ວັນເສົາ, ວັນທີ 07 ທັນວາ 2024
ມອບ-ຮັບໜ້າທີ່ຫົວໜ້າຫ້ອງເສນາທິການທະຫານແຂວງໄຊສົມບູນລະຫວ່າງຜູ້ເກົ່າ-ຜູ້ໃໝ່
ເວລາອອກຂ່າວ: 2024-11-11 12:20:54 | ຜູ້ຂຽນ : admin2 | ຈຳນວນຄົນເຂົ້າຊົມ: 793 | ຄວາມນິຍົມ: 
ໃນວັນທີ 8 ພະຈິກ 2024 ນີ້, ໄດ້ມີພິທີມອບ-ຮັບໜ້າທີ່ ຫົວໜ້າຫ້ອງເສນາທິການ ກອງບັນຊາການທະຫານແຂວງໄຊສົມບູນ ລະຫວ່າງ ສະຫາຍ ພັນເອກ ວົງພັນ ດາບຸດດີ ຫົວໜ້າຫ້ອງເສນາທິການຜູ້ເກົ່າ ແລະ ສະຫາຍ ພັນໂທ ປ.ອ ສະເຫຼີມ ໄຊສົມພອນ ຜູ້ໃໝ່, ໂດຍການເປັນປະທານຂອງ ສະຫາຍ ພົນຈັດຕະວາ ໝອນຄໍາ ດວງສະຫວັນ ຫົວໜ້າການເມືອງກອງບັນຊາການທະຫານແຂວງໄຊສົມບູນ, ມີຄະນະພັກ-ຄະນະບັນຊາ, ອົງການ 4 ຫ້ອງ ແລະ ພະແນກການທີ່ກ່ຽວຂອງເຂົ້າຮ່ວມ.
ສະຫາຍ ພັນເອກ ວົງພັນ ດາບຸດດີ ຫົວໜ້າຫ້ອງເສນາທິການຜູ້ເກົ່າ ໄດ້ຂຶ້ນຜ່ານບົດສະຫຼຸບໂດຍຫຍໍ້ວຽກງານຫ້ອງເສນາໃນຕະຫຼອດໄລຍະຜ່ານມາ ໄດ້ເຄື່ອນໄຫວວຽກງານຮອບດ້ານຢ່າງຕັ້ງໜ້າ ໂດຍປີ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ໄດ້ເອົາໃຈໃສ່ຊີ້ນໍາ- ນໍາພາວຽກງານດ້ານຕ່າງໆແມ່ນມີຜົນສໍາເລັດສູງ, ເປັນຕົ້ນ ວຽກງານການເຄື່ອນໄຫວເຮັດໃຫ້ສະພາບມີຄວາມສະຫງົບໂດຍພື້ນຖານ, ພ້ອມທັງເປັນເຈົ້າການຕ້ານ ແລະ ສະກັດກັ້ນບັນຫາປະກົດການຫຍໍ້ທໍ້ຕ່າງໆ ທີ່ອາດຈະເກີດຂຶ້ນໄດ້ທັນເວລາ, ພິທີດັ່ງກ່າວ ໄດ້ມີການເຊັນບົດບັນທຶກມອບ-ຮັບໜ້າທີ່ ລະຫວ່າງ ຜູ້ເກົ່າແລະຜູ້ໃໝ່ຂຶ້ນຢ່າງເປັນທາງການ.
ໂອກາດນີ້, ສະຫາຍ ພົນຈັດຕະວາ ໝອນຄໍາ ດວງສະຫວັນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ຜົນສໍາເລັດຫຼາຍດ້ານທີ່ຫ້ອງເສທິນາທິການຍາດມາໄດ້ໃນໄລຍະຜ່ານມາ ພ້ອມທັງຮຽກຮ້ອງມາຍັງຫົວໜ້າຫ້ອງເສນາທິການຜູ້ໃໝ່ເອົາໃຈໃສ່ສືບຕໍ່ຊີ້ນໍາ-ນໍາພາວຽກງານຫ້ອງເສນາທິການໃຫ້ມີບາດກ້າວເຕີບໃຫຍ່ເຂັ້ມແຂງໜັກແໜ້ນ, ອຸທິດເຫຼື່ອແຮງ ແລະ ສະຕິປັນຍາ ປະກອບສ່ວນໜ້າທີ່ວຽກງານຢ່າງຕັ້ງໜ້າ ເຂົ້າໃນການປັບປຸງກໍ່ສ້າງກົມກອງໃຫ້ນັບມື້ເຂັ້ມແຂງຂຶ້ນຢ່າງບໍ່ຢຸດຢັ້ງ.
ພາບ-ຂ່າວ ຊັ້ນ 1 ນ.ກ້າຈີທໍ່ ເພຍຫຼວງຈົ່ງເສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
