POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ກອງປະຊຸມໃຫຍ່ສະມາຊິກພັກ ຄັ້ງທີ IV ຂອງຄະນະພັກຮາກຖານ ທະຫານເມືອງສິງ
ເວລາອອກຂ່າວ: 2024-11-11 13:42:22 | ຜູ້ຂຽນ : admin2 | ຈຳນວນຄົນເຂົ້າຊົມ: 757 | ຄວາມນິຍົມ:

ກອງປະຊຸມໃຫຍ່ສະມາຊິກພັກ ຄັ້ງທີ IV ຂອງຄະນະພັກຮາກຖານກອງບັນຊາການທະຫານເມືອງຕົ້ນເຜິ້ງ ໄດ້ຈັດຂຶ້ນໃນວັນທີ 7 ພະຈິກ 2024 ນີ້, ໂດຍການເຂົ້າຮ່ວມຂອງ ສະຫາຍ ພົນຈັດຕະວາ ຫຸມພັນ ແກ້ວຫວັງລາດ ຮອງເລຂາຄະນະພັກ, ຫົວໜ້າການເມືອງກອງບັນຊາການທະຫານແຂວງຫຼວງນ້ຳທາ, ມີ ສະຫາຍ ພັນໂທ ສົມຊາຍ ຫຼ້າພີມພອນ ກຳມະການພັກເມືອງ ເລຂາຄະນະພັກຮາກຖານ, ຫົວໜ້າການທະຫານກອງບັນຊາການທະຫານເມືອງສິງ, ມີ ສະຫາຍ ປອ ຈັນພິພັກ ກອງຈຳປາ ກຳມະການພັກແຂວງ, ເລຂາພັກເມືອງ ເຈົ້າເມືອງ ເມືອງສິງ, ມີຮອງເລຂາພັກເມືອງ, ກໍາມະການພັກເມືອງ, ແຂກຖືກເຊີນ ຕະຫຼອດຮອດ ພະນັກງານສະມາຊິກພັກສົມບຸນ-ສຳຮອງເຂົ້າຮ່ວມ. ສະຫາຍ ພັນໂທ ສີນວນ ມູນວົງສາ ຮອງເລຂາຄະນະພັກຮາກຖານ ຫົວໜ້າການເມືອງ ໄດ້ຍົກໃຫ້ເຫັນຜົນງານການເຄື່ອນໄຫວວຽກງານຕະຫຼອດໄລຍະ 5 ປີຜ່ານມາ ເຫັນວ່າ: ຄະນະພັກຮາກຖານກອງບັນຊາການທະຫານເມືອງສິງ ໄດ້ມີຜົນງານຫຼາຍດ້ານທີ່ພົ້ນເດັ່ນເປັນຕົ້ນແມ່ນຄະນະພັກໄດ້ເອົາໃຈໃສ່ສຶກສາອົບການເມືອງ-ແນວຄິດໃຫ້ແກ່ພະນັກງານສະມາຊິກພັກໃຫ້ມີຄວາມໜັກແໜ້ນ, ອຸ່ນອຽນທຸ່ນທ່ຽງ, ມີຄວາມຈົ່ງຮັກພັກດີຕໍ່ພັກຕໍ່ປະເທດຊາດ, ເຊື່ອໜັ້ນຕໍ່ການນຳພາຂອງພັກຢ່າງຕາຍໃຈ, ຢຶດໜັ້ນອຸດົມການປະຕິວັດຢ່າງສະເໜີຕົ້ນສະ ເໜີປາຍ, ເປັນຫລັກແຫຼ່ງໃນການປະຕິບັດແນວທາງປ້ອງກັນຊາດທົ່ວປວງຊົນຮອບດ້ານ, ຮັບປະກັນເຮັດໃຫ້ກົມກອງ ແລະ ເມືອງສິງມີຄວາມສະຫງົບປອດໄພ ແລະ ສາມາດຍາດໄດ້ໃບຢັ້ງຢືນໜ່ວຍພັກປອດໃສ-ເຂັ້ມແຂງ-ໜັກແໜ້ນໃນແຕ່ລະປີຢ່າງຕໍ່ເນື່ອງ. ພ້ອມນັ້ນ ຍັງສຸມໃສ່ຫັນເອົາກຳລັງລົງຮາກຖານການເມືອງ ສ້າງທ່າສະໜາມ 3 ຂັ້ນ, ຕິດພັນກັບການພັດທະນາຊົນນະບົດຮອບດ້ານ, ສ້າງກຸ່ມບ້ານສູ້ຮົບຕິດລຽນພ້ອມທັງມອບໃບຢັ້ງຢືນບ້ານ ແລະ ຄອບຄົວປ້ອງກັນຊາດເຂັ້ມແຂງໄດ້ 11 ບ້ານ ມີ 1,077 ຄອບຄົວ, ເຮັດໃຫ້ບັນດາໜໍ່ແໜງກໍ່ຄວາມບໍ່ສະຫງົບພາຍໃນເມືອງໄດ້ຮັບການແກ້ໄຂທັນເວລາ, ສ້າງຄວາມສາມັກຄີຮັກແພງອັນເປັນມູນເຊື້ອ ລະຫວ່າງ ກອງທັບກັບປະຊາຊົນບັນດາເຜົ່າໄດ້ຮັບການເຊີດຊູດີຂຶ້ນ, ສັງຄົມມີຄວາມສະຫງົບໂດຍພື້ນຖານ. ຈາກນັ້ນກອງປະຊຸມໄດ້ປ່ອນບັດເລືອກຕັ້ງເອົາຄະພັກຮາກຖານຊຸດໃໝ່ເຊິ່ງມີຜູ້ສະໝັກ 9ສະຫາຍ ປ່ອນເອົາ 7 ສະຫາຍ, ເຊິ່ງໄດ້ ສະຫາຍ ພັນໂທ ສີນວນ ມູນວົງສາ ເປັນເລຂາຄະນະພັກຮາກຖານຊຸດໃໜ່, ສະຫາຍ ພັນໂທ ສົມຊາຍ ຫຼ້າພີມພອນ ເປັນຮອງເລຂາ, ສະຫາຍ ພັນໂທ ສາຍເພັງ ປິງຕິພັນ ເປັນປະທານກວດກາພັກ ແລະ ປະກອບມີຄະນະອີກ 4 ສະຫາຍເພື່ອຊີ້ນຳໆພາກອງບັນຊາການທະຫານເມືອງສິງໃຫ້ມີຄວາມເຂັ້ມແຂງ ໜັກແໜ້ນ. ໂອກາດນີ້. ສະຫາຍ ປອ ຈັນພິພັກ ກອງຈຳປາ ກໍ່ໄດ້ໃຫ້ກຽດໂອ້ລົມເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາພ້ອມທັງຮຽກຮ້ອງໃຫ້ຄະພັກຊຸດໃໝ່ຈົ່ງເອົາໃຈໃສ່ຊີ້ນຳ-ນໍາພາພະນັກງານນັກຮົບພາຍໃນກົມກອງໃຫ້ໜັກແໜ້ນເຂັ້ມແຂງສືບຕໍ່ປະຕິບັດຕາມທິດທາງແຜນການທີ່ວາງໄວ້ ແລະ ມະຕິກອງປະຊຸມໃຫຍ່ໃຫ້ປະກົດຜົນເປັນຈິງ. ພູນສອນ ວີໃຈທອງ

news to day and hot news