POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ຄະນະພັກຮາກຖານ ຫ້ອງພະລາທິການ ທະຫານ ແຂວງຫຼວງພະບາງ ສໍາເລັດ ກອງປະຊຸມໃຫຍ່ສະມາຊິກພັກ ຄັ້ງທີ່ V
ເວລາອອກຂ່າວ: 2024-11-06 14:59:29 | ຜູ້ຂຽນ : admin2 | ຈຳນວນຄົນເຂົ້າຊົມ: 2903 | ຄວາມນິຍົມ:

ກອງປະຊຸມໃຫຍ່ສະມາຊິກພັກ ຄັ້ງທີ່ V ຂອງ ຄະນະພັກຮາກຖານ ຫ້ອງພະລາທິການ ກອງບັນຊາການທະຫານແຂວງຫຼວງພະບາງ ໄດ້ສໍາເລັດ ໃນວັນທີ 6 ພະຈິກ 2024 ນີ້, ໂດຍການເຂົ້າຮ່ວມເປັນປະທານ ຂອງສະຫາຍ ພົນຈັດຕະວາ ວິລ່ຽມ ວົງທິສານ ເລຂາຄະນະພັກ ຫົວໜ້າການທະຫານ ກອງບັນຊາການທະຫານ ແຂວງຫຼວງພະບາງ, ມີສະຫາຍ ພັນເອກ ທອງລາ ໄຊຍະວົງສັກ ຄະນະປະຈຳພັກກອງບັນຊາການ, ຫົວໜ້າຫ້ອງພະລາທິການທະຫານແຂວງ, ມີຄະນະພັກຮາກຖານ, ຄະນະໜ່ວຍພັກ, ແຂກຖືກເຊີນ ແລະ ສະມາຊິກພັກພາຍໃນກົມກອງເຂົ້າຮ່ວມ. ສະຫາຍ ພັນໂທ ຄໍາປານ ອໍາໄພສານ ຮອງເລຂາຄະນະພັກຮາກຖານ, ຮອງຫົວໜ້າຫ້ອງພະລາທິການທະຫານແຂວງ ໄດ້ຜ່ານບົດລາຍງານການເມືອງທັງສອງພາກ ໄດ້ຍົກໃຫ້ເຫັນ ການນໍາພາ-ຊີ້ນໍາ ຂອງຄະນະພັກຕະຫຼອດໄລຍະ 5 ປີຜ່ານມາ ເຊິ່ງຄະນະໜ່ວຍໄດ້ເອົາໃຈໃສ່ເຮັດວຽກງານສຶກສາອົບຮົມການເມືອງນໍາພາແນວຄິດ ຢ່າງຕໍ່ເນື່ອງເລິກເຊິ່ງ ເຮັດໃຫ້ພະນັກງານ - ສະມາຊິກພັກມີຄວາມໜັກແໜ້ນທາງດ້ານການເມືອງ ເຂັ້ມແຂງທາງດ້ານການຈັດຕັ້ງ, ມີລະບຽບວິໄນເຂັ້ມງວດ, ຫ້າວຫັນເຮັດສໍາເລັດໜ້າທີ່ການເມືອງທີ່ໄດ້ຮັບມອບໝາຍ, ໄປພ້ອມກັບການຈັດຕັ້ງອົບຮົມ - ຫັດແອບ ປັບປຸງລະບຽບແບບແຜນ ຕິດພັນກັບການນໍາພາ - ຊີ້ນໍາ ວຽກງານວິຊາສະເພາະດ້ວຍຄວາມຮັບຜິດຊອບສູງ, ພ້ອມກັນນີ້ຍັງໄດ້ເອົາໃຈໃສ່ປັບປຸງກໍ່ສ້າງພັກໃຫ້ມີຄວາມປອດໃສ ເຂັ້ມແຂງ ໜັກແໜ້ນ ຜ່ານມາໄດ້ຂະຫຍາຍມະຫາຊົນ ກ້າວໜ້າເຂົ້າເປັນສະມາຊິກພັກ 17 ສະຫາຍ, ກໍ່ສ້າງພະນັກງານ 3 ຮຸ້ນ ສືບຖອດປ່ຽນແທນ ໂດຍຖືສໍາຄັນທາງດ້ານຄຸນນະພາບ, ໃນນີ້ໄດ້ນໍາສົ່ງພະນັກງານໄປຍົກລະດັບທັງພາຍໃນ ແລະ ຕ່າງປະເທດ 53 ສະຫາຍ, ໄດ້ປະຕິບັດນະໂຍບາຍຕໍ່ຜູ້ທີ່ມີຜົນງານດີເດັ່ນຢ່າງສົມເຫດສົມຜົນ ເຊິ່ງຜ່ານມາມີພະນັກງານໄດ້ຮັບຫຼຽນໄຊ, ຫຼຽນກາປະເພດຕ່າງໆ 82 ສະຫາຍ, ໄດ້ຮັບການເລື່ອນຊັ້ນ-ທຽບຊັ້ນ 80 ສະຫາຍ ປະຕິບັດນະໂຍບາຍຕໍ່ພະນັກງານທີ່ຜົນງານ ແລະ ຄຸນງາມຄວາມດີເຊັ່ນ: ບໍານານ, ເຈັບເປັນ, ເກີດລູກ ແລະ ອື່ນໆເປັນເງິນທັງໝົດ 78.618.000 ກີບ, ວຽກງານພະລາທິການ ປູກຝັງ - ລ້ຽງສັດ ແລະ ຊອກແຫຼ່ງລາຍຮັບຕາມເງື່ອນໄຂບົ່ມຊ້ອນຂອງກົມກອງ ເຊິ່ງຜ່ານມາມີລາຍຮັບຈາກການຂາຍພືດຜັກ, ສັດລ້ຽງ ແລະ ການບໍລິການຕ່າງໆທັງໝົດ 147.845.000 ກີບ, ທຽບໃສ່ແຜນການແມ່ນບັນລຸຕາມຄາດໝາຍທີ່ວາງໄວ້. ກອງປະຊຸມສະມາຊິກພັກໄດ້ ໃຊ້ສິດປະຊາທິປະໄຕ ປ່ອນບັດ ຄັດເລືອກເອົາ ສະຫາຍ ພັນເອກ ທອງລາ ໄຊຍະວົງສັກ ເປັນເລຂາຄະນະພັກຮາກຖານ, ສະຫາຍ ພັນໂທ ຄໍາປານ ອໍາໄພສານ ເປັນຮອງເລຂາ, ສະຫາຍ ພັນໂທ ພັນມະຫາ ສຸວັນນະຈັກ ເປັນປະທານກວດກາ, ສະຫາຍ ພັນໂທ ຫົງຄໍາ ເພັດວົງຈັນ, ສະຫາຍ ພັນໂທ ໜູກອນ ກໍວິວັນ, ສະຫາຍ ພັນໂທ ຜາລີ ເພັງສະວົງ ແລະ ສະຫາຍ ພັນໂທ ສົມສັກ ສີບຸນມາ ເປັນກໍາມະການຄະນະພັກຮາກຖານ, ກອງປະຊຸມຍັງໄດ້ແຕ່ງຕັ້ງ ສະຫາຍ ພັນໂທ ສະຫຼອງໄຊ ວິໄລທອງ ເປັນຮອງປະທານກວດກາ ຄະນະພັກຮາກຖານ ຫ້ອງພະລາທິການທະຫານ ແຂວງຫຼວງພະບາງ. ຂ່າວ: ບຸນເພັງ ວົງແກ້ວມະນີ.

news to day and hot news