ວັນພະຫັດ, ວັນທີ 12 ທັນວາ 2024
ກອງປະຊຸມຜູ້ແທນຊາວໜຸ່ມ ທົ່ວກອງບັນຊາການທະຫານແຂວງອຸດົມໄຊ
ເວລາອອກຂ່າວ: 2024-11-07 09:06:58 | ຜູ້ຂຽນ : admin1 | ຈຳນວນຄົນເຂົ້າຊົມ: 1326 | ຄວາມນິຍົມ: 
ກອງປະຊຸມຜູ້ແທນຊາວໜຸ່ມ ທົ່ວກອງບັນຊາການທະຫານແຂວງອຸດົມໄຊ ຄັ້ງທີ II ໄດ້ຈັດຂຶ້ນໃນວັນທີ 31 ຕຸລາ 2024 ຜ່ານມານີ້, ໂດຍການເປັນ
ປະທານຂອງ ສະຫາຍ ພັນເອກ ຕຸ້ຍ ພົມມີໄຊ ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງອຸດົມໄຊ, ມີ ສະຫາຍ ຄຳຈັນ ວ່າບົວແສງ ກຳມະການສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງ ອຸດົມໄຊ, ມີ ສະຫາຍ ພັນເອກ ໄຊພອນ ກໍຊົມພູ ເລຂາຄະນະພັກຮາກຖານ, ຫົວໜ້າຫ້ອງການເມືອງ ກອງບັນຊາການທະຫານແຂວງອຸດົມໄຊ, ມີຄະນະພັກ-ຄະນະບັນຊາ, ອົງການ 5 ຫ້ອງ, ກອງພັນ 414, ກອງບັນຊາການທະຫານເມືອງ 7 ເມືອງ, ໂຮງຮຽນ, ໂຮງໝໍ, ກອງພົນທີ 3 ພ້ອມດ້ວຍຄະນະໜ່ວຍອ້ອມຂ້າງ ເຂົ້າຮ່ວມ.
ສະຫາຍ ພັນໂທ ນາງ ແກ້ວນາລີ ໄຊຍະສານ ຄະນະບໍລິຫານງານຊາວໜຸ່ມແຂວງ, ຫົວໜ້າພະແນກຊາວໜຸ່ມ ກອງບັນຊາການທະຫານແຂວງອຸດົມໄຊ ໄດ້ຜ່ານບົດສະຫຼຸບການ
ເຄື່ອນໄຫວວຽກງານໃນໄລຍະ 5 ປີຜ່ານມາ ໄດ້ຖືເອົາວຽກງານສຶກສາອົບຮົມການເມືອງ-ແນວຄິດເປັນກົກ ເຮັດໃຫ້ຖັນແຖວພະນັກງານສະມາຊິກຊາວໜຸ່ມ-ໄວໜຸ່ມໄດ້ຮັບຮູ້ເຂົ້າໃຈຕໍ່ແນວທາງ ຂອງພັກ-ກົດໝາຍຂອງລັດ, ຂໍ້ກຳນົດ, ກົດລະ
ບຽບຂອງກອງທັບ ກໍຄືກົດລະບຽບຂອງຊາວໜຸ່ມປະຊາຊົນປະຕິວັດລາວວາງອອກ ຕິດພັນກັບການຈັດຕັ້ງປະຕິບັດວຽກງານຂະບວນການ 4 ບຸກ ຢ່າງເປັນຂະບວນການຟົດຟື້ນ ໃນນີ້, ໄດ້ປະກາດຮັບທຸງໄຊນຳໜ້າຈຳນວນ 9 ໜ່ວຍ 1 ພະແນກ, ໄດ້ຮັບໃບຢັ້ງຢືນໜ່ວຍຊາວໜຸ່ມ 4 ບຸກ 5 ຄັ້ງ, ມີ 93 ໜ່ວຍ, ມອບໃບຍ້ອງຍໍຂອງສູນກາງຊາວໜຸ່ມ ຈຳນວນ 649 ໃບ, ໃບຍ້ອງຍໍສະມາຊິກຊາວໜຸ່ມ 4 ບຸກ ຂອງຄະນະບໍລິຫານງານຊາວໜຸ່ມແຂວງ 4.192 ໃບ, ມີສະມາຊິກຊາວໜຸ່ມນຳໜ້າປະເພດແຂງ 95%, ປະເພດກາງ 5%, ໄດ້ຮັບໃບຍ້ອງຍໍຂັ້ນແຂວງ, ຂັ້ນກອງບັນຊາການ, ຫ້ອງການເມືອງ ຈຳນວນ 5.126 ໃບ, ໄດ້ຮັບຫຼຽນໄຊ, ຫຼຽນກາ ຈຳນວນ 157 ໜ່ວຍ. ໃນພິທີ ຍັງໄດ້ຜ່ານຂໍ້ຕົກຂອງກອງບັນຊາການທະຫານແຂວງອຸດົມໄຊ ວ່າດ້ວຍການແຕ່ງຕັ້ງຜູ້ແທນສົມບູນ-ສຳຮອງ ເພື່ອເຂົ້າຮ່ວມກອງປະຊຸມໃຫຍ່ຜູ້ແທນຊາວໜຸ່ມ ຄັ້ງທີ IX ຂອງຄະນະບໍລິຫານງານຊາວໜຸ່ມແຂວງອຸດົມໄຊ ເຊິ່ງມີຜູ້ແທນສົມບູນ ຈຳນວນ 5 ສະຫາຍ, ສຳຮອງ 2 ສະຫາຍ, ຜ່ານຂໍ້ຕົກລົງຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ວ່າດ້ວຍການຍ້ອງຍໍສັນລະເສີນສະມາຊິກຊາວໜຸ່ມປະຊາຊົນປະຕິວັດລາວດີເດັ່ນໃນໄລຍະ 5 ປີຜ່ານມາ ຈຳນວນ 109 ສະຫາຍ ແລະ ມອບຂອງຂວັນໃຫ້ນັກຂ່າວ ຈຳນວນ 9 ສະຫາຍ ຕື່ມອີກ.
ໂດຍ: ສົມພູນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
