POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ຫວຽດນາມ ຊຸກຍູ້ການເຕີບໂຕທາງດ້ານເສດຖະກິດອາຊີຕາເວັນອອກສ່ຽງໃຕ້
ເວລາອອກຂ່າວ: 2024-11-11 09:12:29 | ຜູ້ຂຽນ : admin3 | ຈຳນວນຄົນເຂົ້າຊົມ: 98 | ຄວາມນິຍົມ:

ວິທະຍຸກະຈາຍສຽງຫວຽດນາມ ລາຍງານບົດຄວາມໃຫ້ຮູ້ເມື່ອບໍ່ດົນມານີ້ວ່າ: ໃນກອງປະຊຸມສຳມະນາຂອງສະຖາບັນນະໂຍບາຍ ອົດສະຕຼາລີ-ຫວຽດນາມ (AVPI) ທີ່ດຳເນີນຢູ່ນະຄອນ ອາເດເລດ (Adelaide), ອົດສະຕຼາລີ, ຫວ່າງມໍ່ໆມານີ້, ນັກຊ່ຽວຊານຂົງເຂດເສດຖະກິດຈຳນວນຫຼາຍ ຕ່າງກໍໃຫ້ຂໍ້ສັງ ເກດລວມວ່າ: ຫວຽດນາມ ບັນລຸໄດ້ຄວາມກ້າວໜ້າຫຼາຍພໍສົມຄວນໃນການປົວແປງສະພາບແວດລ້ອມທາງດ້ານການຄ້າ ແລະ ການລົງທຶນ. ໃນທົດສະວັດຜ່ານມາ, ຫວຽດນາມ ບັນລຸໄດ້ບັນດາການປະຕິຮູບສຳຄັນ ເພື່ອແນໃສ່ປົວແປງການເຄື່ອນໄຫວດຳເນີນທຸລະກິດ ເຊັ່ນ: ຫັນບັນດາລະບຽບການບໍລິຫານເປັນງ່າຍດາຍ ແລະ ເພີ່ມທະວີລັກສະນະຈະແຈ້ງໃນບັນດາຂັ້ນຕອນຄຸ້ມຄອງ. ທ່ານ ເຫຼີຍ ໂຮເວີດ ຜູ້ອຳນວຍການຝ່າຍບໍລິຫານທຸລະກິດ ເອເຊຍລິ້ງ (Asialink Business), ໃຫ້ຮູ້ວ່າ: 10 ປີ ຜ່ານມາ, ທ່ານໄດ້ມາ ຫວຽດນາມ ເປັນຫຼາຍຄັ້ງ ແລະ ໄດ້ເຫັນປະຈັກຕາການປ່ຽນແປງ ກໍຄືຄວາມພະຍາຍາມຢ່າງແຮງໃນການປົວແປງສະພາບແວດລ້ອມທາງດ້ານການຄ້າ ແລະ ການລົງທຶນ. ລັດຖະບານ ຫວຽດນາມ ໄດ້ລົງທຶນເຂົ້າໃນວຽກງານພື້ນຖານໂຄງລ່າງ ແລະ ສິ່ງດັ່ງກ່າວເປັນສິ່ງທີ່ມີຄວາມສຳ ຄັນຫຼາຍ ໃນການປະກອບສ່ວນເຮັດໃຫ້ເສດຖະກິດເຕີບໂຕຢ່າງວ່ອງໄວ. ໃນຂະນະດຽວກັນ, ທ່ານ ດອນ ຟາເຣລ໌ (Don Farrell) ລັດຖະມົນຕີກະຊວງການຄ້າ ອົດສະຕຼາລີ ກໍຖືວ່າ: ການລົງທຶນເຂົ້າໃນວຽກງານພື້ນຖານໂຄງລ່າງຂອງລັດຖະບານ ຫວຽດນາມ ເປັນສິ່ງທີ່ມີຄວາມສຳຄັນຫຼາຍ ໃນການປະກອບສ່ວນເສີມສ້າງໃຫ້ແກ່ການເຕີບໂຕທາງດ້ານເສດຖະກິດຢ່າງວ່ອງໄວ. ໂດຍສະເພາະ, ຫວຽດນາມ ໄດ້ສ້າງວັດທະນະທຳອັນຕັ້ງໜ້າໃນການເຄື່ອນໄຫວດຳເນີນທຸລະກິດ. ດັ່ງນັ້ນ, ຫວຽດນາມ ຈຶ່ງສວມບົດບາດອັນສຳຄັນ ໃນການປະກອບສ່ວນຊ່ວຍສົ່ງ ເສີມການເຕີບໂຕທາງດ້ານເສດຖະກິດຂອງພາກພື້ນ. “ຍຸດທະສາດເສດຖະກິດ ອາຊີຕາເວັນອອກສ່ຽງໃຕ້ຮອດປີ 2040 ຂອງ ອົດສະຕຼາລີ ຄາດຄະເນວ່າ ຍອດຜະລິດຕະພັນພາຍໃນ ຫຼື ຈດີພີ (GDP) ຂອງພາກພື້ນ ຈະເຕີບໂຕຢ່າງແຮງໃນ 2 ທົດສະວັດຈະມາເຖິງ, ຈາກ 3,6 ພັນຕື້ ໂດລາສະຫະລັດ ຂຶ້ນເປັນ 14.000 ຕື້ ໂດລາສະຫະລັດ ໃນປີ 2040. ແລະ ຫວຽດນາມ ແມ່ນໜຶ່ງໃນບັນດາກຳລັງຊຸກຍູ້ ປະກອບສ່ວນເຂົ້າໃນການເຕີບໂຕດັ່ງກ່າວ ດ້ວຍລະດັບການເຕີບໂຕ GDP ຄາດວ່າ ຈາກ 5% ຫາ 7% ຕໍ່ປີ ນັບແຕ່ນີ້ຮອດປີ 2040. ຈຳນວນຄອບຄົວຢູ່ ຫວຽດນາມ ທີ່ມີລາຍຮັບຫຼາຍກວ່າ 15.000 ໂດລາສະຫະລັດ ຈະເພີ່ມຂຶ້ນຕື່ມອີກ 20 ລ້ານຄົນ ໃນປີ 2040. ເມື່ອເຖິງເວລານັ້ນ, ຈຳນວນຜູ້ບໍລິໂພກຊັ້ນກາງຢູ່ ຫວຽດນາມ ຈະຫຼາຍກວ່າທົບ 2 ເທົ່າ ເມື່ອທຽບໃສ່ຈຳນວນຜູ້ບໍລິໂພກຢູ່ ອົດສະຕຼາລີ ໃນປັດຈຸບັນ.” ທ່ານນາງ ຫຼຸຍສ໌ ອາດຳສ໌, ຜູ້ອຳນວຍການບໍລິສັດ ອໍເຣຄອນ (Aurecon), ອົດສະຕຼາລີ, ເຊິ່ງເປັນບໍລິສັດສະໜອງການບໍລິການໃຫ້ຄຳປຶກສາດ້ານເຕັກນິກ ແລະ ການອອກແບບ ໄດ້ຢັ້ງຢືນວ່າ: ລະດັບການເຕີບໂຕແບບຍືນຍົງໃນຫຼາຍປີຜ່ານມາຂອງ ຫວຽດນາມ ແມ່ນດັດຊະນີ ທີ່ຊີ້ໃຫ້ເຫັນການເຕີບໂຕຢ່າງແຮງຂອງພື້ນຖານເສດຖະກິດ: “ຂ້າພະເຈົ້າເຫັນວ່າ: ສາຍເຫດທີ່ເຮັດໃຫ້ເສດຖະກິດ ຫວຽດນາມ ມີການເຕີບໂຕຢ່າງລຽນຕິດກໍຍ້ອນວ່າ ຫວຽດນາມ ພວມກາຍເປັນສູນກາງການຜະລິດທົ່ວໂລກ. ໄປຄຽງຄູ່ກັນນັ້ນ, ຍັງປະກອບມີບັນດາປັດໄຈອື່ນຄື: ລະດັບທັກສະດີ, ພົນລະເມືອງອາຍຸໜຸ່ມກວມເອົາສ່ວນຫຼາຍ, ລະບົບການສຶກສາ ດີ, ພື້ນຖານໂຄງລ່າງໄດ້ຮັບຄວາມເອົາໃຈໃສ່ລົງທຶນ. ຫວຽດນາມ ພວມນັບມື້ນັບເປີດກວ້າງ ຜ່ານການເຂົ້າຮ່ວມສັນຍາການຄ້າເສລີຫຼາຍສະບັບກັບບັນດາຄູ່ຮ່ວມມືສາກົນ ແລະ ສິ່ງດັ່ງ ກ່າວ ໄດ້ສ້າງຜົນງານໃຫ້ແກ່ ຫວຽດນາມ”. ບັນດາຜົນງານທີ່ບັນລຸໄດ້ໃນໄລຍະຜ່ານມາ ໄດ້ສ້າງພື້ນຖານໃຫ້ ຫວຽດນາມ ມີກຳລັງແຮງພາຍໃນ ແລະ ຄວາມຕັດສິນໃຈເພື່ອສາມາດຍາດແຍ່ງກາລະໂອກາດໃນອະນາຄົດ. ເພື່ອສາມາດບັນລຸໄດ້ບາດກ້າວບຸກທະລຸ, ທ່ານ ເລທອນ ໄພຄ໌, ຜູ້ຮ່ວມສ້າງຕັ້ງສະຖາບັນນະໂຍບາຍ ອົດສະຕຼາລີ-ຫວຽດນາມ ຖືວ່າ: “ເຖິງວ່າຈະມີລະດັບການເຕີບໂຕທາງດ້ານເສດຖະກິດທີ່ໜ້າຊົມເຊີຍຫຼາຍກໍຕາມ, ແຕ່ ຫວຽດນາມ ຕ້ອງສຸມໃສ່ການພັດທະນາບັນດາຂະແໜງອຸດສາຫະກຳພາຍໃນປະເທດ, ໃນນັ້ນ, ຕ້ອງມີຄວາມເອົາໃຈໃສ່ເປັນພິເສດເຖິງການພັດທະນາແຫຼ່ງຊັບພະຍາກອນມະນຸດໃຫ້ສອດຄ່ອງກັບຄວາມຕ້ອງການ ແລະ ມີຄຸນນະພາບສູງ. ຫວຽດນາມ ຕ້ອງສຸມໃສ່ການພັດທະນາແຫຼ່ງຊັບພະ ຍາກອນມະນຸດໃຫ້ຫຼາຍກວ່າເກົ່າ, ໂດຍສະເພາະແມ່ນການສຶກສາມະຫາວິທະຍາໄລພາຍໃນປະເທດ. ຂ້າພະເຈົ້າເຫັນວ່າ ຫວຽດນາມ ມີໂອກາດຫຼາຍຢ່າງທີ່ຈະບັນລຸຜົນດີໄດ້ ຈາກການເອົາໃຈໃສ່ດ້ານວຽກງານດັ່ງກ່າວ ກໍຄື ບັນດາຂົງເຂດວຽກງານການຄົ້ນຄວ້າ ແລະ ປ່ຽນແປງໃໝ່ ເຊັ່ນ: ຂົງເຂດວຽກງານການພັດທະນາເຄິ່ງຊັກນຳໄຟຟ້າ ຫຼື ກະສິກຳ”. ທ່ານນາງ ຫຼຸຍສ໌ ອາດຳ ໃຫ້ຮູ້ວ່າ: “ພວກຂ້າພະເຈົ້າ ຈື່ໄດ້ຄຳເວົ້າຂອງບັນດາລັດຖະມົນຕີ ຫວຽດນາມ ທີ່ວ່າ: ຫວຽດນາມຢາກສວມບົດບາດທີ່ກວ້າງຂວາງໃນຕະຫຼາດທົ່ວໂລກ ແລະ ຢາກທົດສອບຕົນເອງໃນບັນດາຂົງເຂດວຽກງານໃໝ່ ເຊັ່ນ: ການຫັນປ່ຽນພະລັງງານ, ເສດຖະກິດສີຂຽວ, ການເບິ່ງແຍງປະຊາຊົນ ແລະ ສ້າງອະນາຄົດວັດທະນາຖາວອນ. ດ້ວຍຄວາມເຂົ້າໃຈຂອງຕົນກ່ຽວກັບ ຫວຽດນາມ, ຂ້າພະເຈົ້າຖືວ່າ ຫວຽດນາມ ມີຄວາມຄາດຫວັງ ແລະ ຫວຽດນາມ ຈະຍາດໄດ້ສິ່ງທີ່ຕົນເອງປາດຖະໜາ”. ດ້ວຍຄວາມຕັດສິນໃຈສູງ ພ້ອມກັບການຍາດແຍ່ງກາລະໂອກາດ ທ່າໄດ້ປຽບ, ຫວຽດນາມ ຈະສວມບົດບາດທີ່ກວ້າງຂວາງກວ່າເກົ່າໃນຕະ ຫຼາດທົ່ວໂລກ ແລະ ສ້າງອະນາ ຄົດທີ່ວັດທະນາຖາວອນ.

news to day and hot news