ວັນພະຫັດ, ວັນທີ 12 ທັນວາ 2024
ບໍລິສັດ ວຽງໄຊ ດວງປັນຍາມອບເຄື່ອງກິລາໃຫ້ກອງພັນໃຫຍ່ 102
ເວລາອອກຂ່າວ: 2024-11-07 08:53:15 | ຜູ້ຂຽນ : admin1 | ຈຳນວນຄົນເຂົ້າຊົມ: 895 | ຄວາມນິຍົມ: 
ວັນທີ 30 ຕຸລາ 2024, ກອງພັນໃຫຍ່ 102 ໄດ້ມອບຮັບອຸປະກອນກິລາ ລະຫວ່າງ ບໍລິສັດ ວຽງໄຊ ດວງປັນຍາ ຈຳກັດຜູ້ດຽວ ກັບ ກອງພັນໃຫຍ່ 102 ກ່າວມອບໂດຍ ສະຫາຍ ວຽງໄຊ ດວງປັນຍາ ປະທານບໍລິສັດ ແລະ ກ່າວຮັບໂດຍ ສະຫາຍ ພັນໂທ ຄຳໄພວັນ ພະຈັນທອງ ຫົວໜ້າການເມືອງ ກອງພັນໃຫຍ່ 102, ມີຄະນະພັກ-ຄະນະບັນຊາກອງພັນໃຫຍ່, ພະແນກການເຂົ້າຮ່ວມ.
ອຸປະກອນກິລາທີ່ນຳມາມອບໃນຄັ້ງນີ້ມີ: ບານເຕະ ຈຳນວນ 4 ໝ່ວຍ, ບານຕີ ຈຳນວນ 4 ໜ່ວຍ, ເປຕັງ ຈຳນວນ 4 ຊຸດ, ກະຕໍ້ ຈຳ ນວນ 4 ໜ່ວຍ, ຕາໜ່າງບານຕີຈຳນວນ 4 ອັນ, ຕານ່າງຕໍ້ ຈຳ ນວນ 4 ອັນ; ລວມມູນຄ່າທັງໝົດ 10.912.000 ກີບ (ສິບລ້ານເກົ້າແສນສິບສອງພັນກີບ) ເພື່ອເປັນການປະກອບສ່ວນເຂົ້າໃນຂະບວນການກິລາໃນກົມກອງ ເພື່ອສ້າງບັນຍາກາດເບີກບານມ່ວນຊື່ນ ຂໍ່ານັບຮັບຕ້ອນກອງປະ ຊຸມໃຫຍ່ ຄັ້ງທີ VII ຂອງອົງຄະນະພັກກອງ ແລະ ຮັບຕ້ອນວັນສ້າງຕັ້ງກອງພົນທີ 1 ຄົບຮອບ 40 ປີ, ພ້ອມນີ້ຍັງສ່ອງແສງໃຫ້ເຫັນເຖິງຄວາມສາມັກຄີຮັກແພງ, ໄມຕີຈິດມິດຕະພາບທີ່ແໜ້ນແຟ້ນ ແລະ ການຊ່ວຍເຫຼືອທີ່ຈິງໃຈ ລະ ຫວ່າງ ນັກທຸລະກິດ ກັບ ກົມກອງທະຫານ, ໂດຍສະເພາະກໍແມ່ນ ບໍລິສັດ ວຽງໄຊ ດວງປັນຍາ ແລະ ກອງພັນໃຫຍ່ 102.
ສະຫາຍ ພັນໂທ ຄຳໄພວັນ ພະຈັນທອງ ຫົວໜ້າການເມືອງ ກອງພັນໃຫຍ່ 102 ໄດ້ກ່າວສະ ແດງຄວາມຂອບໃຈມາຍັງ ບໍລິ ສັດ ທີ່ມີນໍ້າໃຈເອື້ອເຟື້ອໃຫ້ສະ ໜັບສະໜູນອຸປະກອນກິລາໃຫ້ແກ່ກອງພັນໃຫຍ່ 102 ເພື່ອເຮັດໃຫ້ພະນັກງານ-ນັກຮົບມີອຸ ປະກອນຫຼິ້ນກິລາ ສ້າງໃຫ້ກົມກອງມີຄວາມຟົດຟື້ນມ່ວນຊື່ນ, ພະນັກງານ-ນັກຮົບມີສຸຂະພາບແຂງແຮງ ກຽມພ້ອມເຮັດສຳ ເລັດໜ້າທີ່ອັນມີກຽດທີ່ໄດ້ຮັບມອບໝາຍ.
ໂດຍ: ນາງເຂັມຄຳ ຕຸນາລົມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
