ວັນເສົາ, ວັນທີ 07 ທັນວາ 2024
ຈັດກອງປະຊຸມເວທີປຶກສາຫາລື ຈາກາຕາການພົວພັນຈີນ-ອາຊຽນ
ເວລາອອກຂ່າວ: 2024-11-06 09:24:44 | ຜູ້ຂຽນ : admin1 | ຈຳນວນຄົນເຂົ້າຊົມ: 104 | ຄວາມນິຍົມ: 
ຂ່າວສານຊິນຮວາຂອງຈີນ ລາຍງານໃຫ້ຮູ້ໃນວັນທີ 2 ພະຈິກ 2024 ນີ້ວ່າ: ວັນທີ 1 ພະຈິກ ຜ່ານມາ, ຄະນະທູດຈີນປະຈຳອາຊຽນ ແລະ ຄະນະທູດຖາວອນມາເລເຊຍ ປະຈຳອາຊຽນ ໄດ້ຮ່ວມກັນຈັດກອງປະຊຸມເວທີປຶກສາຫາລືຈາກາຕາການພົວພັນຈີນ-ອາຊຽນ ຂຶ້ນຢູ່ນະຄອນຫຼວງຈາກາຕາ ປະເທດອິນໂດເນເຊຍ, ພາຍໃຕ້ຫົວຂໍ້ທີ່ວ່າ “ເຊື່ອມໂຍງເຊື່ອມຈອດກັນ: ຂົວຕໍ່ ແລະ ສາຍຜູກພັນ”. ເຂົ້າຮ່ວມກອງປະຊຸມຄັ້ງນີ້ມີ: ທ່ານ ກາວ ກິມຮຸນ ເລ ຂາທິການໃຫຍ່ອາຊຽນ, ທ່ານນາງ ໂຫວ ຢ້ຽນສີ ເອກອັກຄະລັດຖະທູດຈີນ ປະຈຳອາຊຽນ, ທູຕານຸທູດຂອງບັນດາປະເທດປະຈຳອາຊຽນ ແລະ ຜູ້ຕາງໜ້າວົງການຕ່າງໆຫຼາຍກວ່າ 150 ທ່ານ.
ໃນໂອກາດຂຶ້ນກ່າວປະກອບຄຳເຫັນ, ທ່ານນາງ ໂຫວ ຢ້ຽນສີ ໄດ້ເນັ້ນໜັກວ່າ: ມາດຕະການການປະຕິຮູບສຳຄັນຕ່າງໆຂອງຈີນ ໄດ້ສະໜອງໂອກາດໃໝ່ໃຫ້
ແກ່ການຮ່ວມມືລະຫວ່າງ ຈີນກັບ ອາຊຽນ ແລະ ການພັດ ທະນາຮ່ວມກັນຂອງພາກພື້ນ. ຂ້າພະເຈົ້າ ຫວັງວ່າ: ສອງຝ່າຍຈະຊຸກຍູ້ການເຊື່ອມໂຍງເຊື່ອມຈອດກັນທີ່ມີລະດັບສູງ, ມີລັກ ສະນະກວມລວມ ແລະ ເຊື່ອມສານຈິດໃຈໃຫ້ຫຼາຍກວ່າເກົ່າ ເພື່ອປະກອບສ່ວນເຂົ້າໃນການຍົກລະດັບສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງ ຈີນ ກັບ ອາຊຽນ ໃຫ້ສູງຂຶ້ນ.
ບັນດາແຂກຜູ້ມີກຽດທີ່ເຂົ້າຮ່ວມກອງປະຊຸມຄັ້ງນີ້ ໄດ້ຕີລາ ຄາສູງ ຕໍ່ຜົນງານດ້ານການຮ່ວມມືໃນຂົງເຂດການເຊື່ອມໂຍງເຊື່ອ ມຈອດກັນລະຫວ່າງ ຈີນ ກັບ ອາຊຽນ, ມີຄວາມຫວັງວ່າ ຈີນ ແລະ ອາຊຽນ ຈະສືບຕໍ່ເພີ່ມທະວີການຮ່ວມມື, ຮ່ວມກັນຊຸກຍູ້ການພັດ ທະນາ ແລະ ສ້າງຄວາມຈະເລີນຮຸ່ງເຮືອງພາຍໃນພາກພື້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
