ວັນພຸດ, ວັນທີ 04 ທັນວາ 2024
ຣັດເຊຍ ໄດ້ຮັບລົດຫຸ້ມເກາະທັນສະໄໝຈາກ ຢູເອອີ
ເວລາອອກຂ່າວ: 2024-11-05 09:54:52 | ຜູ້ຂຽນ : admin1 | ຈຳນວນຄົນເຂົ້າຊົມ: 135 | ຄວາມນິຍົມ: 
ອີງຕາມບລັອກຂ່າວການທະຫານຕ່າງປະເທດ (Blog) ລາຍງານໃຫ້ຮູ້ເມື່ອບໍ່ດົນມານີ້, ໄດ້ມີການແຜ່ພາບວີດີໂອອອກສູ່ສື່ສັງຄົມອອນລາຍຂອງຣັດເຊຍ ໂດຍມີການຂົນສົ່ງລົດຫຸ້ມເກາະຊຸດໃໝ່ ທີ່ຜະລິດໂດຍກຸ່ມບໍລິສັດ ສະເຕຣດ (Streit Group) ຢູ່ໃນ ສະຫະລັດ ອາຣັບ ເອມີເຣດ (ຢູເອອີ) ເຊິ່ງມີຈຳນວນຫຼາຍກວ່າ 20 ຄັນ ຍີ່ຫໍ້ Toyota ແລະ Ford ທີ່ຖືກດັດແປງ ແລະ ປະກອບອາວຸດຫຼາຍຢ່າງໃສ່ຕົວລົດ ເພື່ອໃຫ້ເໝາະສົມໃນການໃຊ້ງານຢູ່ພາກສະໜາມ.
ການນຳເຂົ້າພານະດັ່ງກ່າວເນື່ອງຈາກບັນຫາຂໍ້ຂັດແຍ້ງກັບອູແກຣນ ຍັງເພີ່ມທະວີຄວາມຮຸນແຮງຂຶ້ນເລືື້ອຍໆ. ອີງຕາມຂໍ້ມູນບໍ່ໄດ້ລະບຸຊັດເຈນວ່າ, ລົດເຫຼົ່ານີ້ຖືກຊື້ໂດຍກົງຈາກກຸ່ມບໍລິສັດ ສະເຕຣດ ຫຼື ຜ່ານປະເທດທີສາມ.
ແນວໃດກໍຕາມ, ໃນໄລຍະຜ່ານມາ ກຸ່ມບໍລິສັດ ສະເຕຣດ ໄດ້ຂາຍລົດປະເພດນີ້ໃຫ້ກັບຫຼາຍໆປະເທດ ແລະ ໄດ້ນຳສະເໜີຂາຍລົດຫຸ້ມເກາະຊະນິດນີ້ຢູ່ໃນງານວາງສະແດງດ້ານປ້ອງກັນຊາດສາກົນທີ່ປະເທດຣັດເຊຍມາແລ້ວ.
ຕາມການລາຍງານຍັງລະບຸອີກວ່າ: ກ່ອນຫນ້ານີ້, ກຸ່ມບໍລິສັດ ສະເຕຣດ ໄດ້ຮ່ວມມືກັບບໍລິສັດອຸດສາຫະກຳການທະຫານຂອງຣັດເຊຍ (VPK) ໃນການອອກແບບລົດຫຸ້ມເກາະ ລຸ້ນ Condor/VPK-Ural ເພື່ອຜະລິດແລະ ສົ່ງອອກຂາຍໄປຍັງຕະຫຼາດສາກົນປະເທດອື່ນໆທີ່ມີຄວາມ ສົນໃຈອີກດ້ວຍ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
