ວັນພະຫັດ, ວັນທີ 12 ທັນວາ 2024
ປິດຊຸດອົບຮົມ-ຫັດແອບ ປະຈຳປີ 2024 ຂອງກອງບັນຊາການທະຫານເມືອງປາກກະດິງ
ເວລາອອກຂ່າວ: 2024-11-12 09:01:52 | ຜູ້ຂຽນ : admin1 | ຈຳນວນຄົນເຂົ້າຊົມ: 591 | ຄວາມນິຍົມ: 
ພິທີປິດຊຸດອົບຮົມ-ຫັດແອບ ປັງປຸງລະບຽບແບບແຜນ ເຝິກຝົນຫຼໍ່ຫຼອມກຳລັງແຮງກາຍ, ແຮງໃຈ ໃຫ້ນາຍ ແລະ ພົນທະຫານ ປະຈຳປີ 2024 ຂອງກອງບັນຊາການທະຫານເມືອງປາກກະດິງ ແຂວງບໍລິຄຳໄຊ ໄດ້ຈັດຂຶ້ນ
ໃນວັນທີ 7 ພະຈິກ 2024 ນີ້, ໂດຍການເປັນປະທານຂອງ ທ່ານ ບຸນຄົບ ຈັນທະວົງ ເຈົ້າເມືອງ ເມືອງປາກກະດິງ, ມີ ສະຫາຍ ພັນໂທ ວິສັນ ທິບວົງສາ ຮອງຫົວໜ້າຫ້ອງເສນາທິການ ທະຫານແຂວງບໍລິຄຳໄຊ ແລະ ພັນໂທ ບຸນຍັງ ມູນມະນີ ຫົວໜ້າການເມືອງ ກອງບັນຊາການທະຫານເມືອງປາກກະດິງ, ມີບັນດາແຂກຖືກເຊີນ, ຄະນະບັນຊາກອງບັນຊາການທະຫານເມືອງ ຕະຫຼອດຮອດພະນັກງານ-ນັກຮົບທົ່ວກົມກອງ ເຂົ້າຮ່ວມ.
ສະຫາຍ ພັນໂທ ບຸນຍໍ ອິນທະວົງ ຮອງຫົວໜ້າການທະຫານ ກອງບັນຊາການທະຫານເມືອງປາກກະດິງ ໄດ້ໃຫ້ຮູ້ວ່າ: ການຈັດຕັ້ງອົບຮົມ-ຫັດແອບ ປັງປຸງລະບຽບແບບແຜນ ເຝິກຝົນຫຼໍ່ຫຼອມກຳລັງແຮງກາຍ, ແຮງໃຈ ໃຫ້ນາຍ ແລະ ພົນທະຫານ ປະຈຳປີ 2024 ຂອງກອງບັນຊາການທະຫານເມືອງປາກກະດິງ ໄດ້ປະຕິບັດຕາມຄຳສັ່ງແນະນຳ ຂອງຫ້ອງເສນາທິການ ທະຫານແຂວງບໍລິຄຳໄຊ ວ່າດ້ວຍການອົບຮົມ-ຫັດແອບ ປະຈຳປີ ໃນທົ່ວທະຫານແຂວງ ແລະ ອີງຕາມແຜນການອົບຮົມ-ຫັດແອບ ປະຈຳປີ ຂອງກອງບັນຊາການທະຫານເມືອງປາກກະດິງໃຫ້ບັນລຸຕາມແຜນການ ທັງເປັນການກໍ່ສ້າງ ແລະ ປັບປຸງກຳລັງ ໃຫ້ມີ
ຄວາມໜັກແໜ້ນທາງດ້ານການເມືອງ ແລະ ເຂັ້ມແຂງທາງດ້ານການຈັດຕັ້ງປະຕິບັດ, ເພື່ອເຝິກຝົນຫຼໍ່ຫຼອມກຳລັງແຮງກາຍ, ແຮງໃຈ ໃຫ້ນາຍ ແລະ ພົນທະຫານ ທາງດ້ານຄວາມຮູ້ ຄວາມສາມາດ, ມີຄວາມຊຳນິຊຳນານ ໃນການປະຕິບັດໜ້າທີ່ຕ່າງໆ ຂອງຕົນໃຫ້ສຳເລັດ. ເນື້ອໃນທີ່ນຳມາອົບຮົມ-ຫັດແອບ ໃນຄັ້ງນີ້ ປະກອບມີ 4 ພາກຄື: ພາກການເມືອງ ມີ 5 ບົດ, ພາກພະລາທິການ ມີ 4 ບົດ, ພາກເຕັກນິກ ມີ 3 ບົດ ແລະ ພາກການທະຫານ ໄດ້ອົບຮົມການປັບປຸງລະບຽບແບບແຜນຂອງກອງທັບ ມີ 7 ບົດ, ອົບຮົມກິລາການທະຫານ ມີ 4 ບົດ ແລະ ອົບຮົມຍຸດທະວິທີ ມີ 4 ບົດ ໃຊ້ເວລາອົບຮົມ-ຫັດແອບຕົວຈິງທັງໝົດ 58 ວັນ, ສະເລ່ຍຜົນໄດ້ຮັບໃນການອົບຮົມໄດ້ 91,1 %.
ໂອກາດນີ້, ທ່ານ ບຸນຄົບ ຈັນທະວົງ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ຄະນະບັນຊາ ແລະ ພະນັກງານ-ນັກຮົບ ຂອງກອງບັນຊາການທະ
ຫານເມືອງປາກກະດິງ ທີ່ໄດ້ພ້ອມກັນຜ່ານຜ່າທຸກຄວາມຫຍຸ້ງຍາກນານາປະການ ສາມາດເຮັດໃຫ້ຊຸດອົບຮົມ-ຫັດແອບຄັ້ງນີ້ສຳເລັດຕາມລະດັບຄາດໝາຍ ພ້ອມທັງ ຮຽກຮ້ອງໃຫ້ຄະນະພັກ-ຄະນະບັນຊາ ເອົາໃຈໃສ່ປະສານສົມທົບເຮັດວຽກມີແບບແຜນ ລວມສູນປະຊາທິປະໄຕເປັນໝູ່ຄະນະ ແບ່ງຄວາມຮັບຜິດຊອບໃຫ້ບຸກຄົນ, ເອົາໃຈໃສ່ເຕົ້າໂຮມຄວາມສາມັກຄີພາຍໃນ-ພາຍນອກໜັກແໜ້ນ, ສືບຕໍ່ລົງກໍ່ສ້າງທ່າສະໜາມປ້ອງກັນຊາດ-ປ້ອງກັນຄວາມສະຫງົບ ຕິດພັນກັບການປັບປຸງກໍ່ສ້າງຮາກຖານການເມືອງໃຫ້ໜັກແໜ້ນ, ຖອດຖອນບົດຮຽນເຊີ່ງກັນ ແລະ ກັນ ທາງດ້ານດີ, ດ້ານອ່ອນຂໍ້ຄົງຄ້າງ ໃນການອົບຮົມ-ຫັດແອບຜ່ານມາ ເພື່ອເປັນທິດໃນການອົບຮົມ-ຫັດແອບຄັ້ງຕໍ່ໄປ.
ໂດຍ: ສີທອງ ຈັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
