POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກົມປະກັນສັງຄົມ ປິດບັ້ນເຝິກອົບຮົມການຕິດຕາມ ນຳໃຊ້ລະບົບລາຍງານການປິ່ນປົວສຸຂະພາບຂອງໂຮງໝໍ
ເວລາອອກຂ່າວ: 2024-11-11 08:58:30 | ຜູ້ຂຽນ : admin1 | ຈຳນວນຄົນເຂົ້າຊົມ: 427 | ຄວາມນິຍົມ:

ໃນວັນທີ 7 ພະຈິກ 2024 ນີ້, ກົມປະກັນສັງຄົມ ກົມໃຫຍ່ການເມືອງກອງທັບ ໄດ້ປິດບັ້ນເຝິກອົບຮົມໄລຍະສັ້ນ ການຕິດຕາມນໍາໃຊ້ລະບົບລາຍງານການປິ່ນປົວສຸຂະພາບຂອງໂຮງໝໍ ໃຫ້ບັນດາພະແນກ-ຂະແໜງປະກັນສັງຄົມ 27 ແຫ່ງທີ່ມີໂຮງໝໍຂຶ້ນກັບ, ໂດຍການເປັນປະທານຂອງ ສະຫາຍ ພັນເອກ ອິນຕອງ ໄຊຍະວົງ ຮອງຫົວໜ້າ ກົມປະກັນສັງຄົມ ກົມໃຫຍ່ການເມືອງກອງທັບ, ມີຫົວໜ້າ-ຮອງຫົວໜ້າພະແນກ, ຕະຫຼອດຮອດນັກເຝິກອົບຮົມ ເຂົ້າຮ່ວມ. ສະຫາຍ ພັນເອກ ອິນຕອງ ໄຊຍະວົງ ໄດ້ກ່າວວ່າ: ການເຝິກອົບຮົມຄັ້ງນີ້ ຈັດຕັ້ງຂຶ້ນ ເຊິ່ງມີຄວາມຈຳເປັນ ແລະ ສຳຄັນຫຼາຍ ສຳລັບພະນັກງານຂອງພະແນກ-ຂະແໜງປະກັນສັງຄົມ ຂອງແຕ່ລະກົມກອງ ໃນການຮັບຮູ້ບົດຮຽນອັນໃໝ່ ກ່ຽວກັບການຄຸ້ມຄອງ ຕິດຕາມ ກວດກາ ບົດສະຫຼຸບລາຍງານ ລາຍຈ່າຍໃນແຕ່ລະມື້, ເດືອນ ແລະ ປີ ຂອງສະມາຊິກປະກັນສັງຄົມທີ່ເຂົ້າມາໃຊ້ ບໍລິການພາຍໃນໂຮງໝໍຂອງຕົນໃຫ້ຖືກຕ້ອງ ຄົບຖ້ວນ ຊັດເຈນ ແລະ ສາມາດເບີກຈ່າຍຮ່ວງເງິນປະກັນສຸຂະພາບໄດ້ຖືກຕ້ອງ ແລະ ທັນກຳນົດເວລາ ໃຫ້ພະແນກ-ຂະ ແໜງປະກັນສຸຂະພາບຢູ່ໂຮງໝໍ, ຜົນສຳເລັດຂອງການຝຶກອົບຮົມຄັ້ງນີ້ ເປັນການແນະນຳບາງຂັ້ນຕອນ ແລະ ຫຼັກການທີ່ເປັນພື້ນຖານເທົ່ານັ້ນ, ແຕ່ອັນສຳຄັນທີ່ສຸດ ແມ່ນບັນດາ ສະຫາຍນັກເຝິກອົບຮົມ ແຕ່ລະສະຫາຍຕ້ອງໄດ້ນຳເອົາບົດຮຽນດັ່ງກ່າວ ໄປນຳໃຊ້ເຂົ້າໃນວຽກງານຕົວຈິງຢູ່ໃນກົມກອງຂອງຕົນ ໃຫ້ຖືກຕ້ອງຕາມລະບຽບການ ສາມາດກວດກາ ຕິດຕາມ ສະຫຼຸບລາຍງານ ໃຫ້ຄະນະພັກ-ຄະນະບັນຊາ ແລະ ກົມປະກັນສັງຄົມ ໄດ້ຢ່າງຖືກຕ້ອງ ແລະ ທັນກັບກຳນົດເວລາຕາມຂໍ້ກຳນົດຂອງຂັ້ນເທິງວາງອອກ ນອກນີ້, ການເຝິກອົບຮົມໃນໄລຍະຜ່ານມາເຫັນໄດ້ວ່າ ທຸກສະຫາຍ ມີຄວາມເຂົ້າໃຈກ່ຽວກັບ ລະບົບ ແລະ ຄຳສັບ ຫຼື ຄຳເວົ້າ ໃນບັນດາບົດລາຍງານຕ່າງໆ ທີ່ຢູ່ໃນລະບົບໂປຼແກຣມ ເນື່ອງຈາກແຕ່ລະສະຫາຍ ມີພື້ນຖານການນຳໃຊ້ຄອມພິວເຕີ ແລະ ມີຄວາມຮູ້ດ້ານວິຊາສະເພາະຢູ່ແລ້ວ ຈຶ່ງເຂົ້າໃຈລະບົບໂປຣແກຣມການເຝິກອົບຮົມໃນຄັ້ງນີ້ ໄດ້ເປັນຢ່າງດີ. ຜ່ານການເຝິກອົບຮົມຜົນການປະເມີນໄດ້ຮັບຕົວຈິງ ຕີລາຜົນໄດ້ຮັບຄື: ກົມກອງທ່ີໄດ້ຮັບຜົນສະເລ່ຍ 100% ມີ 8 ກົມກອງ (ໂຮງໝໍສູນກາງ 103, ໂຮງໝໍ ບໍລິເວນ 109, ໂຮງໝໍກອງພົນທີ 3, ໂຮງໝໍທະຫານແຂວງໄຊຍະບູລີ, ໂຮງໝໍທະຫານແຂວງຫຼວງນ້ຳທາ, ໂຮງໝໍທະຫານແຂວງອຸດົມໄຊ, ໂຮງໝໍທະຫານແຂວງສະຫວັນນະເຂດ ແລະ ໂຮງໝໍທະຫານນະຄອນຫຼວງວຽງຈັນ), ໄດ້ 90-95% ມີ15 ກົມກອງ ແລະ ໄດ້ 70-85% ມີ 4 ກົມກອງ ແລະ ປະເມີນຜົນສະເລ່ຍ ໄດ້ 95%.

news to day and hot news