ວັນພຸດ, ວັນທີ 04 ທັນວາ 2024
ພົບປະແລກປ່ຽນບົດຮຽນລະຫວ່າງຄະນະຜູ້ແທນກະຊວງປ້ອງກັນປະເທດ ລາວ-ຣັດເຊຍ
ເວລາອອກຂ່າວ: 2024-11-08 12:33:02 | ຜູ້ຂຽນ : admin2 | ຈຳນວນຄົນເຂົ້າຊົມ: 1059 | ຄວາມນິຍົມ: 
ວັນທີ 8 ພະຈິກ 2024 ນີ້, ທີ່ກອງບັນຊາການທະຫານແຂວງຫົວພັນ ໄດ້ມີພິທີພົບປະ ລະຫວ່າງ ຜູ້ແທນກະຊວງປ້ອງກັນປະເທດລາວ ແລະ ຜູ້ແທນກະຊວງປ້ອງກັນປະເທດຣັດເຊຍ, ຝ່າຍລາວນໍາໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ ເສນາທິການ ກອງທັບປະຊາຊົນລາວ, ຫົວໜ້າກອງເສນາ ການຮ່ວມມືການແກ້ໄຂລະເບີດບໍ່ທັນແຕກ ລາວ-ຣັດເຊຍ ພ້ອມດ້ວຍຄະນະ, ຝ່າຍຣັດເຊຍນໍາໂດຍ ສະຫາຍ ພັນເອກ ເຊຣາເກ ອັບໂຕຣມອບ ຫົວໜ້າຄະນະຜູ້ແທນ ກະຊວງປ້ອງກັນປະເທດ ແຫ່ງ ສ ຣັດເຊຍ ໃນການຮ່ວມມືແກ້ໄຂລະເບີດບໍ່ທັນແຕກ ລາວ-ຣັດເຊຍ ພ້ອມດ້ວຍຄະນະ ເຂົ້າຮ່ວມ.
ສະຫາຍ ພັນເອກ ປາດຖະໜາ ບຸດຕິຈັກ ໄດ້ລາຍງານສະພາບການກະກຽມທຸກໆ ດ້ານໃນການກວດກູ້ລະເບີດດ້ານຕ່າງໆໃນພື້ນທີ່ຈະກວດກູ້ ແລະ ທຳລາຍລະເບີດພ້ອມນັ້ນ ທັງສອງຝ່າຍໄດ້ເອກະພາບກັນ ວາງແຜນການກວດກູ້ ແລະ ທໍາລາຍ ລະເບີດບໍ່ທັນແຕກເປັນສອງໄລຍະຄື: ໄລຍະທີ 1 ສຸມໃສ່ກວດກູ້ ແລະ ທຳລາຍ ລະເບີດບໍ່ທັນແຕກ ຢູ່ເມືອງວຽງໄຊ, ພາຍຫຼັງສໍາເລັດຢູ່ເມືອງວຽງໄຊແລ້ວ ຖ້າເວລາຍັງເຫຼືອ ຈຶ່ງສືບຕໍ່ກວດກູ້ ແລະ ທຳລາຍຢູ່ເມືອງຊຳເໜືອ ເປັນໄລຍະທີ່ 2 ຂອງສົກ 2024-2025. ຫຼັງຈາກນັ້ນສອງຝ່າຍໄດ້ ທົບທວນຄືນໃນການຈັດຕັ້ງປະຕິບັດໃນການກວດກູ້ລະເບີດ ໄລຍະຜ່ານມາຕື່ມອີກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
