ວັນສຸກ, ວັນທີ 06 ທັນວາ 2024
ຊູແອັດ ກຳລັງຈະໄດ້ຮັບລົດຕັງໃໝ່ ລຸ້ນ CV9035 MkIIIC
ເວລາອອກຂ່າວ: 2024-11-05 09:54:04 | ຜູ້ຂຽນ : admin1 | ຈຳນວນຄົນເຂົ້າຊົມ: 123 | ຄວາມນິຍົມ: 
ສຳນັກຂ່າວຫວຽດນາມ ລາຍງານໃຫ້ຮູ້ວ່າ: ກອງທັບຊູແອັດ ກຳລັງຈະໄດ້ຮັບລົດຕັງໃໝ່ ລຸ້ນ CV9035 Mk IIIC ຈາກກຸ່ມບໍລິສັດ ຜະລິດພາຫະນະ-ອາວຸດ ໃນປະເທດເອີຣົບ (BAE Systems Hagglunds).
ເມື່ອບໍ່ດົນມານີ້, ກອງທັບຊູແອັດ (FMV) ໄດ້ລົງນາມໃນ ສັນຍາກັບກຸ່ມບໍລິສັດ ຈາກປະເທດເອີຣົບ ເພື່ອຊື້ລົດຕັງ CV9035 MkIIIC ເພື່ອນຳມາທົດແທນລົດຕັງ ລຸ້ນ CV9040C ເຊິ່ງເປັນລຸ້ນເກົ່າ ທີ່ຫາກໍສົ່ງໃຫ້ອູແກຣນ. ລາຍງານດັ່ງກ່າວ ບໍ່ໄດ້ລະບຸຊັດເຈນກ່ຽວກັບຈຳນວນພາຫະນະ ແລະ ມູນຄ່າສັນຍາ, ແຕ່ມີຫຼາຍພາກສ່ວນຄາດຄະເນວ່າ, ມີປະມານ 50 ຄັນ ແລະ ຄິດໄລ່ເປັນມູນຄ່າຫຼາຍເຖິງ 360 ລ້ານໂດລາ ໂດຍມີກຳນົດການສົ່ງ-ມອບລະຫວ່າງປີ 2025-2027.
ລົດຕັງ MkIIIC ແມ່ນສ້າງມາຈາກຕົ້ນແບບລົດຕັງ ລຸ້ນ CV90 Mk III ແລະ ລົດຕັງ ລຸ້ນ turret ປະສົມປະສານເຂົ້າກັນ ຈົນກາຍມາເປັນລົດຕັງລຸ້ນໃໝ່ຫຼ້າສຸດ. ລົດດັ່ງກ່າວ, ເປັນລົດຕັງລຸ້ນໃໝ່ ທີ່ສະແດງໃຫ້ເຫັນເຖິງຈຸດສູງສຸດຂອງເຕັກໂນໂລຊີ ທີ່ມີຄວາມທັນສະໄໝ ພ້ອມທັງລະບົບການປ້ອງກັນ ແລະ ຄວາມຄ່ອງແຄ້ວເວລາປະຕິບັດພະລະກິດຢູ່ພາກສະໜາມ.
ລົດຕັງ MkIIIC ແມ່ນມີການຕິດຕັ້ງປືນໃຫຍ່ ລຸ້ນ Bushmaster ຂະໜາດ 35 ມມ ທີ່ສາມາດຄວບຄຸມດ້ວຍລະບົບຄອມພິວເຕີ, ພ້ອມນັ້ນ ຍັງໄດ້ຕິດຕັ້ງລູກສອນໄຟຕ້ານລົດຕັງ ລຸ້ນ RBS 58 ຈຳນວນ 2 ລູກທີ່ສາມາດໂຈມຕີລົດຫຸ້ມເກາະໄດ້ແບບມີປະສິດທິພາບ ແລະ ແມ່ນຢຳ.
ນອກນັ້ນ CV9035 Mk IIIC ຍັງມີລະບົບການຊ່ວຍເບິ່ງເຫັນທັງກາງເວັນ ແລະ ກາງຄືນ ເຊິ່ງມີປະໂຫຍດຫຼາຍໃນເວລາຕໍ່ສູ້ໃນສະໜາມຮົບ.
ລົດລຸ້ນນີ້ ມີນ້ຳໜັກ 35 ໂຕນ, ມີລະບົບເຊັນເຊີທີ່ມີຄວາມສາມາດກວດຫາອາວຸດຂອງຝ່າຍກົງກັນຂ້າມໄດ້ ເປັນຕົ້ນ ລູກສອນໄຟຕໍ່ຕ້ານລົດຕັງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
