະຕິສັງຂອນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
