ວັນພຸດ, ວັນທີ 04 ທັນວາ 2024
ສ ເກົາຫຼີ, ອາເມຣິກາ ແລະ ຍີ່ປຸ່ນ ຈັດການຊ້ອມຮົບຮ່ວມທາງອາກາດ
ເວລາອອກຂ່າວ: 2024-11-06 09:27:17 | ຜູ້ຂຽນ : admin1 | ຈຳນວນຄົນເຂົ້າຊົມ: 124 | ຄວາມນິຍົມ: 
ວິທະຍຸ-ໂທລະພາບສູນກາງ ສປ ຈີນ ລາຍງານໃຫ້ຮູ້ໃນວັນທີ 4 ພະຈິກ 2024 ນີ້ວ່າ: ຕາມຂ່າວຈາກກົມໃຫຍ່ເສນາທິການຮ່ວມຂອງ ສເກົາຫຼີ (JCS) ລາຍງານໃຫ້ຮູ້ໃນວັນທີ 3 ພະຈິກ ນີ້ວ່າ: ສ ເກົາຫຼີ, ອາເມຣິກາ ແລະ ຍີ່ປຸ່ນ ໄດ້ຈັດການຊ້ອມຮົບຮ່ວມທາງອາກາດ.
ຕາມລາຍງານໃຫ້ຮູ້ວ່າ: ການຊ້ອມຮົບ ໄດ້ຈັດຂຶ້ນຢູ່ເຂດທັບຊ້ອນ ເຂດປ້ອງກັນທາງອາກາດລະຫວ່າງ ສ ເກົາຫຼີ ແລະ ຍີ່ປຸ່ນ ທາງພາກຕາເວັນອອກເກາະເຈຈູຂອງ ສ ເກົາຫຼີ. ເຂົ້າຮ່ວມໃນການຊ້ອມຮົບຄັ້ງນີ້ມີ: ເຮືອບິນຖິ້ມລະເບີດທາງຍຸດທະສາດ B-1B, ເຮືອບິນສູ້ຮົບ F-16 ຂອງກອງ ທັບອາກາດອາເມຣິກາ; ເຮືອບິນສູ້ຮົບ F-15K, KF-16 ຂອງກອງທັບອາກາດ ສ ເກົາຫຼີ ແລະ ເຮືອບິນ F-2 ຂອງກອງທັບອາກາດກຳລັງປ້ອງກັນຕົນເອງຍີ່ ປຸ່ນ.
ລາຍງານ ຍັງໃຫ້ຮູ້ອີກວ່າ: ການ ຊ້ອມຮົບຮ່ວມທາງອາກາດຄັ້ງນີ້ ແມ່ນເພື່ອຕອບໂຕ້ການທົດລອງຍິງສົ່ງລູກສອນໄຟນຳວິຖີຂ້າມທະວີບແບບໃໝ່ຂອງ ສປປ ເກົາຫຼີ ໃນວັນທີ 31 ຕຸລາ ຜ່ານມາ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
