POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ຫວຽດນາມ ຕັ້ງໜ້າສ້າງອະນຸພາກພື້ນແມ່ນ້ຳຂອງໃຫ້ມີການພັດທະນາຢ່າງໝັ້ນທ່ຽງ
ເວລາອອກຂ່າວ: 2024-11-06 09:26:24 | ຜູ້ຂຽນ : admin1 | ຈຳນວນຄົນເຂົ້າຊົມ: 109 | ຄວາມນິຍົມ:

ວິທະຍຸກະຈາຍສຽງຫວຽດ ນາມ ລາຍງານບົດຄວາມໃຫ້ຮູ້ໃນວັນທີ 4 ພະຈິກ 2024 ນີ້ວ່າ: ຕາມການເຊື້ອເຊີນຂອງທ່ານ ຫຼີ ສຽງ ນາຍົກລັດຖະມົນຕີ ແຫ່ງ ສປ. ຈີນ, ທ່ານ ຟ້າມ ມິງຈິງ ນາ ຍົກລັດຖະມົນຕີ ຫວຽດນາມ ໄດ້ເຂົ້າຮ່ວມກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງເປີດກວ້າງ ຄັ້ງທີ 8 (GMS 8), ລະຫວ່າງວັນທີ 5-8 ພະຈິກ ນີ້້ ຢູ່ ສປ ຈີນ. ໃນນາມ ເປັນປະ ເທດສະມາຊິກທີ່ຕິດພັນກັບຜົນ ປະໂຫຍດລວມຂອງພາກພື້ນ, ຫວຽດນາມ ຍາມໃດກໍມີຄວາມພະຍາຍາມ ຕັ້ງໜ້າຊຸກຍູ້ການຮ່ວມມື, ເພື່ອແນໃສ່ສ້າງອະນຸພາກພື້ນແມ່ນ້ຳຂອງ ໃຫ້ມີສັນຕິພາບ, ສະຖຽນລະພາບ ແລະ ການພັດທະນາຢ່າງວັດທະນາຖາວອນ. ອະນຸພາກພື້ນແມ່ນ້ຳຂອງ ມີຄຸນຄ່າທາງດ້ານພູສາດ-ຍຸດທະສາດ ອັນສຳຄັນເປັນພິເສດ. ເຖິງຢ່າງໃດກໍຕາມ, ໄປຄຽງຄູ່ກັບບັນດາທ່າໄດ້ປຽບທີ່ມີຢູ່ແລ້ວ, ປັດຈຸບັນ, ອະນຸພາກພື້ນ ກໍຍັງພວມປະເຊີນໜ້າກັບສິ່ງທ້າທາຍຈຳນວນຫຼາຍ ທ່າມກາງສະພາບການຂອງໂລກ ແລະ ພາກພື້ນທີ່ ຍາກຈະຄາດຄະເນລ່ວງໜ້າໄດ້. ດັ່ງນັ້ນ,ໃນກອງປະຊຸມຄັ້ງນີ້, ທ່ານນາຍົກລັດຖະມົນຕີ ຫວຽດ ນາມ ແລະ ການນຳບັນດາປະເທດສະມາຊິກ ຈະພ້ອມກັນກຳນົດ ແລະ ຜັນຂະຫຍາຍບັນດາໂຄງ ການບຸລິມະສິດຂອງອະນຸພາກພື້ນ ໃນຫຼາຍຂົງເຂດວຽກງານ, ເພື່ອແນໃສ່ປະຕິບັດວິໄສທັດກາຍເປັນອະນຸພາກພື້ນທີ່ວັດ ທະນາຖາວອນ, ເຊື່ອມໂຍງ ແລະ ກົມກຽວໃຫ້ປະກົດຜົນເປັນຈິງ. ໂຄງການຮ່ວມມືອະນຸພາກພື້ນ ແມ່ນ້ຳຂອງເປີດກວ້າງ (GMS) ໄດ້ຮັບການສ້າງຕັ້ງຂຶ້ນເມື່ອປີ 1992, ຕາມຂໍ້ລິເລີ່ມຂອງທະນາ ຄານພັດທະນາອາຊີ (ADB), ລວມມີ 6 ປະເທດສະມາຊິກຄື: ຫວຽດນາມ, ລາວ, ກຳປູເຈຍ, ໄທ ແລະ ສອງແຂວງ ປົກຄອງຕົນເອງຂອງ ຈີນ (ກວາງຊີ ແລະ ຢຸນໜານ). ໄລຍະ 22 ປີ ນັບແຕ່ກົນໄກຮ່ວມມືອະນຸພາກພື້ນແມ່ນ້ຳຂອງ ໄດ້ຮັບການສ້າງຕັ້ງຂຶ້ນ, ດ້ວຍຄວາມພະຍາຍາມຂອງບັນດາປະເທດອະນຸພາກພື້ນແມ່ນ້ຳຂອງ, ການຊ່ວຍເຫຼືອຂອງທະນາຄານພັດທະນາອາຊີ ແລະ ບັນດານັກອຸປະຖຳ, ປະເທດອະນຸພາກພື້ນແມ່ນ້ຳຂອງ ແລະ ຈີນ ສາມາດບັນລຸໄດ້ໝາກຜົນຫຼາຍຢ່າງ, ທີ່ພົ້ນເດັ່ນແມ່ນ ຂົງເຂດການເຊື່ອມຕໍ່ພື້ນຖານໂຄງລ່າງ ດ້ວຍບັນດາໂຄງການຮ່ວມມືໃຫຍ່ໃນແຕ່ລະເຂດ, ແລວເສດຖະກິດ ເຊັ່ນ: ແລວເສດຖະກິດ ແຕ່ເໜືອ-ໃຕ້ (NSEC), ແລວເສດຖະກິດ ຕາເວັນອອກ-ຕາເວັນຕົກ (EWEC), ແລວເສດຖະກິດທາງທິດໃຕ້ (SEC). ໄປຄຽງຄູ່ກັນນັ້ນ, ການຮ່ວມມືດ້ານເສດຖະກິດຂອງອະນຸພາກພື້ນແມ່ນ້ຳຂອງ ກໍດຶງດູດໄດ້ທຶນຈຳນວນຫຼາຍໃຫ້ແກ່ບັນດາໂຄງການ. ການຮ່ວມມື ຂະແໜງການຕ່າງໆໃນອະນຸພາກ ພື້ນແມ່ນ້ຳຂອງ ໃນຫຼາຍປີຜ່ານ ມາ ກໍບັນລຸໄດ້ໝາກຜົນທີ່ຕັ້ງໜ້າໃນຫຼາຍຂົງເຂດວຽກງານ ຄື: ພະ ລັງງານ, ສິ່ງແວດລ້ອມ, ການ ທ່ອງທ່ຽວ, ໄປສະນີໂທລະຄົມ, ການຄ້າ, ການລົງທຶນ, ການພັດ ທະນາແຫຼ່ງຊັບພະຍາກອນມະນຸດ, ກະສິກຳ, ພັດທະນາຊົນນະ ບົດ ແລະ ພັດທະນາຕົວເມືອງ ລຽບຕາມບັນດາແລວເສດຖະ ກິດ. ເຖິງຢ່າງໃດກໍຕາມ, ໄປຄຽງຄູ່ກັບບັນດາຜົນງານທີ່ບັນລຸໄດ້, ການຮ່ວມມືດ້ານເສດຖະກິດອະນຸພາກພື້ນແມ່ນ້ຳຂອງ ຍັງມີສິ່ງທ້າທາຍຫຼາຍຢ່າງ ເຊັ່ນ: ຈຸດເລີ່ມຕົ້ນກ່ຽວກັບການພັດທະນາບັນດາປະເທດ ແມ່ນຍັງຕ່ຳ, ແຫຼ່ງເງິນລົງທຶນໃຫ້ແກ່ການພັດທະນາຍັງມີຂໍ້ຈຳກັດ. ນອກຈາກນັ້ນ, ບັນດາສິ່ງທ້າທາຍໃໝ່ກ່ຽວກັບ ການປ່ຽນແປງດິນຟ້າອາກາດ, ສິ່ງແວດລ້ອມ, ຄວາມໝັ້ນຄົງດ້ານສະບຽງອາຫານ, ພະລັງ ງານ ພວມນັບມື້ນັບສົ່ງຜົນກະທົບຢ່າງຮ້າຍແຮງເຖິງເປົ້າໝາຍພັດທະນາແບບຍືນຍົງຂອງບັນດາປະເທດສະມາຊິກ. ດັ່ງນັ້ນ, ໃນກອງປະຊຸມອະນຸພາກພື້ນແມ່ນ້ຳຂອງ ຄັ້ງທີ 8 ການນຳບັນດາປະເທດ ຈະສືບຕໍ່ສົມທົບກັນ ແລະ ປັບປຸງນະໂຍບາຍຮ່ວມມືຢູ່ລະດັບມະຫາພາກ, ຮຽກຮ້ອງການຮ່ວມມືຈາກບັນດາຄູ່ຮ່ວມມືພັດທະນາໃນການຊ່ວຍເຫຼືອດ້ານການເງິນ, ນະໂຍບາຍ, ການສ້າງກຳລັງຄວາມສາມາດ, ສົ່ງເສີມດ້ານເຕັກນິກ, ແບ່ງປັນບົດຮຽນ, ປະສົບການ ແລະ ຄວາມຮູ້, ຫຼຸດຜ່ອນ ແລະ ຮັບມືກັບການປ່ຽນແປງຂອງດິນຟ້າອາກາດ, ພັດທະນາແຫຼ່ງຊັບພະຍາກອນນ້ຳສັງລວມຢູ່ເຂດລຸ່ມແມ່ນ້ຳຂອງ, ຄວາມໝັ້ນຄົງດ້ານສະບຽງອາຫານ, ພະລັງງານທົດແທນແລະ ພັດທະນາແຫຼ່ງຊັບພະຍາ ກອນມະນຸດ. ຫວຽດນາມ ໄດ້ຕັ້ງໜ້າເຂົ້າ ຮ່ວມໂຄງການຮ່ວມມືອະນຸພາກ ພື້ນແມ່ນ້ຳຂອງ, ນັບແຕ່ກົນໄກການຮ່ວມມືດັ່ງກ່າວ ໄດ້ຮັບການສ້າງຕັ້ງໃນປີ 1992, ການເຂົ້າຮ່ວມຂອງ ຫວຽດນາມ ມີຫຼາຍໝາກຜົນທີ່ຕັ້ງໜ້າກ່ຽວກັບການພັດທະນາເສດຖະກິດ ແລະ ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ ກໍຄືປະ ກອບສ່ວນເພີ່ມທະວີການຮ່ວມສຳພັນເສດຖະກິດພາຍໃນຂົງ ເຂດ. ປັດຈຸບັນ, ຫວຽດນາມ ແມ່ນຕ່ອງໂຊ້ທີ່ສຳຄັນໃນການສ້າງ ແລະ ພັດທະນາ 3 ແລວເສດ ຖະກິດສຳຄັນຂອງອະນຸພາກພື້ນ ແມ່ນ້ຳຂອງ ຄື: ແລວເໜືອ-ໃຕ້, ແລວຕາເວັນອອກ-ຕາເວັນຕົກ ແລະ ແລວແຄມຝັ່ງທະເລທາງທິດໃຕ້. ໂດຍໄດ້ຮັບການສະ ໜັບສະໜູນຈາກສາກົນ ແລະ ການປະກອບສ່ວນຂອງ ຫວຽດ ນາມ, ມາຮອດປັດຈຸບັນ, ມີຫຼາຍໂຄງການພື້ນຖານໂຄງລ່າງສຳ ຄັນ ໄດ້ຮັບການກໍ່ສ້າງສຳເລັດ, ໃນນັ້ນ ມີບັນດາເສັ້ນທາງຄົມມະ ນາຄົມສຳຄັນ ໄດ້ຮັບການເປີດນຳໃຊ້, ເອື້ອອຳນວຍຄວາມສະດວກແກ່ການໄປມາ ແລະ ການຂົນສົ່ງສິນຄ້າພາຍໃນອະນຸພາກພື້ນແມ່ນ້ຳຂອງ. ດ້ວຍທ່າໄດ້ປຽບໃນທຸກດ້ານ ແລະ ການເອົາໃຈໃສ່ໃນການຮ່ວມມື, ຫວຽດນາມ ນັບມື້ນັບມີ ທີ່ຕັ້ງທີ່ພົ້ນເດັ່ນໃນການເຊື່ອມຕໍ່ລະຫວ່າງບັນດາປະເທດໃນອະນຸພາກພື້ນແມ່ນ້ຳຂອງ, ພ້ອມດຽວກັນນັ້ນ ຍັງແມ່ນສະມາຊິກທີ່ຕັ້ງ ໜ້າໃນກຸ່ມກົນໄກຮ່ວມມືກັບຄູ່ຮ່ວມມືຢູ່ພາຍນອກພາກພື້ນ. ຫວຽດນາມ ຍັງສວມບົດບາດສຳຄັນ ໃນການພັດທະນາຕາໜ່າງການຜະລິດ ແລະ ການເພີ່ມຂຶ້ນຂອງບັນດາລະບົບມູນຄ່າໃນອະນຸພາກພື້ນແມ່ນ້ຳຂອງ. ບົນພື້ນຖານດັ່ງກ່າວ, ໃນກອງປະຊຸມຄັ້ງນີ້, ຫວຽດນາມ ຈະສືບຕໍ່ຕັ້ງໜ້ານຳສະເໜີ ບັນດາເນື້ອໃນການຮ່ວມມືລະອຽດ, ໂດຍເລີ່ມຈາກບັນດາທ່າໄດ້ປຽບ ແລະ ຄວາມສາມາດຂອງ ຫວຽດນາມ ເພື່ອຕັ້ງໜ້າເຂົ້າຮ່ວມບັນດາໂຄງການ, ຂົງເຂດວຽກງານລະອຽດຂອງອະນຸພາກພື້ນແມ່ນ້ຳຂອງ. ໃນນັ້ນລວມມີ, ການສະໜັບສະໜູນຕໍ່ການແບ່ງປັນຂໍ້ມູນ ແລະ ປະສານງານໃນການນຳໃຊ້ແຫຼ່ງຊັບພະຍາກອນໃນນ້ຳຂອງແມ່ນ້ຳຂອງ, ຫຼຸດຜ່ອນການຂຸດຄົ້ນຊັບພະຍາກອນທຳມະຊາດ, ປົກປັກຮັກສາປ່າໄມ້, ຫຼຸດຜ່ອນການປ່ອຍອາຍພິດເຮືອນແກ້ວ, ສົ່ງເສີມການນຳໃຊ້ ບັນດາຜະລິດຕະພັນຊີວະ. ພິ ເສດ, ຫວຽດນາມ ຈະພ້ອມກັບບັນດາການນຳອະນຸພາກພື້ນແມ່ ນ້ຳຂອງ ຮັບຮອງເອົາຍຸດທະສາດປ່ຽນແປງໃໝ່ ໃຫ້ແກ່ການພັດທະ ນາອະນຸພາກພື້ນແມ່ນ້ຳຂອງ ຮອດປີ 2030, ເພື່ອແນໃສ່ເພີ່ມທະວີການຮ່ວມມືໃຫ້ມີປະສິດທິຜົນກວ່າເກົ່າ, ເພື່ອເປົ້າໝາຍນຳອະນຸພາກພື້ນແມ່ນ້ຳຂອງໃຫ້ມີການພັດທະນາແບບຍືນຍົງ.

news to day and hot news