ວັນພຸດ, ວັນທີ 04 ທັນວາ 2024
NATO ເປີດຫ້ອງການຕາງໜ້າຢູ່ ອູແກຼນ
ເວລາອອກຂ່າວ: 2024-11-11 09:13:28 | ຜູ້ຂຽນ : admin3 | ຈຳນວນຄົນເຂົ້າຊົມ: 103 | ຄວາມນິຍົມ: 
ວິທະຍຸກະຈາຍສຽງຫວຽດນາມ ລາຍງານໃຫ້ຮູ້ໃນວັນທີ 7 ພະຈິກ 2024 ນີ້ວ່າ: ວັນທີ 6 ພະຈິກ ຜ່ານມາ, ທ່ານ ພາທຣິກ ເທີເນີ ຫົວໜ້າຫ້ອງການຕາງໜ້າຂອງນາໂຕ (NATO) ຢູ່ ນະຄອນຫຼວງກີແອັບ, ອູແກຼນ ໄດ້ເດີນທາງເຖິງກີແອັບ ເພື່ອເລີ່ມຕົ້ນວຽກງານໃໝ່ ແລະ ພົບປະກັບທ່ານ ເຊເລັນສ໌ກີ (Zelensky) ປະທານາທິບໍດີ ອູແກຼນ ແລະ ທ່ານ ຣັສ໌ເຕັມ ອູເມຣົບ ລັດຖະມົນຕີກະຊວງປ້ອງກັນປະເທດ ອູແກຼນ.
ທ່ານ ເທີເນີ ເຄີຍດຳລົງຕຳ ແໜ່ງເປັນຜູ້ຊ່ວຍວຽກກ່ຽວກັບການສູ້ຮົບ, ນະໂຍບາຍປ້ອງກັນປະເທດ ແລະ ການວາງແຜນກຳນົດນະໂຍບາຍຂອງທ່ານ ເຈນສ໌ ສະໂຕລ໌ເທັນເບີກ ອະດີດເລຂາ ທິການໃຫຍ່ NATO. ການຕັດສິນໃຈເປີດຫ້ອງການຕາງໜ້າຂອງ NATO ໄດ້ມີຂຶ້ນພາຍຫຼັງກອງປະຊຸມລະດັບສູງສະພາ NATO-ອູແກຼນ ໃນຂອບກອງປະຊຸມສຸດຍອດອົງການດັ່ງກ່າວ ຢູ່ນະຄອນຫຼວງ ວໍຊິງຕັນ, ສ ອາເມຣິກາ.
ຖະແຫຼງການຂອງ NATO ໄດ້ໃຫ້ຮູ້ວ່າ: ທ່ານ ເທີເນີ ຈະເປັນຜູ້ປະສານງານ ການຮ່ວມມືລະຫວ່າງ NATO ກັບອຳນາດການປົກຄອງ ອູແກຼນ. ເຊິ່ງທ່ານຈະປະສານງານ ແລະ ສະໜອງຂໍ້ມູນຕ່າງໆ ກ່ຽວກັບສະພາບການຢູ່ ອູແກຼນ ໃຫ້ບັນດາປະເທດສຳພັນທະມິດ”.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
