ວັນພະຫັດ, ວັນທີ 05 ທັນວາ 2024
ກອງປະຊຸມ COP16 ບໍ່ບັນລຸໄດ້ຂໍ້ຕົກລົງກ່ຽວກັບ ການປົກປ້ອງສັດປ່າທີ່ມີຄວາມສ່ຽງສູນພັນ
ເວລາອອກຂ່າວ: 2024-11-05 09:51:24 | ຜູ້ຂຽນ : admin1 | ຈຳນວນຄົນເຂົ້າຊົມ: 109 | ຄວາມນິຍົມ: 
ວິທະຍຸກະຈາຍສຽງຫວຽດ ນາມ ລາຍງານໃຫ້ຮູ້ໃນວັນທີ 3 ພະຈິກ 2024 ນີ້ວ່າ: ກອງປະຊຸມຄັ້ງທີ 16 ຂອງບັນດາຝ່າຍເຂົ້າຮ່ວມສົນທິສັນຍາ ສປຊ ກ່ຽວກັບຊີວະນາໆພັນ (COP16) ຢູ່ນະຄອນກາລີຂອງໂກລົມບີ ໄດ້ອັດລົງໃນວັນທີ 2 ພິຈິກ ຜ່ານມາ ເຊິ່ງບໍ່ບັນລຸໄດ້ຂໍ້ຕົກລົງກ່ຽວກັບວິວັດການເພີ່ມທະວີການອຸປະຖຳໃຫ້ແກ່ບັນດາການເຄື່ອນໄຫວປົກປ້ອງສັດປ່າ ແລະ ພືດຊະນິດຕ່າງໆ ທີ່ມີຄວາມສ່ຽງຖືກສູນ ພັນ.
ກອງປະຊຸມ COP16 ຄັ້ງນີ້ ມີຜູ້ແທນລົງທະບຽນເຂົ້າຮ່ວມປະມານ 23.000 ທ່ານ ເພື່ອແນໃສ່ຕີລາຄາ ແລະ ເພີ່ມທະວີຄວາມຄືບໜ້າໃນການເຮັດສຳເລັດ 23 ເປົ້າໝາຍ ປີ 2030 ທີ່ໄດ້ສະເໜີຂຶ້ນຢູ່ການາດາ ເມື່ອ 2 ປີກ່ອນ ເພື່ອສະກັດກັ້ນການທຳລາຍທຳມະຊາດ ຈາກຝີມືຂອງມະນຸດ. ເປົ້າໝາຍດັ່ງກ່າວລວມມີ ການປົກປ້ອງເນື້ອທີ່ດິນຕໍ່ແຜນ 30%, ການຟື້ນຟູລະບົບນິເວດທີ່ຖືກທຳລາຍ, ມົນລະພິດ 30%, ການລົບລ້າງການຊ່ວຍເຫຼືອທາງດ້ານກະສິກຳ ແລະ ບ້ວງເງິນສະໜັບສະໜູນອື່ນໆ ທີ່ສົ່ງຜົນຮ້າຍຕໍ່ທຳມະຊາດ.
ເຖິງຢ່າງໃດກໍຕາມ, ບັນດາການເຈລະຈາກ່ຽວກັບການອຸປະຖຳໃຫ້ແກ່ຊີວະນາໆພັນ ໄດ້ຖືກຢຸດຕິລົງ. ຢູ່ກາລີ, ບັນດາຜູ້ເຈລະຈາໄດ້ຖືກແບ່ງແຍກ ລະຫວ່າງກຸ່ມບັນດາປະເທດທຸກຍາກ ແລະ ປະເທດຮັ່ງມີກ່ຽວກັບການເພີ່ມທະວີການອຸປະຖຳ ແລະ ການໃຫ້ຄຳໝັ້ນສັນຍາຕ່າງໆ. ປະທານ COP16 ໄດ້ຍົກຂໍ້ສະ ເໜີສ້າງກອງທຶນຊີວະນາໆພັນສະເພາະ ແຕ່ຖືກສະຫະພາບເອີຣົບ (EU), ສະວິດ ແລະ ຍີ່ປຸ່ນ ປະຕິເສດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
